مجتمع رجيم - المنسف الاردني على اصوله بالصور من مطبخي

بسم الله الرحمن الرحيم
حبيباتي واخواتي الغاليات
قمت سابقا بتنزيل طريقة المنسف بالدجاج وهلا بدي انزله لعيونكم باللحمه وعلى الاصول
http://img10.imageshack.us/img10/1369/image141copy.jpg
الطريقتين نفس الشئ ولكن الفرق هوه اللحمه والدجاج فقط وكمان الدجاج بينقلى اما اللحمه ما بنقليها
اليكم المقادير والطريقه
لحمه ضان
http://img165.imageshack.us/img165/9590/image114.jpg
ارز تايجر او سنوايت لبن روب زيت ذره او سمن بلدي جميد بلدي او الكسيح
http://img165.imageshack.us/img165/4757/image124.jpg
واذا لم يوجد عادي ما بتفرق
ملح بصله صغيره فلفل اسود هيل مطحون رشة كركم صغيره بيض للبن لوز صنوبر
2 كاس فريكه خشنه
http://img165.imageshack.us/img165/8849/image116.jpg
وخبز رقاق او شراك او اي نوع
ماجي ورق غار
الى العمل

اولا نبدا باللحمه نغسلها جيدا من اي شوائب
نضعها في طنجره مناسبه ونغليها على النار غلوتين فقط او حتى تظهر الزفره
وبعد هيك نتخلص من الماء ونغسل اللحمه جيدا وبتكون بهذا الشكل
http://img165.imageshack.us/img165/151/image118.jpg
نغسل الطنجره مره اخرى ونقطع البصله ونشوحها على النار
http://img166.imageshack.us/img166/9882/image117.jpg
بالسمن البلدي او قليل من زيت الذره لحتى تشقر
وبنضيف عليها اللحمه ونبدا بالتقليب
http://img165.imageshack.us/img165/3770/image119.jpg

وطبعا هادي نصيحه لكل الاخوات انكم دائما تطبخو اللحمه او الدجاج بهادي الطريقه لكي تحصلن على
طعام نضيف وخالي من الزفره لانو هيك اضمن وبتتاكدي انو مافي زفره عالقه باللحمه
نرجع لطبختنا

بعد ما قلبنا اللحم نضيف له البهارات اللي ذكرتها سابقا مع ورق الغاروكميه منا سبه
من الماء وهاد شكل الما شوفو شو بيكون نضيف وخالي من الشوائب

http://img166.imageshack.us/img166/7683/image120.jpg

وبنخليه على النا لحتى يقارب على الاستواء

وبهادي الاثناء بنضيف البيض للروب وبنخفقه جيدا بواسطة المولينكس
او مضرب السلك ونضيف مكعبات الجميد والماجي
ونبقى نحرك فيه على نار قويه لحتى يغلى وما تتركو التحريك الا لما يغلي اللبن
لأنو بيفرط معكم وما بعود ينفع
http://img10.imageshack.us/img10/5606/image127.jpg
وبنفس الوقت نعمل الارز المفلفل ونطبخه بواسطة ماء اللحمه او ماء الدجاج
واذا ما فيه اي نوع منهم عادي ما بيهم كلو بيطلع طيب بس بمرقة الدجاج
بيطلع اطيب
هلا الفريكه نذوب ملعقتين سمن بلدي ونضيف الفريكه عليهم ونقلب جيدا
متل طريقة الارز لكن الفريكه بدها زيادة ماء
نضيف الما والماجي ونوطي النار ونخليها لحتى تستوي وتتفلفل
يعني ما تكون مخبصه

هلا نرجع للحمه ونشوف شو صار معها لما نشعر انها قربت تستوي نضيف ليها اللبن
http://img165.imageshack.us/img165/3778/image130.jpg
المغلي ونخليهم يغلو مع بعض لحتى اللبن ياخد طعم اللحمه
ويغلظ قوامه
شوفتو شطارتي كلو خلصتو مع بعضو يعني هلا كل شئ صار جاهز
التقديم

ناتي بصينيه مستديره عنا بالاردن نسميه سدر وهوه للمنسف مخصوص
نضع فيه الخبز ونسقيه باللبن
وهادي الخطوه بتقدرو تلغوها لانها حسب الرغبه
زي ما بعمل انا لانهم ولادي ما بيفضلوها
نضع الارز فوقه بشكل هرمي ومرتب
http://img165.imageshack.us/img165/1790/image134.jpg
بعدين ارش طبقه من الفريكه المفلفله فو الارز
http://img166.imageshack.us/img166/2871/image137.jpg
بطلع اللحمه من اللبن وبرتبها فوق الارز والفريكه
اسقي المنسف باللبن الخفيف المصفى يعني مو كتير
واخر شئ بضيف اللوز المشقر فوقه
وهاد شكله النهائي
يقدم مع البصل الاخضر والفلفل والمخلل والفجل
http://img10.imageshack.us/img10/9663/image139m.jpg

http://img165.imageshack.us/img165/423/image143.jpg

http://img166.imageshack.us/img166/5901/image142.jpg
وكلو حسب الرغبه والذوق

طبعا انا نسيتا اني اشرح عن راس الضان اذا كان متوفر
نحضره من عند اللحام مسلوخ جاهز وننضفه جيدا بالخل والليمون ونغليه زي طريقة اللحمه بالزبط
بعدين نضيفله التوابل والبصله المقطعه ونسلقه جيدا لحتى يستوي
وبع ما يستوي نكب ماء السلق كلو ونضيفله قليل من اللبن المطبوخ لحتى يتجانس
معو ونضعه بقمة المنسف
وهاد عند الاردنيين بيعني تكريم الضيف بشكل كبير
وصحتين وعافيه

واللي عندها اي سؤال انا جاهزه