مجتمع رجيم
1 2  3  4  5  ... الأخيرة

مجتمع رجيم (https://forum.rjeem.com/)
-   أرشيف رجيم (https://forum.rjeem.com/f54.html)
-   -   نظام الدكتور محمد الجزار ابغى حماااااس (https://forum.rjeem.com/t93048.html)

ورود المحبه 12-16-2010 04:16 PM

نظام الدكتور محمد الجزار ابغى حماااااس
 
انا اليوم رحت للدكتور محمد الجزار اول مره بعد ماشفت تجارب وكلام الكثير عنو اتشجعت كتير وحبيت اروح عشين استفيد واتخلص من هذا الهم الي عندي
طبعا اول مارحت سويت التحليل وبعدها دخلت للدكتور قاس وزني وطولي وبعدها سار يكلمني عن الوزن ومعدل الدهون وكم يبغالي انزل وهيك
المهم اعطاني النظام الغدائي وخيريني بين دوا سد الشهيه او ازالة الدهون قال اذا ماتقدري تمسكي نفسك عن الاكل وتخربي الرجيم خدي سد الشهيه واذا العكس خدي ازالة الدهون وهدا الدوا قال انو حق ازالة الدهون الجديده فبما انو في اكلك الي في الرجيم مافي دهون فطبيعي راح يحرق ويزيل الدهون القديمه الموجوده فجسمك فصراحه عجبني هذا الشي واخترتو ووصفلي حبوب تانيه عباره عن فيتامينات مفيده للجسم والبشره من الشعر والاظافر وغيرها وكمان وصفلي على صابون تستخدم يوميا على المناطق الي فيها شحوم مثل البطن والفخود وكمان كتبلي على نوم من السكر اشتريه من الصيدليه
وقالي المراجعه بعد اسبوعين وقال لازم خلال هادي الاسبوعين تنزلي من 3 الى4 كيلو وخلال مدة البرنامج الي هيا 3شهور تنزلي من 16 الى 20 كيلو
واهمممممممم شي المشي يوميا مده لاتقل عن30 دقيقه



انا بدات الرجيم من اليوم وحابه احد يكون معايا تشجعني واشجعها ونتعاون ع هذا الشي خلال فترة البرنامج ال3شهور
والي تبغى تبدأ معايا تخبرني عشين انزلكم النظام الغذائي الي اعطاني هوا الدكتور للاسبوعين الاولى

اليوم الاربعاء9/1/1432هــ
وزني 93 للاسف
وطولي 161الوزن المثالي 60
المراد تنزيله للوصول للوزن المثالي 33
طبعا الدكتور قالي لازم انزل طوال المده هادي من 16 الى 20 فمن جد اتمنى اني انزل عل الاقل ال20 هادي مع الدكتور والباقيه راح اكملها بعد الدكتور لاني خلاااص تعبت من هذا الجسم


وحبايبي اي استفسار بخصوص الدكتور انا حاضره


يلا بنات معايا الله يسعدكم ابغى حمااااااااس ابغى اشوف ردود تفرحني وتشجعني كتير

ام ندوره 12-16-2010 08:03 PM

رد: نظام الدكتور محمد الجزار ابغى حماااااس
 
حياج الله معانا وتنورينا واهمال اليوميات 4 ايام راح تغلق وبالتوفيق

SHAHOODY 12-16-2010 08:20 PM

رد: نظام الدكتور محمد الجزار ابغى حماااااس
 
اهلا حبيبتى بالتوفيق ان شاء الله
بس ممكن ناخد فكرة عن الرجيم و نوع الدواء الى وصفة الدكتور
انا وزنى زيك تقريبا

ورود المحبه 12-16-2010 10:37 PM

رد: نظام الدكتور محمد الجزار ابغى حماااااس
 
هلا فيكم والله ويسلمو على الترحيب
النظام الغدائي عباره عن 6 برامج كل برنامج يتطبق لمدة اسبوعين

البرنامج الاول:
الافطار:
كوب شاي(حليب قليل الدسم)+2شابوره حب او ربع رغيف خبز+قطعة جبنه بيضاء قليلة الدسم
الغداء:
كوب ماب +سلطه خضراء(خس+خيار+فلفل رومي اخضر+طماطم)+قطعة لحم اوربع دجاجه مشويه او مسلوقه بدون جلد+برتقال او تفاحه
العشاء:
كوب ماء كبير+كوب زبادي قليل الدسم+2شابورة بر او ربع رغيف خبز+تفاحه


الاكل المسموح به بين الوجبات:
خس+خيار+جزر+عصير قريب فروت+شاي+قهوه+عصير ليمون+تفاح+برتقال+حليب+لبن قليل الدسم

الاكل الممنوع:
المكرونه+البطاطس+الارز+الكيك+الحلويات+التمر+العنب+ الموز+العسل+المكسرات+القشده+الزبده+الكريمه+ايس كريم+السمن البلدي



والادويه:
xenical orlisatهذا حبتين في اليوم وحده قبل الغداء ووحده قبل العشاء
zeroهذا السكر خاص بيالرجيم من الصيدليه
breatheصابونه تستخدم يوميا على المناطق الي فيها دهون مثل البطن والفخد لكن لا تستخدم للصدر ابدا





أوكي حبايبي مو مشكله تبدأو ونصير نحط يومياتنا هنا
وقياس الوزن راح يكون بعد اسبوعين لازم كل وحده فينا تنزل من 3 الى 4 كيلو
وبعدها نبدأ في البرنامج التاني ويكون نفس الشي فخلال الشهر نكون نزلنا من 6 ال8 كيلو ويعتبر شي حلو وانجاز


انا بدأت من اليوم الخميس10/1 وكنت صايمه فطرت المغرب على علبة حليب قليل الدسم
والساعه 11اكلت ربع دجاج مشوي طبعا يعتبر غدا ومشيت ساعه كامله في البحر كان طبعا انواع الاغراء مع الاهل شوكلاتات وشيبسات وبطاطس بس قاومت ومسكت نفسي لاني من جد حابه ال3 شهور هادي انزل فيها والناس يشوفو الفرق عليا
وخلاص دحين بنام وبكرا صيام اكيد
واكيد ارحب ويشرفني انضمام الباقين ادا حابين ينضمو معانا ونكون يد بيد
تصبحو على خير^_^
</B></I>

SHAHOODY 12-16-2010 11:44 PM

رد: نظام الدكتور محمد الجزار ابغى حماااااس
 
اهلا وردة المحبة
الف شكر على الرد يا قمر انا ممكن ابدا معاكى يوةم السبت ان شاء الله
لان انا بكرة صايمة باذن الله
اية رايك

um rawan 12-17-2010 01:02 AM

رد: نظام الدكتور محمد الجزار ابغى حماااااس
 
دايت سنتر تحت إشراف طبي - منتدى ريجيم | منتدى نسائي للمرأة فقط
ارجو الدخول هنا


الساعة الآن 04:35 PM.
1 2  3  4  5  ... الأخيرة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0