الكشرى المصرى

مجتمع رجيم / الأطباق الرئيسية

كتبت : محبة رسول الهدى

السلام عليكم ورحمة الله وبركاتة

النهاردة هنزل لكم وصفه جديدة

الكشرى

وماادراك مالكشرى ههههههه

من ايد

ام هيا وبس هههههههههههه

بسم الله نبدا

المقادير

1/4 عدس بجبه 1/2 رز 1/4 حمص الشام

كيس مكرونه مرمريه صغيرة وكمان حبه اسباجيتى

كيلو طماطم

توم.بصلتين.ملح.فلفل.كمون.ليمون.خل

الطريقه

اول حاجه بسلق المكرونه فى ميه وملح وزيت

اعمل حمص الشام واجهزة لانه بياخد وقت

بعدين بعمل الصلصه احمر توم واطشها بالخل وبعدين الصلصه تتسبك وملح وفلفل

احمر بصلتين كبار فى الزيت واخليهم على جنب

اجيب حله كبيرة واحط 3 ملاعق زيت واحمر فيهم شويه شعيريه

واطشهم بالميه وبعدين احط العدس يغلى شويه ومتخافيش على الشعيريه

احط الملح وبعديها الرز واقلب واسيبهم يتشربو كويس

اعمل دقه من ملح وكمون وشطه وخل

اغرفى بقى زى ماانتى عاوزة وادعيلى

بجد هزعل اوى لو مفيش ردود او تقييم