فكرت اني انزل وصفات الدايت الي اسويه يعني بالاحرى الاطباق الي انا اطبخها في رجيمي وعطيكم الطريقه مع الصوره وان شاء الله كله بيكون في موضوع واحد وكل ما اسوي طبخه بصورها واحطلكم فالموضوع مع الطريقه..
طبخاتي كلها قليلة السعرات الحراريه وقد ما اقدر ما استخدم الزيت..
نبداء اول وصفه لليوم
وجبة الفطــــــــور
قوطي لوبيا اصغر حجم جلابينو ( الفلفل المخلل) خبز جباتي الجاهز ( تقدرون تستبدلونه اب خبز بر تكون حبة وحده ) لبنة المراعي قليلة الدسم ملعقه وحده
طريقة طبخ اللوبيا ( افتحي العلبه وحطيها فالقدر او التاوه بدون زيت ولا ملح تقدرين تحطين اي بهار يعجبح بس بدوون ملح = انا استخدمت فلفل اسود + الجلابينو خليته مال 3 دقائق ينطبخ خلاص
وهاي صورة الفطـــــــــــــــــــــــــور هني وعافيه يتبع..
كتبت :
ツ♥ليمونةالحلوة♥ツ
-
يعطيكي العافية
وصحةوهناعلى قلبك
كتبت :
دينار
-
تسلم ايديك حبيبتي
ماشاء الله
الصور من مجهودك حبيبتي
انتظر ردك لكي انقاها للخاص واضع الوسام
كتبت :
غالي عليه
-
نعم من مجهودي توقعي موجود عليها :)
كتبت :
غالي عليه
-
مرحبا اشحالكم يا رشيقات..
اشكر كل من طل على موضوعي
الوجبه الثانيه من تطبيقي هي
وجبة الغـــــــــــــــــــــــــــداء
كانت عباره عن دجاج تندوري + خضره مسلوقه ( وكلشي جاهز )
الطريقه ان شويت الدجاج فالفرن حطيه ابايركس او على المنيوم وشغلي الفرن من فوق وخليه ينشوي ومايخذ اقل من ربع ساعه ويستوي
الخضره تكون جاهزه في اكياس بس تخلينها تفور في ماء شويه فقط وتصفينها من الماء انا ضفت عليها ربع ملعقة صغيره من السيززر صوص للطعم فقط