العرس الاردني
مجتمع رجيم / العروسة
كتبت :
ام عبدالله1
-
بالبداية بحب اشكر نهولة على دعوتها لمشاركتي بالقسم معكم
وهدا اكيد شرف كبير الي وان شاءالله اليوم رح احكي عن العرس الاردني
الي اله عاداته وتقاليده الخاصة متله متل اي عرس تاني
وطبعا رح احكي معكم بالعامية عشان الموضوع يكون احلى
طبعا بالبداية رح نحكي كيف بتصير فكرة الزواج اولا وهي انه هالشب بصير عمره مناسب للزواج
وبحس حاله قد المسؤولية واما بطلب من الوالدة انها تدور على عروس او ازا شاف وحدة وعجبته بخبر اهله
وبهاي الحالة بتتوجه الام مباشرة الى اهل العروس لحتى تشوفها وبتخبر اهلها انها حابة تخطب البنت لابنها
وبتعطيهم تفاصيل كاملة عن الشب لحتى يعرفوا مواصفاته وطبعا بتغيب الام كم يوم وبعدين بتحكي تلفون مع ام البنت
لحتى تشوف ازا في نصيب او لا وازا وافقوا اهل العروس بتكون موافقة مبدئية طبعا بتروح الام والشب وبتاخد معها بنتها او اختها
على حسب لحتى يتعرف الشب عن قرب عالبنت وازا اتفقوا مع بعض باخدوا للرجال لحتى يروحوا لبيت العروس
وبتكن هاي الجلسة اسمها (فصل النقد) يعني لحتى يحددوا كم المهر للعروس ويحددوا موعد الخطبة
وازا تم الاتفاق على المهر بقراؤا الفاتحة على نية التوفيق وبحددوا مظوعد الخطبة وكتب الكتاب
مرحلة الخطبة
طبعا بتستعد العروس وبتجهز حالها للخطبة وقبل كتب الكتاب نزل قانون بالاردن انه ما في كتب كتاب
الا بعد عمل تحاليل للعروسين لضمان عدم انتقال الامراض الوراثية للابناء بعد الزواج
وطبعا نتيجة التحليل بتطلع بنفس اليوم
وباخدوا العروسين الموافقة من المركز على الزواج وبتتقدم للقاضي عند عمل معاملة الزواج
طبعا العروس بتبلش تختار بدلة الخطبة
وطبعا في التلبيسة (الدهب) وهاي بتكون هدية من اهل العريس للعروس وبتكون كالتالي
هاي ليرة دهب اساسية
الدبلة
اسوارة
وطبعا يوم حفلة الخطبة بكون هو نفسه يوم الجاهة وكتب الكتاب وبتروح العروس عالصالون وبتجهز حالها
وقبل موعد الخطبة بنص ساعة بتكون بالبيت وبتيجي الجاهة وبكون الرجال لحال والنسوان لحال وهدا اكيد
في الجاهة عن الرجال بتم الطلب من اكبر شخص في عيلة العريس للعروس وبطلبها من اكبر شخص في عيلة العروس
وبتم الموافقة وبعدين بروح العريس وابو العروس والشهود لعند النسوان وفي غرفة بتدخل العروس وبتم سؤال العروس
ازا موافقة من الشيخ وبتوقع عى اوراق وبترجع عند النسوان وبس تخلص الاجراءات بدخل العريس
طبعا بتستقبله امه وبتسلم عليه وبتباركله وبتبلش الزغاريد واول شي بعمله العريس انه بسلم
عالعروس وببوس راسها وبعدين بلبسها التلبيسة بمساعدة امه
وطبعا بظل الاغاني والزغاريد لمدة ساعتين
واهم شي الضيافة بتكون كنافة
وكمان بيبسي
فترة الخطبة
وهي من اجمل ايام العمر وبتكون فترة الخطبة لمدة سنة بالكتير ةوبعدها بتم العرس
وبهالفترة بظل العريس يزور العروس باستمرار وبكل مرة بيجي لازم يجيب معه هدية
وبس يكون العريس اموره جهزت بخبر اهل العروس انه حابب يحد موعد العرس
وبتم الاتفاق على يوم معين للعرس
وعادة بفضلوا العرس يكون اما الجمعة او الخميس
وبتبلش العروس تجهز امورها للعرس من جهاز ملابس وملابس داخلية وقمصان نوم
وعطور ومكياجات ...........
وقبل العرس باسبوع بتروح العروس مع امها وكم وحدة من المقربات بالعيلة لحتى تودي الجهاز لبيت المستقبل
وبكون موجود بالبيت ام العريس وكمان نسوان من الاقارب لحتى يشوفوا الجهاز
وبعد هيك بتوزع ام العريس حلوان عالموجودين
وقبل العرس ب3 ايام بتبلش اجواء الفرح تبين عند اهل العريسين
ونيجي ليوم الحنة بتختار العروس البدلة ليوم الحنة وبتروح للصالون
وبس تخلص بتروح لبيت اهلها وبعدين بيجوا اهل العريس ومعهم الحنة بتكون مزينة
وبرقصوا بالحنة شوي وبعدين بحنوا العروس وبكتبوا حرف العريس على ايدها
وبعدين بوزعوا على المعازيم حنة موجودة بكياس صغيرة وحلو
وبعدين بروحوا اهل العريس على بيتهم وبكملوا حفلتهم وبتكمل العروس حفلتها مع الصبايا
وصاحباتها وبتكون الحفلة رووووووووووووووووووووووعة
وكمان العريس بكون مشغول مع اصحابه بالحفلة والعاب نارية واجواء رهيبة
وفي اخر الحفلة بحنوا العريس وبغنولوا اغنية الحنا المشهورة:
سبل عيونه ومد ايده يحنونه
وشي هالغزال الذي راح يصيدونه
غزال شارد كيف أهله يتركونه
وبتلخص حفلة العريس بهالغنية الرائعة
وبيجي يوم فرحة العمر يوم العرس وبهدا اليوم العروس بتطلع بكير على الصالون
لحتى تجهز امورها
والعريس بنعزم على الحمام عند اصحابه والشاطر الي بلطشه كف هيك بصير بالحمام
وقرب موعد العرس وخلصت العروس ورجعت لبيت اهلها وغنولها شوي وخلوها تبكي
واجوا اهل هالعريس بالفاردة لحتى ياخدوها
وبتنزل ام العريس ومعا كم وحدة وبنزل كمان رجال وبطلعوا العروس بالاغاني والزغاريد
وبطلع العروس من بيتها ابوها وكبير العيلة والعريس بكون يستنى عالباب
وهن بيجي الاب الحنون وبوصي العريس على بنته
وبتروح الفاردة على الصالة وببلش العرس
وببداوه باغنية يدخلوا عليها العرسان وبرقصوا العرسان مع بعض وبكملوا حفلتهم
وتاني يوم بكون الصبحية وبكون متلا الجمعة وبكونا عاملين غدا(طبعا هالعادة مو عند الكل)
وبتلبس العروس وبتزبط حالها لانه بكون في حفلة للنسوان قبل الغدا
وبنزل الغدا واكيد لازم يكون منسف اردني
وبعد هيك بخلص العرس وعقبال عند كل الصبايا
وهلا رح احط بعض الاغاني والزغاريد الي بغنوها بالاعراس
أويها يا ابراهيم يا خاتم ذهب
أويها دقيته بالشام واهتزت حلب
أويها واهتزت حلب واهتزت علاليها
أويها وحتى السلاطين قامت من علاليها
أويها ياما قعدوا جنبي
أويها ياما حرقوا لي قلبي
أويها قالوا ابراهيم ما بياخذ لحظات
اويها اخذها ونصرهم ربي
اويها ابراهيم حوطتك بالله
أويها يا زهر الياسمين
أويها يا مصحف صغير
أويها على روس السلاطين
أويها مسيتك بالخير يالي مجمعنا هالساعة
اويها واسمك مهند وبيدك خاتم الطاعة
اويها وحياة من خلى نجوم الليل بالسما لماعة
اويها ما أقدر على فراقك لا يوم ولا ساعة
أويها محمد يا واحد
اويها وحسام يا اثنين
اويها والي ما تصلي على النبي
اويها تفقد عينيها الثنتين
أويها بنات الاردن ما حدا يقدر يحاكيهن
اويها يوكلن ويشربن ويطلعن في علاليهن
اويها يا حسرتك يا الشب يوم تلاقيهن
اويها يصفر لونك وما تقدر تحاكيهن
أويها شباب الاردن يا عروق الشجر
اويها يا مطلعين المال من تحت الحجر
أويها حلفتكو بالله منهو شيخكو
اويها شيخنا ابو حسين على الباشا حضر
اويها وصلن على النبي
اويها والصلاة صلاتين
اويها الاولى على مهند
اويها والثانية تبعد عن حسام العين
اويها فستانك يا لحظات طية على طية
اويها طية عربية وطية افرنجية
اويها وتقول ميس يا بي ويا خي
اويها وانا عند أمير لا تخافوا عليه
يا قراباته غنن لبراهيم يا قرباته
على امه وخواته واكثر العتب على امه وخواته
يا بنات سيدو غنن لابراهيم يا بنات سيدو
على الي يريدو واكثر العتب على الي يريدو
يا بنات خاله غنن لابراهيم يا بنات خاله
على الي يحلاله واكثر العتب على الي يحلاله
يا عزّ احباب روحّ يا حسام يا عز احبابي
عشاء كبابي عندنا الليلة عشاء كبابي
يا عز ضيوفي روحّ أحمد يا عز ضيوفي
عشاء خروفي عندنا الليلة عشاء خروفي
تفتح على الشارع دار أبو مهند تفتح على الشارع
خوخ ومزارع يالي شجرها خوخ ومزارع يلي شجرها
عالي على الناس دار أبو محمد عالي على الناسي
ذهب ألماسي دقة حجاره ذهب ألماسي
علاي على الكل دار أبو ابراهيم عالي على الكل
ذهب عصملي دقة حجاره ذهب عصملي
: icon6:
الف مبروك للعرسان وبالرفاه والبنين ان شاءالله