جدول حصرى لعرايس رجيم فقط نظام جديد ومتجرب بادرى بالتسجيل فورا

مجتمع رجيم / أرشيف رجيم

كتبت : ولا احلى

صباح الخيرات

عروسات رجيم الغاليات

كل عروس بتتمنى تكون اجمل عروسة فى ليلة العمر

واليوم انا جيبالكوا برنامج رااائع تمشوا عليه

هو مكثف شوية بس عشان

نتبهر بالنتيجة اول ما نخلص البرنامج

مدة البرنامج شهر

اول اسبوع هانعتنى بالوجه اعتناء كامل

وممكن لمدة اسبوع او عشرة ايام فقط

لكن لو معانا وقت هنعمله لمدة شهر

طبعا في نصائح بسيطة مهمه جدا

قبل ما نبدأ البرنامج

اولا واهم شيء الاستعانة والتوكل على الله

واخلاص النيه لتكوني اجمل امام زوجك

و سم الله قبل كل خطوة

الجدول

1- المفروض متجربيش اي حاجه جديده قبل فرحك بتلات شهور

2- اعملي جدول لنفسك فيه حل لكل مشاكلك وامشي عليه

ترتيب ووضع برنامج

3- هاتي كل الحاجات اللي ناقصاكي في يوم واحد اول ما تحددي البرنامج

لا تؤجل عمل اليوم الى الغد

4- كوني حريصة على التنفيذ بدون اي تكاسل ومن طلب العلا سهر الليالى

لبشرة صافية

5- شرب 8 اكواب ماء يوميا

لأسنان ناصعة البياض

6- الاهتمام بغسل الاسنان بعد كل وجبة ولو اسنانك صفراء اتركى المعجون فى فمك ثلاث دقائقوهاتدعيلى

ترطيب الجسد

7- الاهتمام بترطيب اليدين والقدمين ثلاث مرات يوميا

8- ترطيب القدمين مساءا ب CARBAMIDE كريم من الصيدليه ب 3 جنيه ولبس شراب قطن

مع سنفرة خفيفة الصبح بحجر ناعم

الخطوة الثانية

جدول العناية بالوجه

بما انك عروسة يبقى لازم كل يوم ماسك

اول ماسك

ونحضر الماسك ده ( ماسك التفتيح العظيم )

بطاطسية مسلوقة بقشرها بعد غسلها كويس جدا طبعا +

قشر موزتين نضيفه بردو

+عصير نصف ليمونة او ليمونة حسب

حساسية البشرة + نصف كوب لبن

ونضربهم في الخلاط ونحفظهم في زجاجه في التلاجه ليها غطاء محكم

والرابط دا فى الماسك بالصور

http://www.rjeem.com/forum/t88778.html

الجدول

الخميس : ماسك التفتيح العظيم واحسن حاجة تعملوه كل يوم صباحا

وبعديه نمرر تلجه وننشف الوجه جيدا

وترطيب بكريم خفيف

الجمعة

ماسك بذرة قطونة (رااااائع)

ملعقة صغيرة مملوءة بذرة قطونة

ماء مغلي حوالي اتنين ملعقة

كبيرة

ويقلب كل شوية ولما يبرد هنلاقيه لزج كده عندك اختيارين

تستخدميه كده بحبوبه او تصفيه وتاخدي السائل اللزج

هتصفيه بشاشه او شراب فيليه او قماش خفيف اوي

وتفرديه على الوجه والرقبه ساعه او ساعتين حسب وقتك

مع استرخاء تام تام

مهم جدا الاسترخاء لانه بيشد الجلد فلازم يكون الجلد مسترخي

وبعدين تشطفي وجهك بماء فاتر وتمرري تلجه وتنشفي وجهك كويس

وترطيب خفيف

ولو ماعندك بذرة قاطونة ممكن تعملى غسول لوجهك بمغلى البابونج

السبت : ماسك التفتيح العظيم

صباحا

ومساءا

ماسك الزبادي

زبادي بلدي

حتى لو منتهي الصلاحيه

ويفرد على الوجه مع التدليك 3 دقائق

ويترك نصف ساعه ويشطف بماء فاتر

ونمرر تلجة

وترطيب خفيف

الاحد : ماسك وصنفرة الترمس المطحون والخميرة

بدل ما نعمل كذا ماسك

الماسك دا فى كل العناصر المفيدة

ملعقة ترمس مطحون صغيرة مليانه

+ ملعقة صغيرة خميرة جافه او طرية

+ ملعقة زبادى او لبن

+ ملعقة عسل

+ ملعقة ردة

وونخلطه كويس اوى

وتفرد على الوجه حتى تجف حوالي نصف ساعه

وتبلل اليد بالماء ونبدا في ازالته بالتدليك برفق

وده تعتبر سنفرة خفيفه

ويشطف جيدا بالماء الفاتر

ونمرر تلجه وننشف الوجه جيدا وترطيب خفيف

ومساءا كبسولة فيتامين E

او كبسولات زيت جنين القمح رووعة وبتقلل الهالات السودا وتفتح البشرة

تدلك بها البشرة بعد حمام بخار خفيف

جدا قبل النوم

الاتنين :ماسك التفتيح العظيم صباحا

ومساءا ماسك العسل النحل بزيت الزيتون

نعمل حمام بخار للوجه

ونجيب ملعقة عسل نحل+ ملعقتين زيت زيتون

ونقلبهم ونحطهم على الوجه ونحط على وجهنا فوطة سخنة

ثلاث دقائق ونشطفه

الثلاثاء :

صباحا

ماسك التفتيح العظيم

ومساء

ماسك العروسة الخارق

صفار بيضة+عصير ليمون+عصير برتقال+عسل نحل+ماء ورد+ دقيق

نتيجته هايلة وبينضف الوجه ويلمعه

والرابط دا فى الماسك بالتفصييل وبالصور

http://www.rjeem.com/forum/t93920.html

الاربعاء : ماسك التفتيح العظيم

ومساءا كبسولة فيتامينE بعد حمام بخار خفيف جدا

وان شاء الله تبقي قمر 14

النظام متجرب لبشرة عادية وبشرة حساسة وبشرة دهنية

ان شاء الله انزلكم الإعتناء بالجسم والشعر عن قريب

اللى تحب تشارك معانا تسجل اسمها فى رد

هانبداء مع بداية شهر مايو

وهانستمر بعون الله لحد شهر يونيوا

عاوزين نشاط حماس تشجييع

اى واحدة عاوزة تمشى على جدول تانى تكتبه هنا ونشجع بعض

مسموح للمتزوجات الإشتراك معانا

وصدقينى بعد الماسكات هاتبقى عروسة تانى

وللعروسات والمتزوجات الملتزمات

وسام اجمل تفاااعل

تقييم منى وكمان

احلى دعوة

واحلى بوسة

ومفاجأت اخرى

دا غير انها هاتبقى قمر 14

ببداية شهر مايو هانفتح موضوع لمتابعة اليوميات

الإشتراك مجانى

فى انتظار تسجيلاتكم

المشاركات معانا الى الأن
طالبة الفردوس

قلم مضىء

ولا احلى
منايا
ام عمر
دبويه

سوسو

منى بلال
لؤلؤة البحر
زينب
دينار

ام ندورة

سلوى

ام رودينة

ام الإبنين

تختوختى

نونو الرشيقة

غنوة

نوارى

ام فيصل

فيونكة بيضا

مامنى نور

بنت الإسلام

pobaa

gera

كلى مسك

اعتيازى لكل مهم

حب السنين

بداية امالى

هالول

مشرفات القسم

nehla

ولا احلى

عود المسك

حروف الهجاء

كتبت : حروف الهجاء

يلا في انتظار العرائس

تسلم الأيادي يالغاليه

موضوع رائع ومفيد....

كتبت : طالبة الفردوس

ااااااااااااااحلي ولا احلي في المنتدي
اولا انا بشكرك كتيررررررر
انا جربت ماسك الترمس خطيرررررر

ان شاء الله اشارك معاكم

كتبت : ولا احلى

حروف الهجاء نورتينى حبيبتى شكرا لكى

كتبت : ولا احلى

طالبة الفردوس والله انا سعيدة جدا انك هاتكونى اول المشاركات

دا انتى نورتينى

ان شاء الله اذكرك برسالة زوار بعد افتتاح اليوميات

يلا مين يشارك معانا

ننتظركم يا احلى عراايس

كتبت : ◕‿◕β.Ő.Ṩ.Ϋ◕‿◕

جزاكى الله خير ياملوووكه

جدول متكامل ماشاء الله عليكى

ربنا يسعدك ويفرح قلبك ونشوفك احلى عروووسه قررررررريب ان شاء الله يارب

بالتوفيق لكل المشتركات ان شاء الله

تقبلى مرورى وتقيمى ياعسل

:)

الصفحات 1 2 3 4 5 ... الأخيرة

مواضيع مميزة قد تهمك

مسابقة سباقنا من اجل صحتنا (بادروا بالتسجيل فورا)

مسابقة فاض قلمي لك رمضان (بادري بالتسجيل)

ملف لعرايس 2011 هانبتدى نظام جديد متجرب مين معايا

الجولة الثالثة و الاخيرة بادرى بالتسجيل من مسابقة جولة فى مواضيع عضوة :)

بادري اخيتي بالتسجيل في معهد البيان لإعداد معلمات القران

بنوتات سااعدوني بليييييييييييييز

ساعدوا صديقتي ادخلووو

لعرايس , بالتسجيل , بادري , جديد , دخول , يصرخ , رجيم , فورا , فقط , ومثيرة , نظام