قالتلي خدامتنا عن رجيم انتحاري
مجتمع رجيم / أنظمة و برامج الرجيم
كتبت :
بدون نك نيم
-
السلام كيفكم يابنات
انا عضوه جديده وهاذا اول موضوع لي
طبعاا مثل هالبنات اعاني من سمنه هههه >>>> مو سمنه سمنه بس مليانه ههه
المهم عاد انا من كثر ماطفشت من الرجيمات
طول حياتي رجيمات ماخليت رجيم ماسويته
ومجرد ما اتركه فتره
ازيد دبل يمكن ماعندي عزيمه او مرات انزل بس اتملل امشي على آله الجري
المهم عاد خدامتنا جالسه تقولي انها كانت دبه مره مره
وورتني صورها قبل صحيح كانت دبه
وتقول انها كانت تشتكي حالها قدام صديقاتها واعطوها رجيم سوته ونحفت مره
اهو صراحه انا اعتبره رجيم انتحاري
وما اتوقع اني اقدر اسويه بس بحاول
تتوقعون ايش هو
تخيلو الرجيم عباره عن بس ماي
طول اليوم ماي
ومرتين تشربين حليب مره بالصبح ومره باليل
لمده اسبوع
انا بجربه وامري لله ايش اسوي متضايقه من عمري
انا من زمان سمعت اخوي يقولي ان في واحد معه بالدوام
سوى رجيم 4 ايام بس يشرب ماي ويقول انه نحف مره مره
معنه رجع ياكل عادي بس مارجع وزنه
والحين بعد سمعت الخدامه قالتلي تشجعت وقلت بسويه
انتم يابنات ايش رايكم
بس تكفون لاتحطموني لاني مره متشجعه
بس اعطوني رايكم
واكون لكم شاكره
