رحلة الشوي من عالم تختوختي
مجتمع رجيم / الاطباق المتنوعة
كتبت :
تختوختي
-
كيف حالكم اخواتي اعضاء مملكة رجيم النسائية ،، اتمنالكم الصحة والتوفيق ..
لاول مره اضع موضوع في هذا القسم ..
لاني صورت رحلتي الصغيرة اللي ماتعدت حدود حوشنا هههههههههههههههههههه ،، بس قلت لازم اوريكم شغل ايديا ..في ذاك اليوم قررت انا واخوي نشوي ،، وجهزنا اغراض الشوي وعدته وعملت مقبلات وصينية خضار بالفرن وشوينا لحم ودجاج ونزلت لكم صورة وطريقة كل طبق ..
تفضلوا حياكم ..
اولا : سلطة البصل ..
محتوياتها :
بصلة كبيرة او بصلتين متوسطة الحجم تقطع الى شرائح رقيقة + نصف حزمة بقدونس بدون عروق وتفرم فرم متوسط + نصف ليمونه + ملعقة سماق + حبة ثومة مهروسة ناعم .
ونخلطهم مع بعض ونخليها على جنب
ثانيا : الحمص المنزلي
محتوياته :
حمص حب منقوع او جاهز للاكل ( بليلة ) + نصف ليمون + طحينية سائلة ملعقتين كبار + ملح + حمض الليمون ( ممكن تستبدليه بالليمون) وتضربيهم في الخلاط .
ثالثا: سلطة الزبادي
محتوياتها :
في الخلاط ضعي كل من ، 3 ملاعق مايونيز + زبادي + 2-3 حبة ثومة + كزبرة ملعقة صغيرة + فلفل اسود طرف الملعقة الصغيرة + كمون ربع ملعقة صغيرة + 1 ملعقة كاتشاب كبيرة
رابعا : صينية الخضار
محتوياتها :
بطاطس مقطعة حلقات + فلفل رومي مقطع حلقات + زهرة ( قرنبيط) مقطعه قطع متوسطة + بصلة متوسطة مقطعة ارباع + بندورة حبتين وسط مقطعة ارباع هذولا تبلتهم من الليل بثوم وبهار شوي وليمون ولما طلعتهم حطيتهم بصينية فرن واضفتلهم مرقة ماجي وستويتهم بالفرن تعمدت اخليها بدون صلصة وايدام عشان اقدر اكل منها براحتي خصوصا اني مسوية دايت بس طعمها طيب كثير .
خامسا : المشاروي
محتوياتها :
شوينا دجاجة تبلتها بالليل بـ ( فلفل حار احمر + ليمونه + دقوس + بهارات عادية + وبهارات الشوي + ملح + زبادي كزبرة خضراء + بصلة مفروم ناعم )
وشوينا كمان قطع لحم هبر طبعا ماتبلته ولاشي عشان يعطيني نكهة وطعم اللحم الحقيقي اللهم اني رشيت عليه فلفل اسود وملح فقط وشويناه .
وهذي صورة للسفرة كاملة
طبعا اانا ماصورت الخطوات بالتفصيل لاني ماكان في بالي احطه كموضوع متكامل بس حبيت افرجيكم شغلي وان شاء الله يعجبكم تحياتي لكم ياحلوين
انتظر ردودكم وتقييمكم اذا اعجبكم الشغل
تحياتي : تختوختي