مسلسلات رمضان 2011 .. حصريآ ....

مجتمع رجيم / ليكن رمضان بداية انطلاقتي

كتبت : راجيه عفو ربها

أعتذر للجميع فاللهجة هنا مصرية

اللهم بلغنا رمضان

واكتب لنا فيه الغفران

واعتق رقابنا من النار

فعلا العنوان بجد

مسلسلات رمضان عندنا هنا فى

احلى حياة فى طاعة الله

اول مسلسل

هيكون ان شاء الله

هيبدأ قبل رمضان بيومين

واسمه
ان لمعدتك عليك حق
وهو بطولة
معظم الناس
معظم الناس قبل رمضان ..
بتشترى اكل بكميات كبيرة
تحت شعار

** رمضان بيحب الأكل **

2011 .... a3w58193.jpg

وبيبقى فى اماكن تانية ناس جعانة
ومستنية منك لو كيلو مكرونة

والمسلسل دة بيتكرر كل رمضان
وبتدور القصة حول
ان بعض الناس بتبالغ فى العزايم
والاكل اللهم بارك يأكل منطقة وفى الاخر يتبقى من الناس
وبيترمى فى الزبالة

2011 .... 462039702.gif

ويكون فى ناس تانية محتاجة الاكل اللى بيترمى دة
2011 .... 499.gif

المسلسل التانى

زحمة يا دنيا زحمة ..
وانا صايم ومش طايق ..

2011 .... traffic.jpg

والمسلسل هيعرض ان شاء الله
فى نهار رمضان ..
وحلقة الاعادة ..
قبل موعد الافطار بساعة

ومكان تصوير المسلسل الشوارع
وبتدور قصة المسلسل بين كل الناس
تحت شعار صايم ومش طايق
ودة مشهد صغير منه
كيلاكـــــيت
3 .....
2 ......
1...

( فى التاكسى شاب ملتزم مع السائق )
الشاب : مش طايق ليه يعم الحج ؟
السائق : انت مش حاسس بالحر والزحمة
الشاب : طب وهتعمل ايه يوم القيامة ؟
السائق : شوف انا بكلمك فى ايه وانت بتكلمنى فى ايه
الشاب : طب معلش استغفر ربنا عشان تهون
على نفسك وتاخد اجر الاستغفار
السائق : ياعم بقولك حرااااااااان تقولى استغفر
الشاب : طب بس اهدى كدة انت عارف
ان كل ما يكون الصيام صعب
كل ما يزيد اجرك عند ربنا ..
السائق : ونعم بالله ربنا يهون علينا الزحمة دى
ماهو الواحد مش ناقص ..
( ويعدى واحد يكسر عليه بسيارته ..
ويبدأ قاموس من الشتائم ..
وفى النهاية بعد ان تنهمر الالفاظ كالمطر يقول )
مش عايزين نخسر صيامنا عليكوا
دى العربية اللى جايبهالك ماما ؟
ما انت لو بتشقى زينا مكنتش عملت كدة ..
هوة انت كدة مخسرتوش
الله المستعان
نزلنى هنا على جنب
جزاك الله خيرا
( وبعد ما يمشى يقول السائق )
ايه ياعم الناس الغريبة دى
هوة مش صايم زينا ولا ااااايه
هادى كدة وعمال يستغفر فى سره
دة حتى كدة ريق الواحد ينشف ..
ولا على رايه احسن ما ينشف فى الشتايم ..
اللى انا قولتها .. سامحنى يارب
2011 .... 499.gif

اما المسلسل الثالث

وهو بطولة ابليس

اسمه
( السجاير مبتفطرش )

2011 .... 19-3-2010-11-42-9178

ودة بطولة مجموعة من الشباب
بطولة مشتركة
وضيف الشرف النفس الامارة بالسوء

ودة بقة مشهد بيشوفه كتير مننا
( شاب ماشى بيشرب سجاير وقابل زميله )

عمرو : اهلااااااااااااااااااااااااااااااً
ازيك يا مصطفى عامل ايه؟

مصطفى : الحمد لله رايح فين كدة
وايه السيجارة دى انت مش صايم ياد ..

عمرو : صايم الحمد لله ياعم السجاير مبتفطرش
تاخد واحدة تلاقيك على لحم مخك من الصبح
مين اللى ملى دماغك بكدة ؟

مصطفى : ملى دماغى ايه ياعم
هية دى محتاجة حد يملى دماغى ..

عمرو : المهم يعم الشيخ رايح على فين كدة؟

مصطفى : رايح المسجد اصلى لسة مخلص شغل
قلت اروح اصلى العصر واقرا قرآن لحد المغرب..

عمرو: بجد لا قلقتنى عليك ..
انت بقيت بتروح مساجد ..
ومن شوية تقولى السجاير حرام وبتفطر ..
لا انا كدة قلقت .. ايه ياعم الجو دة فك كدة ..
اقولك انت ابن حلال ورزقك فى رجليك ..
انا رايح خيمة بليل تيجى ..
هندوس ونقضيها للسحور والبت نانسى ودينا جايين

مصطفى : لا اله الا الله ..
ايه يعم انت فى الضياع علطول كدة ..
لا يعم ربنا يهديك تعالى انت معايا المسجد ..
وبليل بقة هنروح تانى نصلى تهجد بس جرب ..

عمرو: مسجد ! يااااااااااه اتاخرت
على ماتش الكورة يللا سلام بقة ..

مصطفى : وعليكم السلام ورحمة الله وبركاته

اما بقى المسلسل الرابع
2011 .... 679760ps8kxvogq5.gif

ودة بطولة اسرة ملتزمة

عارفة يعنى ايه صيام ويعنى ايه رمضان؟
ومش محتاجة اتكلم عنهم
وارجو من الله ان يجعلنا جميعا ممن يقدرون هذا الشهر
الاسرة دى عارفة ان
رمضان صيام مش عن الاكل بس ؟
عارفة ان رمضان قرآن وقيام ..
عارفة ان رمضان فرصة ولازم نستغلها ..

اما المسلسل الاخير..

.. تفريغ لجزء من محاضرة صناع الفساد ..
" للدكتور حازم شومان "
وهوة بجد مسلسل مش هزار
ممثلين وممثلات

طب احنا بنعمل ايه ؟
واحد شاف شاب وفتاه واقفين فى الشارع
بيهزروا ويضحكوا وواقفين فى منظر سئ
قالهم استنوا تعالوا اطلعوا معايا بيتى
وقعدهم مع بعض وقالهم كملوا
ونده لولاده ومراته وقعدوا يتفرجوا عليهم
تخيلوا الناس هتقول عليه ايه؟
هتقوله انت بتدخل الشيطان بيتك وبتدمر ولادك
رد وقال عادى ..

تخيلوا معظم اباء المسلمين عملوا كدة
انت عارف المسلسلات
اللى ابنك بيتفرج عليها بتعمل فيه ايه ؟
انت عارف المشاهد اللى بنتك بتشوفها
وانت قاعد جمبها بتعمل فيها ايه ؟..
بتضيعهم اد ايه ؟

احنا دلوقتى دينا بيتحارب بهذه الامور
متقوليش تنوير
متقوليش فن هادف
متقوليش بيدونا خبرات فى الحياة

يا جماعة هذه المسلسلات وهذه الافلام
& حـــرام &
خافوا على قلوبكوا
حافظوا على قلوبكوا
كل مشهد وكل منظر بيطبع على قلبك

عارفين المسلسلات دى عملت فينا ايه؟
دى بتوه الشباب

قال تعالى :

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

هل نفس المسلسلات هتتعرض
ولاااااا هنبدأ نفوق بقة ؟

هل هنبدأ نفهم يعنى ايه رمضان؟

هل هيكون
رمضان كما يجب ان يكون؟

2011 .... r14.gif

سبحانك اللهم وبحمدك
نشهد أن لا اله الا انت
نستغفرك ونتوب اليك

اللهم بلغنا رمضان وانت راضٍ عنا ..
واجعلنا من القائمين الصائمين الركع السجود

واجعلنا من المقبولين المعتوقين من النيران يا رب العالمين

2011 .... 83617692.jpg

كتبت : * أم أحمد *

بارك الله فيكِ موضوع رائع وقيّم
وفيه من الحقائق ما تدمي القلب والضمير
بوركتِ وبورك طرحكِ النافع
وتقبلي ودي ومروري

يا ذا الذي ما كفاه الذنب في رجب *** حتى عصى ربه في شهر شعبان

لقـد أظلك شـهر الصوم بعدَهُما *** فلا تصيره شهر تضييع وعصيان

واتلـوا القـران ورتل فيه مجتهـداً *** فإنه شـهر تسبيـح وقـران

كم كنت تعرف ممن صام من سلف *** من بين أهلٍ وجيرانٍ وإخوانِ

أفناهـم الموت واستبقاك بعدهم حي *** فما اقرب القاصي إلى الداني

اللهم بلغنا شهر رمضان ..
اللهم بلغنا شهر رمضان ..
اللهم بلغنا شهر رمضان .

وأعنا فيه على الصيام والقيام .. واجعلنا فيه ووالدينا من عتقائك من النار

كتبت : منايا1977

كتبت : ام البنات المؤدبات

بارك الله فيكِ أختي

موضوع قيم وشيق جداً

هذا حال الأكثرين في رمضان

نسأل الله السلامة

وأن يبلغنا رمضان ... اللهم آمييين
ام البنات كانت هنا

كتبت : دينار

اختيارك رائع جدااااااااا

اللهم بلغنا رمضان

يارب نكون من العتقاء من النار يارب

يارب يغفر ذنوبنا وسيئاتنا

ويعيننا علي قيامه وصيامه

ويجعلنا من عباده الصالحين
ممتازة كعادتك بارك الله فيكي

كتبت : شمعة قلم

بارك الله فيكي اختي ,,

موضوع غايه ف الروعه ..

ربنا يجعلنا ممن يستمعون القول فيتبعون احسنه ..

بوركتم وبارك الله فيكم ..

الصفحات 1 2

مواضيع مميزة قد تهمك

لا تقوليلي مسلسلات تركي ولامكسيكي القطط هى اللي تعلمنا الحب

غرف ملابس 2011 جديدة حلوة - صور احدث خزائن الملابس 2011 غرف ملابس 2011

تجسيد الانبياء في مسلسلات

مارأيك في مسلسلات السيرة الذاتية(قصة حياة المشاهير )

وصفتي السحريه لازاله الكلف حصريآ لاول مره في منتدىرجيم