أحلى كبة مقليه لأحلى عيون برووووووووقه
مجتمع رجيم / الأطباق الرئيسية
كتبت :
أنثى أبكت القمر
-
الكبه المقليه
حبيبتي بروقه لتشوفي غلاوتك عندي
راح قلك كيف بعمل الكبه المقليه والصور طبعا من النت
أنا هيك بعمل الكبه مع اهلي وبتطلع حلوووووووووووة كتير
المكونات
(للكبة )
كيلو هبرة ناعم كالمرهم +برغل ناعم + طحين + ملح + فلفل+ بصله + ماء
الحشو
كيلو لحم مفروم+ بصله مفورمه ناعم+فلفل + ملح + قرفة ناعمه+ جوز مقطع وسط+ سمنه أو زيت
شوفي ياقمر
أولا جهزي الحشوة حتى تبرد شوي
بطنجرة بحط ملعقة سمنة صغيرة واللحمه المفرومة وملح وفلفل ورشة قرفه ناعمه وبصله مفرومه ناعم وكل شوي حركيهاوبس تستوي اللحمه بضيف الجوز المفري لها ( الكميه حسب رغبتك) وفي ناس بتحط صنوبر بس نحن بنحب الجوزوبعدين تركيها لتبرد
وهلأ أنا بحط بطبق عميق 5 كاسات برغل ناعم+ ملعقة صغيرة فلفل+ملعقة طعام طحين(بيخلي الكبة تمسك)+ نصف بصله وسط والملح انت بتركزيه على الذوق وبضيف له الماء ليصبح كله مبلل بالماء
بمرر المزيج بماكينه الكبه 3 مرات
وبجيب الهبرة
وبعدين بضيف نص الهبرة
وبمعكهاااااااااا (بخلطها) مع بعض لتمتزج جيد وبركز الملح
وبرجع بمررها من الماكينه مرة واحده وبس واذا لاحظتي انها ناشفه طريها بالماااااااااءشوي موكتيرلتصيرطريه وسهلة التشكيل (قريبه للعجينه)
وبعدين بنقطعها كورصغيرة وحطي حدك زبدية فيها ماء بارد وبللي يدك بالماء قليلا وشكلي الكبه واحشيها وبعدين سكريها وصفيهم على صينيه مع تغطيتهم بكيس نايلون حتى لا تنشف الكبة
وهاي طريقة عملها وبصراحه انا موشاطره بهالطريقه منشان هيك هاي المرحله بتعملي اياها امي الله يخليلي اياها يارب
الحشوة حسب كيف بتحبيها كتيرة أو قليله
وبس تخلصي
حمي الزيت ولا زم يكون الزيت غزير ثم اقلي الكبه حتى تصبح ذهبيه ارفعيها وضعيها بطبق كبير
وصحتين وهناااااااااااااا
واذا زاد عندك كبة مقليه وبدك تحتفظي فيها ممكن تحطيها بالفريزه بأكياس نايلون بس انتبهي وانت بتفرزيها حتى لا تتكسر وممكن تفرزيها قبل القلي بس موبالكيس لا على صينيه بترصيها بصينيه مع ترك مسافه بسيطه بين كل كبايه وكباية وبتغلفيها بكيس مع الصينيه وبتفرزيها ووقت بدك تقليها طلعيها من الفريزه وحمي الزيت وقليها بس لاتتركيها لدوب على الاخير
(المقادير المذكورة لنص كيلو هبرة يعني للكيلو بتضاعفيه بس يفضل كل نص كيلو تعمليه لحاله حتى ما ينشف)
