نزلت 50 كيلو قولو ماشاء الله تبارك الله

اش تبغوني اقول




منتظرا......

سامرين مصرة تعزبنا منتظررررررررررررررررررررررررررررررينك سامرين

من جد ليتك تكتبين كل تجربتك أفضل : ) !

السلام عليكم ورحمة الله وبركاته
هلا بنات اخباركم حبيباتي واحوالكم
اعذروووووووووووووووووووووووووني حقيقة ماقدرت ادخل كان ظروف سفر وشغل بس الحين رجعت
سااااااااااااااااااااااااامحوني ,, اشتقتلكم جدا , واليوم بكمل الموضوع وبنتظر كل اسئلتكم واستفساراتكم
يمكن اكون نسيت شي واسئلتكم تذكرني

تمنياتي لكم كلكم بالتوفيق والنجاح

السلام عليكم ورحمة الله وبركاته
اللهم صلي وسلم وبارك على نبينا وحبيبنا محمد وعلى اله وصحبه اجمعين
وماتوفيقي الا بالله

قريت كل تعليقاتكم وفعلا كل الي صار معكم يتكرر كثير بين كل الي يريدو ينحفو , مثل نزول الوزن وبعدين رجوعة مرة ثانية مثل ثبات الوزن في الرجيم
وعشان تتغلبي على مشكلة ثبات الوزن بالذات لازم تتخذي اسلوب كسر الرجيم, يعني تحددي يوم انا كنت بعمل يوم فري في البداية كل اسبوعين وبعدين صار كل اسبوع
ووزني كان ينزل بدون اي مشاكل
واما عن موضوع زيادة الوزن ثم رجوعه مرة ثانية فهذا يحتاج تغيير لكل العادات الغذائية
وهذا مايعني انو خلاص مسلوق وبدون ملح طول عمرنا لا بالعكس نطبخ اكلنا الي نحبه بس مع شوية تعديلات في نوعية المواد المستخدمة او تعديل في كمية الحصة
يعني مثلا الاكل العادي نطبخه بدون سمن او زبدة ونستخدم الزيت النباتي, نختار اللحوم الحمراء ونشيل الشحوم الزايدة من اللحم, ومثلا نشيل جلد الدجاج عند الطبخ يعني اشياء
بسيطة واما عن الاكلات الي مايصير اغير فيها مثل الحلويات الشرقية الي تطبخ بالسمن مثل البقلاوة والكنافة هذي نبتعد عنها قدر الامكان فترة الرجيم وبعدين بعد النزول ممكن ناخذ منها قطعة صغيرة
يعني مو مثل اول ماشاء الله علينا ناخذ الصينية على حسابنا ومانبقى منها شي
ببساطة الرجيم عبارة عن تغيير افكار اكثر من اي شي ثاني
يعني لازم تقنعي نفسك بانو ماحيصيرلك شي يعني لو غيرتي عاداتك الغذائية للافضل
وعشان الواحد مايحس بالملل , لازم يحضر اكله بعناية , انا كنت بعمل كل الي نفسي فيه
كنت باكل محشي وكفتة وطواجن وكنت بعمل البيرقر في البيت واي شي بس للرجيم
يعني المحشي مثلا فيه كمية قليلة من الرز والباقي لحمة حمرا فارماها بنفسي بعد اطلع منها الدهون
نفس الشي الكفتة والبرقر
كنت اكثر من السوائل مثل الشوربات والمشروبات الساخنة زي النعناع والزنجبيل والقرفة وغيرها وطبعا الماء
وجبتي الرئيسية دايما تكون متوازنة خضار وبروتين ونشويات قليل اما خبز اسمر او رز ابيض او بعض الاحيان اذا كنت واكلة شي حلو عالفطور كثلا كيك او فطيرة
يعني بوازن فما اخذ نشويات في الغداء
انا كنت استعمل انظمة الرجيم الي كلكم ممكن تحصلوها على المنتدى
واعلق الرجيم على باب غرفتي من الداخل بس عشان يوجهني لكن مش بالضرورة التزم فيه
يعني اكل الي نفسي فيه عشان ما احس اني مضغوطة
اذا الرجيم مكتوب فيه دجاج وانا على بالي سمك مشوي ابدل
اذا ذاك اليوم ماجاي على بالي اكل لحوم واريد شي خفيف مثلا اخذ كمية من الزبادي بدل بروتين اللحووم واسوي زبادي وخيار كسلطة واخذ معاها خبز او رز ابيض
يعني المهم تحددي وجبتك ومايهم اذا لخبطتي في الرجيم المهم ان اللخبطة ماتدفعك الى لخبطة ثم لخبطة وتطلعي برة موضوع الرجيم
يعني مثلا اذا يوم اشتهيت قطعة حلا واكلتها زمان كنت ادخل نفسي فيتانيب ضمير ودبرسة تقودني لاني ما انجح في الرجيم واسيبه
لكن عرفت انو لازم الواحد يلخبط من الحين للاخر وبعض الاحيان تكون اللخبطة مهمة وتكسر روتين الرجيم لكن طبعا بحساب

حقول لكم على يومي كيف كان يكون
- اول شي لما اصحى اشرب كوبين او ثلاثة ماي فاتر مع قطرات ليمون
- بعدها بساعة تقريبا اشرب كوب شاي بالحليب منزوع الدسم معاه 2 توست اسمر غاليا وقطعة جبن قريش او اي جبن قليل الدسم او بيضة مسلوقة او 3 ملاعق فول
بعض الاحيان قطعة كيك محضر في البيت بسكر خفيف وشوية زيت نباتي او قطعتين كريب بملعقة عسل نحل بس مو دايما, وطبعا كل اكلي اصنعه دايت
_ قبل الغداء بساعة او نص ساعة عالاقل اشرب 3 اكواب ماي ابداء الغداء غالبا بشوربة خضار او قرع او دجاج او اي شي بس يكون بدون زيوت
لازم احضر طبق من السلطة الطازجة الي فيها كثير ورقيات واتبلها بقليل من الملح والليمون وممكن ملعقة زيت زيتون
الطبق الرئيسي اتفنن فيه ممكن يكون دجاج او لحم او سمك مشوي او في الفرن زي ما انتو عارفين
اما انا ممكن اعمل شاورما لحم او دجاج مع الفلفل والبقدونس او كفتة مشوية او بيرقر او محشي باللحم فقط او مع قليل رز , اطبخه كطاجن, اعمل طبقات من الخضار واللحم المفروم في الفرن
وحتى اهلي كانو ياكلو معاي من اكلي بعض الاحيان
اذا كانت طابخة اكلة معتبرة خلاص اخدها من غير خبز او رز مع السلطة او الخضار
ومرات بمشيها زبادي او كوب كبير حليب مع الشابورة بالردة او كورن فليكس كدة يعني
- اهم حاجة كانت عندي الفاكهة لانها تعتبر حلوة فبتشيل منك شعور انك عاوز حاجة حلوة
باخد قطعة فاكهة بين الغداء والعشاء ومرات الصباح قبل الفطور او اذا كنت واكلة زبادي او حليب فحأجوع فباخد قطعتين طبعا الفاكهة من غير الممنوعات
- برضو حاجة مهمة كنت باخد شاي اخضر كباية في اليوم بعد الفطور او الغداء وغالبا بعد الغداء
- العشاء اغلبية الاحيان كباية صغيرة زبادي او لبن رائب او حليب مع او بدون قطعة فاكهة حسب شكل اليوم كان ماشي ازاي
ولو اليوم كله كان خفيف ممكن اخد عشاء كويس يعني بيض او جبنة مع 2 توست او شابورة مع خيار او طماطم كدة يعني
-طبعا العشاء قبل 3 او 4 ساعات من النوم ودة مهم وحتى باقي الوجبات مهم فيها الواعيد يعني الفطور قبل 10 والغداء قبل 3 والعشاء قبل 8
_قبل النوم باخد نعناع او زنجبيل او قرفة دافية وطبعا من غير سكر او محلي صناعي لانو المحلي بخليه بس للشاي بالحليب لانو الكثرة منه مش كويسة
- العصائر ماباخدها كتير في الشتاء لكن في الصيف (رجيمي استمر صيف وشتاء) كنت بعمل عصير برتقال او انناس او ليمون او كيوي او مشكل منهم وباخد كوب قبل الغداء وقت الحر
طبعا الحاجات دي مش ثابتة وبتكون على حسب انا اكلت ايه طول اليوم او اذا اخدت حاجة اسيب التانية كدة يعني
الرياضة:
-ساعة مشي في اليوم اما على الالة او اتمشى في الخارج وبالعدم نص ساعة ولو يوم في الاسبوع مامشيتي مش مشكلة اعتبريها اجازة لكن يوم واحد بس
-كنت بعمل ايروبك لوحدي في البيت اقل حاجة نص ساعة بس ما انصحكم لاني مرضت واعتقد بسبب الرياضة الغلط فانتو اتمرنو مع مدربة احسن
- كنت انوع بين الرقص او ايروبيك او الدرج صعود ونزول كدة يعني عشان ما ازهق
- اهم حاجة كنت اتابع مع بنات المنتدى واشارك في المسابقات عشان التشجيع من اهم عوامل النجاح
نقاط مهمة :
الماء والسوائل مهمة جدا
التقليل من الملح
الابتعاد عن السكر الابيض قدر المستطاع دة اكتر حاجة ممكن تفشل الرجيم
النشويات ليست شبح اذا عرفنا كيف نختارها ومتى ناخذها
يعني مثلا الخبز الاسمر تمام , الارز المسلوق ومصفى برضو, الارز الاسمر , المكرونة السمراء
الرياضة الصباحية قبل الاكل روووووووووووووعة لانها تحرق من الدهون مباشرة
اهم شي الاستمرار نص ساعة عند بدء اي مجهود بدني
يعني ماتقطعي المشي وترتاحي شوية لا كملي اقل شي نص ساعة
العشاء وجبة خطيرة لازم ناخدها بحذر
اول حاجة ماينفع تتفوت
تاني حاجة ماينفع تكون دسمة
اخطر شي تكون مكونة من سكريات
يعني اذا هفت لك يوم ولخبطت بقطعة حلا تكون الصباح ومش باللبل ابدا
ماينفع بعدها ننام مباشرة
يعني العشاء يكون خفيف وقبل النوم ب 3 ساعات
خلي دايما معاك شريك اذا قدرتي عشان تشجعو بعض
ودة مايعني بالضرورة يعني لو في حد يبقى كويس
ولو مافيش كلنا هنا مع بعض ونشجع بعض
ماتخلي حياتك اليومية تعيقك عن مشوارك للنجاح
يعني اذا كنت ام او عاملة او بتدرسي او اي حاجة تقدري تصنعي لنفسل برنامج يناسبك انت وعلى حسب متطلباتك
مادامت الاساسيات كلها عندك وتعرفيها
اهم حاجة ماتحسسي نفسك انك بتعملي في رجيم وتاكلي وجبات مملة لا ابدعي ولو ماعندكيش وقت تطبخي اطبخي يوم الجمعة وجهزي اكلك بتاع الاسبوع
اتصرفي المهم كلي الي بتحبيه بس اطبخيه صح
نسيت اكلمكم عن التونة وانها كانت جزء مهم من رجيمي لانها سريعة وخفيفة وطعمها حلو انا كنت بعض الاحيان بعملها صوص طماطم وبعض الاحيان بعملها سلطة مع البيض المسلوق
يعني كل مرة بشكل
اذا جعت بين الوجبات عندك كمية من الحلول , خيار , خس, قطعة بطيخ, صحن سلطة صغير , شوية شوربة من بتاعة الغداء , كباية زبادي صغيرة , كباية حليب وطبعا كل دة منزوع الدسم او قليل
ما تتوقعي اي نتائج سريعة واصبري ان الله مع الصابرين وانتبهي ان اي حاجة بتجي بسرعة بروح بسرعة
الميزان كل اسبوع والمكافاءة كل اسبوع او اتنين يعني وجبة فري تاخدي الي بتحبيه بس بالمعقوووووووووووووووووول
جيبي ورقة واكتبي فيها وزنك ومقاساتك كلها وسجلي في ها النزول كل اسبوع وعلقيها في مكان تقدري تشوفيه كل يوم عشان تنتبهي وتتشجعي
اشتري لبسك اصغر بمقاس او اتنين كل مرة عشان لمن تكون الحاجة ضيقة وبعدين تدخل وتلبسيها دة حافز قوي عشان تواصلي
ابتعدي عن المناسبات الي فيها اكل قدر الامكان وعن الناس الي بتحبطك
واتذكري انو العقل السليم في الجسم السليم
يعني الرجيم حيساعدك في كل مجالات حياتك اذا ام او بتشتغلي او بتدرسي حتحسي انو حياتك كل يوم احس واحلى
واما عن الام الظهر والمفاصل والتقل والمشاكل الصحية المختلفة كلها حتبدي تحسي انها بتخف من اول 5 كيلو

.................................................
واخيرا وليس اخرا اسأل الله لي ولكم التوفيق والنجاح وتحقيق الاماني والامال
وماتوفيقي الا بالله
كل عام والجميع بخير