تارت البرتقال من مطبخي (طاهية رجيم)
مجتمع رجيم / ركن الحلويات
كتبت :
يويا 268
-
كيف الاحوال معاكم؟ ان شاء الله كله تمام
انا كنت من فترة شفت طريقة تارت الليمون لاحدي الاخوات هنا في تطبيق جميل لام عمر وتوته المبدعة
ففكرت اني ممكن اعمله بس بالبرتقال واعطيه نكهة قرفة خفيفة فجربته وطلع ظريف جدا
هنحتاج
2وربع كوب دقيق
كوب زبدة (انا وضعت نصف كوب والباقي زيت ذرة عشان الرجيم)
ربع كوب سكر بودرة
نص معلقة صغيرة قرفة
كوب سكر عادي(ممكن تزودي لو البرتقال كان طعمه مرر شوية)
اربع بيضات +فانيليا
كوب عصير برتقال فريش
3 معالق بشر برتقال
في الاول هنضع 2كوب دقيق فقط مع القرفة والزبدة والسكرة البودرة
نخلط جيدا لحين الحصول علي عجينة مفتتة نوعا ما ولكن ممكن تتجمع في ايديك
نضعها في صينية نضغطها جيدا براحة اليد ونخبزها في فرن علي حرارة 180 15 دقيقة تقريبا او حتي تحمر الاطراف قليلا
وهي بالفرن نضع في الخلاط: البيض+الفانيليا+العصير+معلقة واحدة بشر البرتقال+السكر+ربع كوب الدقيق المتبقي
نضيف الخليط علي الصينية ونرجعها الفرن مرة اخرة لمدة ربع ساعة اخري او حتي تستوي وتتماسك
هيكون شكلها كده
للتزين استخدمي الباقي من بشر البرتقال انا زينت نصها به ونصها بالسكر البودرة بشكل ده
واتفضلو معانا طعمها خفيف وخاصة لو كنتم من محبي البرتقال زيي