صنية قرع العسل بالمكسرات والبشاميل من مطبخى
مجتمع رجيم / الأطباق الرئيسية
كتبت :
ام رحمه
-
ازيكم ياقمرات انا النهارده جبتلكم طريقة القرع العسلى علشان اللى مش بيعرف يعمله وان شاء الله هيعجبكم جدا نبدء بالمقادير
قراعيه حوالى خمسه كيلو
قراعيه حوالى خمسه كيلو
[CENTER]حوالى كوبين سكر
مكسرات اى نوع المتواجد
كيلو لبن
سمن بلدى
دقيق وبقسماط
الطريقه اولا هنغسل القراعيه من بره ونقطعها على اربعه وبعدين نقطعها شرايح زى البطيخ كده ونشيل اللب بتاعها والقشره الخارجيه ولازم يكون السكين حاد لانه قاسى جدا
[][/SIZE][/URL]
وبعدين نقطعها مكعبات ونضيف عليها السكر وده يكون فى اناء السلق بتاعها
وبعدين نغطيها من باليل او قبلها على الاقل 3 ساعات علشان تنزل الميه بتاعتها كلها وبعدين نسلقه لغايه ماتنشف كويس وميبقاش فى ميه عليها نهائى مع التقليب المستمر ليها طبعا علشان متتحرقش منناوبعدين نجيب طبق غويط ويكون فوقيه مصفاه ونقلب فيها القرع بعد ماينشف خالص ونسيبها على الاقل ساعتين لغايه ما كل السائل اللى فيها ينزل وناخد بالنا ان السائل ده اللى هنحلى بيه البشاميل وبعدين نجيب حاجه مخرمه ونفضل نضغط عليها
وبعدين نضيف عليها شويه مكسرات ومعلقتين سمن بلدى وشوية بشاميل
هنجهز صنيه وندهنها سمنه ونرشها بالبقسماط علشان ميلزقش مننا
وهنعمل البشاميل بالطريقه العاديه اللى كلنا نعرفها ونحليه بالسائل اللى نزل من القرع فى الطبق ونضيف شويه بشويه لغاية ما نوصل للتحليه اللى احنا عايزنها
وده شكل الصنيه متبطنه بالسمن والبقسماط
وبعدين هنقسم القرع لقسمين وهنفرد اول قسم فى الصنيه ونضيف عليه المكسرات
وبعدين نضيف القسم التانى ونضيف عليه البشاميل هندخلها الفرن حوالى 20 دقيقه
[
وبعدين نحمر الوجه تحت الشوايه
ولازم نسيبها تبرد تماما وتتاكل بارده وبالف هنا وشفا
الموضوع غير منقول وان شاء الله المره الجايه هيكون رفع الصور من هنا تحياتى
