اسألى اى سؤال عن الجمال و الموضة و المكياج و انا أجاوبك فورا و بالصور..

كنت عايزة اشكرك بجد اوى علشان انا استخدمت وصفتك بالظبط والحبوب راحت وعلى فكرة انا رحت لدكتورة وقالتلى ان سببها الدورة الشهرية وان انا مش بعرف اتعامل مع الحبوب وباخد شاور ماية سخنة علطول وقالتلى على وصفو دقيق وعصير رمان وخل تفاح وعسل نحل وانتى اخر خلطة قولتيلى عليهاكانت عصير رمان وخل وانا ضيفت الحاجات اللى قالتلى عليها الدكتورة بس عايزة اطلب منك حاجة انا عايزة اشترى مسكرا خاصة بالعيون الحساسة وبلاشر يكون لونه طبيعى وناعم وفرشة بلاشر وفرشى اى شادو واى شادو انا من مصر وكنت عايزاكى تقوليلى على الماركات والاسعار وياريت متكونش غالية اوى لو تقدرى تساعدينى اكون مبسوطة اكتلر ومشكووووووووووووووورة

حبيبتى لولا انا تحت أمرك يا قمر فى أى سؤال و فى أى وقت
و كويس انك روحتى للدكتورة و ان شاء الله الحبوب حتختفى خالص لما تتبعى التعليمات

بصى يا قمر أحسن مسكرا موجودة و متأزيش بيها عنيك هى مسكرا أيفون فوليوم و دى ممتازة و سعرها فى عرض ايفون لشهر 12 هو 9 جنية و حتلقيها عند اى حد بيبع منتجات ايفون

فى كمان مسكارا ديور


و هى هايلة و سعرها تقريبا فوق 30 جنية

انت قلتى عاوزة
بلاشر يكون لونه طبيعى وناعم و دى بقا علشان افيدك لازم اعرف لون بشرتك
بس عموما اللون اللى حيكون ناعم و لطيف مع كل الوان البشرة الروز
زى دا

ممكن تجيبى أماندا او دوف ودا نوع جديد بس حلو جدا
و سعرها حوالى 8 جنية
او اى نوع يعجبك لان البلاشر تقريبا زى بعضة

دى فرشاة البلاشر


و سعرها حوالى 5 جنية او أقل حسب حجم الفرشاة

اما فرشاة الايشادو دى بتكون مجموعة فرش



و دول بيكونو مجموعة مع بعض اسألى عليهم و سعرهم حوالى 4 جنية

و أخيرا يا ستى الايشادو فى انواع كتير برضة فى ايشادو كريمى و لامع و مطفى و اقلام دا غير ان فى علب لكل لون
و فى علبة فيها محموعة الوان

بس عموما العلبة الواحدة هاتى من دوف و سعرها 2 ونصف جنية
و و دى بتكون افضل
و فى علب بيها 12 لون سعرها 10 جنية تقريبا


و تحت أمرك يا جميل بأى وقت