أحلى بيتزا لعيون هنا الأسلام

مجتمع رجيم / المعجنات وَ السندويشات

كتبت : محبة رسول الهدى

حبيباتى كل سنة وأنتم جميعا بخير وسعادة

النهارده هقدم لكم طريقتى فى عمل البيتزا ويارب تعجبكم

المقادير

5 كوب دقي

-2كوب ماء دافىء

-كيس خميرة فورية

-كيسين لبن نيدو صغيرين

-معلقتين كبار سكر

-نص كوب زيت او اقل شوية على حسب الرغبة

ملحوظة:المقادير دى ل3 بيتزات 2 صوانى كبار وصينية وسط

الطريقة

هنخلط كل المقادير الجافة مع بعض

وبعد كده هنحط الميه ونعجنهم كويس وبعدها هنحط الزيت ونسيب العجينة تخمر لمدة ساعتين ع الاقل

مقادير الحشو

كيس جبنة موتزاريللا

-جبنة رومى وجبنة شيدر متقطعين حتت صغيرة

-برطمان صلصة هاينز مكتوب عليه صلصة بيتزا وكرتونة صغيرة صلصة عادية

-هوت دوج فراخ حلوانى-طماطم وفلفل

الطريقة

هنقطع الجبنة الشيدر والرومى قطع صغيرة ونخلطهم مع الموتزريلا

هنقطع الهوت دوج قطع صغيره ونشوحه فى الزيت

طبعا هنقطع الفلفل والطماطم

بالنسبة للصلصة

اخدت حوالى 4 معالق كبار من صلصة البيتزا وعليه كرتونة الصلصة الهاينز العادية

وحطتهم فى حلة فيها زيت وضفت عليهم ميه و4 معالق سكر صغيرين وشغلت النار عليهم

وغطيت الحلة وسبتهم شوية

دى شكل العجينة بعد ماخمرت

جبت العجينة وفردتها فى الصوانى

وضفت اول حاجة الصلصة وبعدها الهوت دوج وبعدها الطماطم والفلفل واخر حاجة الجبنة ودخلتها الفرن

طبعا دهنت الصوانى زيت

وتبقى بالشكل ده

ملحوظة:

كل المقادير اللى فاتت ل3 صوانى حتى مقادير الحشو برضه

ودى بعد ماطلعتها من الفرن