لمسابقة بيتي مملكتي

مجتمع رجيم / ديكورات المنازل المميزة الغير منقوله

كتبت : عاشقة الفردوس م

كيفكم يا بنات
اليوم جيت اقدملكم مشاركتي بمسابقة بيتي مملكتي
عزيزاتي من كم سنه كنت اعاني من مشكلة عدم التنظيم في البيت
بيتي كان نظيف ومرتب لكن مش متل ما بدي واتمنى
هالموضوع كان موجع راسي لحد ما بدات ابحث في القوقل عن طرق ووسائل لترتيب وتنظيم البيت
بحيث يبقى البيت كل الوقت نظيف ومرتب
والحمد لله لقيت ما يشفي العليل ويروي العطشان
جمعت معلومات من هون وهون وهون من المنتديات
لحد ما صار عندي حصيله رائعه من الاساليب للتنظيم والترتيب واعطاء البيت جو جميل وروائح عطره وزكيه
المهم نيجي للنظام الحياتي اليومي يلي انا ماشيه عليه في بيتي
طبعا يوميا انا افيق الفجر اصلي واجلس على سجادة الصلاة اذكر الله عز وجل ولو القليل واحيانا اقرا القران واحيانا لا حسب وقت زوجي في العمل
وطبعا اكون ايقظت زوجي للصلاة
بعدها على طول اروح المطبخ اجهز فطور زوجي وزوادته الي رح ياكلها في شغله
اخلص واجهز افطار وساندويشات المدرسه لاولادي
للاسف يا بنات ما اقدر انزل صور من تصويري الخاص مع اني كنت حابه تشوفو كتير اشياء عملتها للترتيب والتنظيم
لكن انا اضفت بعض الصور من النت لاضافة جماليه على الموضوع
المهم زوجي بيتسهل على عمله الساعه 6:30
بودعه عند الباب وعلى طول اروح اصحي اولادي للروضات
اجهزهم وافطرهم وانزل اوديهم الروضه والا الساعه صارت 8:00
ارجع البيت على طول احضر اواني التنظيف اجمعها كلها بزاويه وحده لحتى ما اضل رايحه جاي واضيع كتير من وقتي

بعدها ابلش بشغل البيت اول شي بفوت على غرفتي افتح النوافذ انفض السرير وارتبه واكنس السجاد بالمكنسه الكهربائيه

امسح المرايه والادراج وكل شيئ مش في مكانه متل ثياب زوجي او مناشف او فرشايات الشعر ارجعهم لمكانهم
بعدها ادخل الحمام<<<< اعزكم الله
اخرج الغسيل المستعمل سواءا كان معلق او في سلة الغسيل
واوديه الغساله واشغلها على طول
واصب معقم ومنظف الحمام

واتركه 20 دقيقه
بعدها اروح غرفة اطفالي اعمل فيها نفس الشيئ
افتح النوافذ ارتب الاسره ارتب الملابس والفرشايات والالعاب كل شيئ بمكانه الخاص
اكنس الارضه والسجاده واعطر الفراش بمعطر النزهة <<<معطر محلي رائحته تبقى ثابته مده طويله على الفراش والملابس
واغلق باب الغرفه واخرج منها
بعدها اروح للمطبخ اطلع اللحمه من التلاجه واكون طبعا قررت شو رح تكون طبختي لليوم
اترك اللحمه لحتى تذوب
بعدها اروح الصالات وعندي في بيتي ثلاث صالات صالة ضيوف غير مكشوفه عالبيت وصاله للعائله استقبل فيها اهلي واهل زوجي
وصاله فيها ديوان عربي وطاولة السفره
المهم امر على كل الصالات افتح النوافذ مدة ساعتين لتغيير الهواء في البيت
امسح كل التحف والطاولات والشاشات سواءا تلفزيون او كمبيوتر
اكنس الصالات بالمكنسه الكهربائيه وارفع السجاد عن الارض لحتى امسح الارضيه والمعها
انا احب امسح بيتي كل يوم وخصوصي الصالونات لاني بشوف فيهم لمعان غير شكل بعد المسح
بعدها ارجع للحمام<<<<< اجلكم الله
الايف المغسله والمقعد والحيطان والارضيه كاملين واعطر الحمام
بعدها استعمل معطر للفراش والبيت من النزهة اعطر فيه الفراش والملابس والستائر
اغلق الحمام وكذلك غرفة النوم
وهيك صار عندي غرف النوم مرتبه ورائحتها بتجنن وكذلك غرفة اطفالي

احضر دلو المسح اضيفله منظف الارضيات من سانو مع مبيض قليل جدا

وامسح الصالات مع المطبخ لان المطبخ مفتوح على صالات العيله عندي وبعدها عالممر واكمل برا البيت امسح الدرج واي درج 33 درجه ما شاء الله

وعندي اعزكم الله مرحاض للضيوف احنا ما نستعمله انضفه كل ثلاث ايام مره
بعدها على طول على المطبخ طبعا ما في جلي الا كاسات الحليب وصحون الافطار ان وجدت لانو اغلب الوقت الافطار بيبقى سندويشات لبنه او زعتر هيك اشي
ابدا بتحضير طبختي وهي بتوخد مني من ساعه الى ساعه ونصف
احرص خلالها على غسل اي طبق او وعاء استعمله سواءا للحمه او الخضار او الارز او اي شيئ اخر وكذلك الامر للمعالق والسكاكين وغيره

وبهيك ما بخلص طبختي ولا ما في شيئ بالمجلى اجليه

طبعا بعد مرور هالوقت غسالتي تكون خلصت اروح اقيم الغسيل وعلى المنشر على طول

بعدها يكون اذن الظهر اروح اتحمم واصلي

الساعه وقتها رح تكون تقريبا وحده
بيضل معايه ساعه على ما يروحو اولادي من الروضه اخد في هالساعه استراحه

اعمل فيها الي احبه انام او اعمل رياضه او اقعد عالنت انا حره

الساعه تنتين اروح اجيب اولادي
اغسل ايديهم ورجليهم واغديهم ونقعد نحكي شوي تقريبا نص ساعه على ما ييجي زوجي
انا ما بجلي صحون الاولاد اجلي مره وحده لما يتغدى زوجي
المهم يروح ابو الشباب بالسلامه

اكون في اتم الاستعداد لاستقباله
سواءا بملابسي او برائحتي او ببسمتي في وجهه او في طعامه يكون جاهز على طاولة السفره<<وهاد شرطه يروح قاتله الجوع مسكين هههههه
ياكل بالهنا على قلبه
وانا على طول قبل ما اكسل اجلي الجلي وارتب المطبخ
وعلى صلاة العصر على طول

بعد الصلاة نقعد سوا احنا ولولاد لانو زوجي يرجع لشغله الساعه 6:00
بعد ال6:00 اشوف اولادي شوي اراجع معهم الحروف والارقام والاناشيد يلي اتعلموها في الروضه
بعدين اقوم اصلي المغرب
واعشيهم وينامو

اعمل فتله في البيت اي العاب او ثياب او اي شيئ خربوه اولادي ارجع اوضبه
واقعد معكم بالمنتدى من الساعه 7:30 حتى الساعه 10:00 لما يروح زوجي من شغله مره تانيه بالسلامه
وطبعا ما انسى صلاة العشاء
لان الصلاة اهم شيئ في حياتنا
ما نهملها ولا يشغلنا عنها اي شيئ

يروح زوجي نسهر انا وهو ساعة زمن اعشيه او اعمله صحن فواكه
وندردش شوي