ما أجمل صلاة الضحى

مجتمع رجيم / عــــام الإسلاميات
كتبت : نور الامل
-
y86fd19e1qt7.gif



السلام عليكم ورحمة الله وبركاتة
شوفت الموضوع دا فى احد المنتديات وحبيت انقلة علشان الكل يستفاد ان شاء الله

بكتبلكم النهارده عن حاجة مهمة أويييييييييييييييييي بعضنا يمكن يكون غافل عنها
أنا قرأت عنها و بدأت أعملها بفضل الله ربنا يعيني و يثبتني
و شفت فضلها في حياتي يوم بيوم....لدرجة إني بقيت كل يوم أستنى رسالة ربنا ليا



6pai8soq6b7izal0r.gi


الحاجة دي هي:
صلاة الضحى (أربع ركعات مثنى مثنى)
تعالوا الأول نشوف فضلها في الأحاديث الصحيحة
عَن أَبِي الدَّردَاءِ وَأَبِي ذَرٍّ عَن رَسُولِ الله صَلَّى الله عَلَيْهِ وَسَلَّمَ: عَن الله تَبَارَكَ وَتَعَالى أَنَّهُ قَالَ:
"ابنَ آدَمَ ارْكَعْ لِي أَربَعْ رَكْعَاتٍ مِنْ أَوَّل النَّهَارِ أَكْفِكَ آخرَهُ".
روي عند الترمذي مرفوعا .. فتح الباري

عن كثير بن مرة أبي شجرة عن نعيم بن همار قال:
سمعت رسول الله -صلى الله عليه وسلم- يقول: "يقول الله عز وجل: يا ابن آدم لا تعجزني من أربع ركعاتٍ في أول نهارك أكفك آخره".
رواه أبو داوود
معناه إيه الكلام ده؟؟؟؟معناه إنك بمجرد إنك تصلي الأربع ركعات دول (ركعتين ركعتين) في أول النهار
ربنا هيكفيكي باقي يومك...وشوفي بقى و استني رسايل ربنا ليكي
لو مهمومة هيفرجها...لو زعلانة هتفرحي...لو محتارة هيهديكي للصواب
حتى لو كنتي مستنية يفرج عنك هم معين في بالك و خلص النهار و همك ما فرجش....اتأكدي إنه هيبعتلك رسالة بديلة
يا إما يدفع عنك ضر...أو يفرحك بحاجة لا عالبال و لا عالخاطر


rbmcn9xld3e53c90u2d.



و الله أنا شفت فضلها و بشوفه كل يوم في حياتي
مرة كنت متضايقة من حاجة معينة و حاسة بقلق فظيع...والله قبل ما أنام ربنا بعتلي رسالة ريحت قلبي و مانمتش إلا و أنا فرحانة و مبسوطة
و مرةكنت بفكر بحاجة معينة و أنا راجعة من الشغل في الطريق...أرجع البيت ألاقيها في وشي و الله حتى لو كانت بسيطة و تافهة
أبسطها مبارح جي على بالي شوربة خضار...رجعت لقيت ماما عاملاها عالغدا من غير ما أكلمها و لا أطلبها منها
و حاجات كتيييييييييير و الله
و صحيح إن ربنا لسا ما رزقنيش الزوج الصالح اللي بتمناه...بس ربنا بيبعتلي رسايل كتير تصبرني و تريح قلبي
أنا و الله بنصحكم ما تسيبوهاش أبداااااااااو لا يوم...و شوفوا فرج ربنا عليكم و فضله الكبير ماهو اللي وعدنا بكده يا جماعة

و الله مش بتاخد 5 دقايق بالكتيييييير...بصليها قبل ما أنزل الشغل
و بعد ما أصليها بقعد أقول لنفسي يا ترى إيه رسالة ربنا ليا النهارده؟؟؟؟
ربنا هيكفيني إيه النهارده؟؟؟ و بكون مبسووووووووطة أوييييييي و مستنية الرسالة بفارغ الصبر و الله

و لو راحت عليا في يوم بتضايق جدااااااا و بقول الفرصة دي ضاعت و رسالة ربنا راحت عليا النهارده
بس ربنا كريم أوييييييييييي
يارب أكون أفدتكم و يارب تحافظوا عليها ومش تسيبوها أبداااااا
يا كل محتارة و مهمومة و متضايقة إوعي تسيبيها واستني الفرج القريب بإذن الله
ولو عجبكم الموضوع ياريت تقيموه عشان الكل يستفيد
دعواتكم حبايب قلبي
بحبكم أوييييييي في الله
منقووووووووووووووووووووووووووووووووووووووووول





فى امان الله
كتبت : الأمل القادم .
-
بارك الله فيك
صلاة الضحى ( صلاة الأوابين )
الرجاعين الى الله عز وجل
اللهم اجعلنا منهم

بارك الله فيك اختي
نقل موفق ونافع بإذن الله
كتبت : رسولي قدوتي
-


جزاكِ الله خيرا غاليتي

صلاة الضحى لها فضل عظيم يرى المرء أثره جليا

لكن الأهم الحفاظ عليها واحتساب الأجر الأخروي

حتى لا يصبح ممن يعبد الله على حرف فــ ينقلب لمجرد عدم تحقق المطلوب


بوركتِ أُخيتي

في انتظار جديدكِ

كتبت : *بنت الإسلام*
-
جزاك الله خيرا
تذكرة طيبة
جعلنا الله واياك ممن يستمعون القول فيتبعون احسنه

كتبت : روح فلسطين
-
جزاك الله جنة الفردوس
وإن شاء الله نحافظ عليها ويبعتلك ربي العريس الي يهدي بالك
ولك احلى تقيم ياقلبي
كتبت : سنبلة الخير .
-
جزاك الله خير الجزاء على التذكير
نسال الله ان يجعل اعمالنا خالصة لوجه الكريم
لا عدمناك
الصفحات 1 2  3 

التالي

قيمة الأستغفار

السابق

الوضوء

كلمات ذات علاقة
ما , مخلل , الضحى , صلاة