تجربتي لكم ... لاتنسوني من الدعاء

مجتمع رجيم / تجارب الرجيم الناجحة
كتبت : دبدوبه عندها امل
-
السلآم عليكم ورحمة الله وبركآته ..

كيفكم وشخبآركم ..؟

آول شي انا سجلت بهالمنتدى ويشهد علي الله عشان افيدكم بتجربتي ذي ..

وتدعون لي بظهر الغيب

طبعا كلكم عارفين ان السمنه الشي الوحيد الي تتعقد منه البنت

انا كنت بالوزن الطبيعي لجسمي قبل سنتين

المهم كانت عندي خربطه شوي بالدورة الشهريه (وانتو بكرآمه )

رحت لدكتورة الله يسآمحها

كتبت لي علاج هرمونات

والله يآبنات كلمة غيرني 180 درجه قليله فيه

انتفخت وصررت بالونه والسبب هو

استخدمته 3 شهور بس

المهم في اخر مرا رحت المستسفى شفت وزني طبعا بعد ماتركت العلاج ذا

وووصل 79و 9 غرام

يعني 80

انا انصصصدمت والله كرهت حياتي

رغم اني قبل لاحظت الملابس ماصارت تدخل فيني

تركته وتعالجت بعلاج ثاني بس برضو ظل وزني يزيد ماينقص ابدااااااااا


على العلم اني مو كثيرة اكل ولا اكل لحم ولا رز كثير

المهم قبل فترة يمكن 6 شهور

رحنا زواج بنت عمي

والله العظييييييم بهذاك اليوم اول مرا اكرهه نفسي لهدرجه

تخيلوا بنات عمي اكبر مني ب 8 و 10 سنين

ولما اوقف جنبهم كاني انا اختهم الكبيره

لاني طويله ودوبا

شكلي كان محطم لدرجه icon4.gif

المهم رجعت من الزواج جلست ابكي واتذمر بنفسي واطلع لامي ( الله يحفظها لي)

واقول لها انه عشان انتي سمينه جيت اناا مثلكم والبنات كلهم انحف مني .. الخ ومنه هالكلام

نمت وصحيت عطيت نفسي وعد اني لازم اتغير

المهم كان وقتها فترة اختبارات مقربه اول شي سويته

طلعت صور بنات رشيقات وفنانات وعارضات ازياء وطبعتها

علقت بكل مكان بغرفتي ( لان اغلب جلوسي كان بالغرفه )

عند السرير اول ماصحى من النوم وعند الباب وبالدولاب وبالمرايه

والله اني حسيت غرفتي غرفة اعلانات

حتى على باب الثلاجه حطيت وحده

< طبعا جلسوا اهلي يضحكون علي واستحقروني قالوا مستحيل تنحفي يومين وبتطفشي

وانا ولا معبرتهم

مشيت فترة الاختبارات اكل عادي كل شي ابيه لانها فترة اختبارات مو حلو رجيم واختبار تتعب النفسيه كثير

المهم خلصصصصصصصصصت الاختبارات ونجحت الحمدلله

بدأ الحين الجد

طبعا بعد كل يوم اصحى اشوف هالاشكال قدامي تزيد العزيمه والاصرار واتذكر شكلي كيف كان بالزواج ازيييد واتشششششجع اكككككثر من القهر

المهم بديت اول اسبوع رجيم الفواكه واللبن < تلاقوه بالنت

يقولوا ينحف 4 كيلو

مشيت عليه اسبوع بحذافيره

اخر الاسبوع رحت وزنت

والله لعظيم ولا كيلوووو ولا نص ولا ربع

وكاني اكل عادي

انقهرت مرا وضعفت العزيمه فكيته الاسبوع الثاني صرت اكل كل الي بالبيت من القهر

المهم رجعت بحثت بالنت لقيت رجيم التمر واللبن < هنا السررر

عجبني كثير ورجع لي العزيمهه

بديت فيه بس كنت اسويه من يوم السبت الى الاربعاء يوم الخميس كنت افك واكل كل شي والجمعه ماكل ولا شي الى صباح السبت ارجع لرجيم
مع العلم اني اشرب كوب مويه دافيه على الريق كل يوم / واكثر من شرب الماء في اليوم 10 اكواب واكثثثثررررر

^^ كذا كان نظامي لشهرين كامل
على العلم اني كنت احيانا افك وجبه واخربها < طبعا لازم من العزايم والحفلات وكذا بس مو كثير ارجع اكمل الرجيم

ايه على فكره كنت امشي على جهاز الاوبترآك نص ساعه واذا مامشيت عليه ارقص شرقي نص ساعه او ساعه
واذا لا ذي ولا ذي اطلع وانزل من السلم ( الدرج) من الدور الاول لدور الثالث 6 او 8 او 10 مرات

يعني احيانا يجي يوم ماتحرك فيه بس اليوم الثاني اعاقب نفسي وازيد المده وكذآآآ

على هالنظام لمدة شهرين بالضبط

تدورون كم نقصصت ..؟


اول شي قولوا ماشاءالله تبارك الله وابيكم تدعون لي ربي يثبتني


نقصت 9 كيلو

كان شعور ممممممرا حححححلو والله العظظظظظييييييييييمممم

يعني حلو مع كانت فيه ايام تمر علي اخربها واكل شبسات وشوكلاتات ... واحيانا مكرونه

بس تغير لبسي صار كله وسيعععع

ولاحظو اني كنت اخربه ولا اثر فيني


بس حلو انه نزل
المهم وقتها كانت عندنا مناسبه ورحنا

والله كلهم انبهروا كان جسسسمي خيال مشدود والبطن اختفى

بعد العزيمه

خلاص قلت اني وصلت للي ابيه وفكيت الرجيم

تخيلوا يابنات بس اسبوع فكيته

طلعت 2 كيلو icon4.gif

بغيت اموت من القهرررررررررررررررررر

بس الحين جالسه اسوي نظام السعرات الحراريه عشان احاول اثبت على وزني

انتم اذا تبون تسوونه ووصلت للوزن الي تبونهم

سوا نظام التثبيت او انتبهو لأكلكم كثيييييييير


وبس هذي كل تجربتي

^ وللأمانه الي تستفيد من موضوعي تدعي لي بالثبات والزوج الصالح بظهر الغيب
+ للأمانه ايضا موضوعي ماينقل لاي منتدى اخر



(( والله يابنات الرشاقه مو حلم بعيد بس العزيمه العزيمه العزيمهه ))

وبالتوفيق للجميع ...
كتبت : دبدوبه عندها امل
-
35 مشاهده ولا اححححححد ررررررددد !!!!!!
كتبت : شذى العبير
-
الله يسعدك حبيبتي ... تجربتك حلوة كتير

وانا بسمع عن رجيم التمر واللبن ... وان شاء الله بجربو في أقرب فرصة

والله يرزقك بالزوج الصالح عاجلا غير آجل ... ويثبتك على الوزن المثالي .. آمين

أختك عبير
كتبت : دبدوبه عندها امل
-
ويسعدك يآروحي / منورةة موضوعي

اممممين ان شاءالله ويآك

ششدي حيلك ولا تهتمي للكلام الي ينقال وربي ينزل وزنك من غير شر ان شاءالله

موفقهه حبيبتي
كتبت : •● JooRé Rjéèm ●•
-
ماشاء الله
الله يثبت ياارب تجربتك حلووهـ
وشجعتيني اكمل ان شاء الله
يعطيك العافيه حبيبتي
جزاك الله خيرا
كتبت : دبدوبه عندها امل
-
اميييييين يارب / وينحفك يارب شدي حيلك حبوبه
ترا هي ايام متعبه كثير بس نذوق حلاوتها بعدين في الكشخه

موفقه يالغاليه
+دعواتكم
الصفحات 1 2