اللي حابة تشاركنا بقصة عنايتها بشعرها تتفضــــــــل
مجتمع رجيم / العناية بالشعر و قصات الشعر تسريحات جديدة
كتبت :
روزا6
-
اتمنى من العضوة الجميلة التي تدخل موضوعي ان تضع لنا طريقة العناية بشعرها بالتفصيل ونوعية شعرها
واي شي حابة تفيدنا فيه عن الشعر الرجاء تذكره
من يدري ممكن اي عضوة واي زائرة انها تستفيد من طريقة عنايتك بشعرك وتكتسبي الاجر
وانا راح ابدأ
انا شعري متوسط الجفاف
اذا طلعت من الحمام تقولين ميريام فارس لكن بس ينشف مستحيل يتمشط وماينفع له غير الاستشوار
وبعد عناء ساعة اذا مو اكثر من استشواره ينفش بسبب الرطوبة ولا كاني تعبت عليه
فكيف عالجته:
عملت كرياتين برازيلي اصلي عند خبيرة>>والى اي حد حاب يعمل الكرياتين لازم يتاكد انه برازيلي او امريكي لانهم افضل الانواع واصلي ولازم عند وحدة شاطرة
وبعد الكرياتين ع طول قصيته عشان اتخلص من الاطراف الميتة
وطبعا الكرياتين عملته صار له دهر (سنتين يمكن) يعني راح بس ماراح 100% و بعده مارجع مثل قبل
يعني مع العناية صار انعم وصار ماينفش في الرطوبة
طريقة عنايتي بشعري بعد الكرياتين هي اني استخدمت حمام الزيت والشامبو والبلسم اللي تبعه
ولما خلصوا استخدمت شامبو وبلسم تريسمي للشعر الجاف
ولحمام الزيت كنت استعمل زيوت طبيعية مثل زيت اللوز الحلو وزيت جوز الهند
وبعد الحمام احط سيروم او اي كريم مناسب للشعر
عندي كذا اشياء لبعد الحمام وكل مرة اختار منها ع حسب المزاج ولحد الان مافي شي ابهرني منهم عشان كذا ماراح اذكرهم
بس ضروري انك تحطين كريم بعد الحمام عشان ترطيب الشعر
ويفضل انه مايزيت الشعر>>يعني انا افضل كذا ينعم بدون مايزيت
وبعد ماينشف استشوره او اذا مالي خلق الاستشوار امشطه بمشط وليس فرشاة لان شعري مجعد ولازم المشط يكون عريض الاسنان
واسويه جدايل (لكم ساعة) في حال اني ماستشورته
وطبعا شعري فيه تساقط خفيف بسبب سوء التغذية >>قبل مااعمل الكيراتين لاحد يقول لي منه
فاستخدمت له فيتامينات من وصف الطبيب وفعلا نفعت معي في وقت قصير جدا لان التساقط مرة خفيف
اسمها هيردال
وبصراحة افضل اخذ الفيتامينات ع اني اكل عدل هههه
المهم
هذي قصة شعري وطبعا كل وحدة ممكن يختلف اللي يناسبها عن الثانية حتى لو عانو من نفس المشكلة
واتمنى من اللي تدخل المشاركة والاستفادة والافادة