المنسف الاردني من مطبخي

المقادير
لحمه خروف او غنم

رز مصري

لبن جميد عباره عن لبنه عنم مجففه على شكل كرات

مشروح او خبز رقاق

هيل ---لومي---ماجي

بقدونس ولوز مبروش للتزين
سمنه بلديه

الطريقه كثير سهله

نقطع اللبن جميد لقطع صغيره وهاد شكل الجميد للي ما يعرفوه



وفي ناس بتعمله بلبن مخيض ولبن رايب بس المنسف الاردني الصح بينعمل بلبن جميد

بعد تقطيع قرص اللبن ننقعه في ماء ساخن حتى يذوب شوي ويطرى يعني ساعه تقريبا

بعد هيك بنصفيه من الماء

هلا نيجي للحمه بعد تنظيفها وتقطيعها توضع بالقدر وعلى النار طبعا نغمرها بالماء ونضع عليها لومي وهيل وورق الغار بدون ملح لانه اللبن الجميد كتير مالح ونتركها حتى تنضج

وبعد ما تستوي نصفيها من الهيل واللومي

ثم ناخذ منها قدر كاسه ماء ونسكبها فوق اللبن ونخفقه بالخلاط الكهربائي لحتى يذوب كل اللبن ويصبح سائل

ثم نضع اللبن اللي خفقناه فوق لتر من الشوربه ونرجعه على النار حتى يغلي لمده 10 دقائق

ولازم نفضل نحلرك فيه وهو على النار حتى ما يتكتل

والبنسبه للرز تطبخيه عادي تفلفل متل ما بتعرفي

وبعدين نضع المشروح في صحن التقديم وهاد شكل المشروح



انا عملت كميه بسيطه لانه اولادي ما بيحبوه بس انتو ممكن تضاعفو الكميه حسب حاجتكم

بعد وضع المشروح بصحن التقديم نضع عليه ملعقتين من السمن البلدي



ثم نسكب فوقه اللبن حتى يتشربه المشروح



ونضع فوقه الرز ثم اللحم ويزين حسب رغبتك سنوبر لوز شو ما تحبي انا وضعت لوز مبشور
وهاد شكله النهائي





وهاد شكل الشوربه




اتمنى تعجبكم اكلتي