اتعلمي مع بنوكه أجمل مستحضرات المكياج بالصور ... تصويري
خاص بمسابقة ابدعى واربحى
يسعدلي أيامكم وردات مجتمعنا الغالي
هنا في موضوعنا راح نتكلم عن أفضل مستحضرات الميك آب لعمل مكياج جميل بإذن الله
نبدأ
دائما بعد تنظيف البشره و ترطيبها و استعدادها لعمل ميك أب أبدأي بوضع البرايمر ايش فايدة برايمر الوجه ؟؟ البرايمير يهيئ البشره للفاونديشن ويخفف من احمرار البشره ويعبي لك المسام والخطوط الرفيعه في البشره وايضا راح يثبت لك المكياج لفتره اطول ! و راح يعمل طبقه بين الفاونديشن والبشره وبكذا يحمي بشرتك اخيرا راح يعطيك لوك طبيعي وناعم خصوصا لو كانت بشرتك من النوع اللي يتقشر من المكياج راح يحل لك هذي المشكله بإذن الله النوع اللي ناسبني جدا رووعه برايمر دي ام جي ام
_ الكونسيلر الثلاثي الكونسلر العادي و في الكونسيلر الملون من فورايفر For Ever روووعه اخترعو الكونسيلر الملون عشان يعطي نتايج احسن و اقوى .. و الكونسيلر الملون ما يستخدم الا اذا كان وجهك في بقع ملونه تختلف عن لون بشرتك الاصلية .. مثل الحبوب الحمرا .. السواد .. الكلف .. الأورانج : يلغي اللون الاسود .. .. سواء كان هالات العين .. او أثار الجروح و الندب .. او كلف البنفسجي : للأشخاص اللي يعانو من وجود شعيرات حمرا في بشرتهم الأخضر : للحبوب و البقع الحمراء طبعاً الألوان السابقه توضع و بعدها نجيب الكونسيلر اللي على لون بشرتنا و نغطي الألوان بطريقة الطبطبه مو المسح و آخر شي نستخدم الفاونديشين عادي
الفاونديشين Foundation كريم الأساس يوزع على الوجه و العنق بطريقة متساوية عندي 3 أنواع كريم الأساس Parure Aqua من جيرلان Guerlain _ ومن mac ماك _ و من كريولان
بعدها نثبت الفاونديشن بالبودره
الباودر Powder: مسحوق الوجه أنا أفضل بودرة سينما و برجوا و دي ام جي أم اللي أستخدمها حالياً دي ام جي أم 3 درجات فاتحه وسط غامقه و ممكن نستخدم لوس باودر لها مسميات كتيره ( الحره أو منثوره أو سايبه ) أنا استخدم من كريولان وحده أغمق من بشرتي بدرجه و وحده شفافه لوس باودر Loose powder
و في اللون الغامق للي يحب البرونزر Bronzer أنا أستخدم البودره البرونزيه من فلورمار روووعه و أحيانا كمان بستخدمها كابلشر
نجي دحين للبلاشر Blusher or blush ( أحمر الخدود) أنا بفضل البرونزيات و اللون المشمشي و الوردي عشان كدا بستخدم نوع يجمع كل الألوان اللي احبها في علبه وحده و أحياناً بدمجها سوا يطلع لون رووعه
نتكلم دحين عن أظلال العيون eyeshadow علبة تحتوي على مجموعة من اللألوان يمكنك استعمال كل لون او المزج بين لونين متانسقين حسب فستانك و بشرتك أنا جايبه كل ألوان الأظلال بما اني طالبة دبلوم تجميل الماركات اللي أستخدمها في الشادوهات G.R _ Pretty_ FATALE وفي كمان أكوا اللي هيا الأظلال المائية أنا بستخدم أكتر شي اللي من كرويولان
نجي دحين للإضاءات وفي منها بلمعه تستعل في الافراح الليلية و السهرات قليتير Glitter و في منها المطفيه الذهبي _ الفضي _ اللولي أحب استخدمها المطفيه تحت الحاجب تبرز شكله مره حلو و عند مدامع العين و في إضاءات تجي مضغوطه
نجي دحين ل آي لاينر ( الكحل السائل) الفرش تختلف في منها السميك و النحيف منها الثابته و المتحركه أنا أحب أستخدم من برجوا و دي ام جي ام و في الآيلاينر اللي فرشتو ثابته زي شكل القلم يناسب مره المبتدئن و طبعاً في الوان مختلفه للآيلاينر ودا لون أزرق و ممكن نستخدم رسمة العيون بـ الأكوا الأسود المائي
نجي دحين للأقلام أقلام لداخل العيون _ للجفون _ للشفايف _محددات _ لمدمع العين .... أفضل الأقلام تستخدم للجفون (تكون استخدام كمثبتات للشدوهات ) أقلام جيسيكا أقلام داخل العيون ( الأسود أو الأبيض أو أي لون تاني ) القلم الأسود دا مرره رووعه و سواده قوي ماشاءالله
للموضوع بقيه
يــــــــتبع
كتبت :
pinkro0ose
-
نـــــكمل
نتكلم دحين على رسم الحواجب
في طرق كتيره لرسم الحواجب ( ممكن نستخدم أقلام _ ماسكرا خاصه لترتيب الحواجب _ ممكن نستخدم كريمي للحواجب _ أو بالأكوا البني أو اللون اللي يناسب شعرك )
نتكلم دحين على ماسكرا العيون أفضل و أحلى ماسكرا بالنسبه لي أول شي ( ماسكرا قـوتشي ) روووعه تاني ماسكرا ( كولوسال)
هنا ننهي مكياجنا الجميل بوضع الروج ( أحمر الشفاه ) طبعاً الأرواج أشكال و الوان منها Matte (مطفي) -و Shiny (بلمعه) أ رواج سااايله أ رواج نستخدمها بالفرشاة و ممكن نستخدم الأقلام للشفايف أو دمجها مع لأرواج لتغير اللون
و بكذا خلصنا الميك آب صوره شامله للمكياج حبيب قلبي و صديقي الصدووق
انتظروني في موضوع خاص عن استخدام الفرش و الإسفنجات بإذن الله
إن شاء الله يعجبكم الموضوع أحبكم
كتبت :
*_سمو_*
-
ماشااااءالله ماعرف ايش اقول بصراحه فاجئتيييني
كتبت :
زهره الاسلام
-
واااااااااااااااااااااااو بنوكه الموضوع يجنن
معلومات رااائعه ومفيده وموضوع متميز جدااااا
تقبلى احلى تقيم تقبلى تقيمى وفى انتظار المزيد من موضوعاتك الرااائعه
كتبت :
أمواج رجيم
-
واااااااااو
موضوع يهبل ومفيد
نفس طريقتنا ياقلبي
احلى تقييم لعيونك
كتبت :
|| (أفنان) l|
-
عزيزتي وااااااااآآآآآآآآآآآآآآآآآآآآآاااااااو راااااااااااااااااااااااااااااائع تسلمــــــــــــــــــــــــــــــــــي لا عدمنا من مواضيعك المميزة ابدعتي بطرحك المتميز والمفيد الله يعطيكِ ألف عافية على المجهود الرائع كثير أعجبني طرحك المتميز عن: اتعلمي مع بنوكه أجمل مستحضرات المكياج بالصور ... تصويري بارك الله فيكٍ ولا تحرمينا كل ماهو جديد لديك تسلم الإنامل الحلوة ع المجهودالمميز والرائع.. تمنياتي لك بالتوفيق. ،،،
مودتي وتقديري لكِ وتقييمي ياقلبي ,,,