طريقة عمل الكويكيز بالصور

مجتمع رجيم / المعجنات وَ السندويشات

كتبت : زهره الاسلام

حبيباتى الغاليات اكيد كلنا بنموت فى الكويكيز كبار وصغار
انا عملتها ليكم ويارب تعجبكم
واتمنى انكم تطبقوها واكيد هتعجبكم وهتعجب اطفالكم جدا خاصه اننا على ابواب المدارس

المكونات

2 كوب وربع دقيق
1 كوب زبده + زيت
1 كوب سكر ابيض او بنى
2 بيضه
2 كيس فانيلا
2 معلقه ص بيكنج باودر
رشه ملح
1 كوب تشوكلت شيبس
2 معلقه كبيره نشا

وممكن تخلوا الكويز بالشوكولاته باضافه 3 ملاعق كبيره كاكاو بس نشيل 3 ملاعق دقيق كذلك ممكن اضافة الزبيب او المكسرات

الطريقه

نضع السكر على الزبده ونضربهم جيدا
بعد ذلك نضع البيض والفانيلا على الخليط ونضربهم جيدااااا

نحضر الدقيق وننخله ونضع معه البيكنج باودر ورشه الملح والنشا
ونضعه على الخليط السابق ونقلب جيدا ونضع فى النهايه كوب الشوكولاته

نحضر صنيه مدهونه زبده او زيت وناخد كوره من العجينه ونبططها بايدينا ونحطها فى الصنيه مع ترك مسافات عشان لسه هتنفش وندخلها الفرن على درجة 160 لمده ربع ساعه على الرف الاوسط

فى النهايه نطلعها ونسيبها تبرد وبعد كده تحفظ فى مكان مغلق جيدااا

جربوها ليكم ولاطفالكم واكيييييد هتعجبهم جداااا
فى انتظار تطبيقاتكم