مقلوبة العيد
مجتمع رجيم / الأطباق الرئيسية
كتبت :
♥♥..fafy..♥♥
-
بسم الله الرحمن الرحيم نحن و صغار كانت الماما دائما تعمل اول يوم العيد مقلوبة
وقت صار عندي عيلة حبيت أعمل هيك وصار مقرر أول يوم العيد مقلوبة
شفت كتير طرق ومكونات للمقلوبة بس ما حبيتها الا بهالطريقة وهالمكونات
رز باذنجان ودجاج مكسرات
الماما كانت تحط للكيلو رز نص كيلو باذنجان بس انا بحط كيلو باذنجان
بيعطي طعم أطيب ولون للز حلو
غسلت الرز وعصفرته " كركم" الباذنجان قشرته وفرمته وقليته بالزيت
والدجاج سلقته وقطعته
سامحوني اختصرت الصور لأن عم اتعذب بالتحميل
بعدين نرتب المكونات بالطنجرة
الطبقة الأولى رز بعدين باذنجان وبعدين دجاج
ونكرر رز بعدين باذنجان وبعدين دجاج وآخر شي طبقة رز
اذا الكمية أقل من كيلو رز اعملي الطبقات مرة وحدة
بس نخلص ترتيب المكونات بنضيق ماء سلق الدجاج وطبعا ملح شوي كاري
انا بحب طعم الكاري مع الرز وكمان لخفف استهلاك السمنة بالأكل وخلي الطعم لذيذ
قبل ما ضيف الماء للرز بحط ملعقة سمنة وبعدين بضيف الماء
بتضل نكهة السمنة بالأكل لو كانت الكمية قليلة
بنخلي الطنجرة عالنار حتى يستوي الرز
بعدين بنقلب الطنجرة بالصينية ونقلي المكسرات ونحطها عالوجه
وصحة وهنا وكل عام وانتم بخير
