الطريقة الصحيحة لتفريز عصير البرتقال بالصور والتفاصيل الكاملة
مجتمع رجيم / الآيس كريم وَ المشروبات الباردة وَ الساخنة
كتبت :
♥♥..fafy..♥♥
-
بسم الله الرحمن الرحيم
كيفكم يا قمرات
طبعا الكل بيحب العصير الطبيعي وبما انه الحمضيات موسمها شتوي
وعصير البرتقال لذيييييذ جدا في الصيف
اليوم رح قلكم الطريقة الصحيحة والمضمونة لتعملي عصير البرتقال
في الشتاء وتشربيه لذيذ في الصيف
اولا نجيب البرتقال ونغسله مظبوط ونجففه كتييييييير منيح
ولا نقطة ماء
حتى السكين اللي حنقطع بها البرتقال والوعاء اللي حنسكب فيه البرتقال
والعصارة لازم يكونو جافين تماما لأن اي نقطة ماء ممكن تخرب البرتقال مع الوقت
بعد ما نعصر البرتقال نضعه بالطنجرة ولازم نعرف كميته يعني نكيل بمكيال
ونشوف كم مكيال عصير برتقال طلع عندنا
مثلا طلع 5 مكيال عصير نضع 5 مكيال سكر يعني قد بقد
وهي بعد ما حطيت السكر شوفو كيف تضاعفت الكمية
ونحرك السكر ليذوب ممكن تتركيهم فترة وكل شوي تروحي وتجي وتحركي فيهم
وممكن تحطيهم عالنار وتحركي ليذوب السكر المهم الملعقة تكون جافة تماما
وقبل ما يغلي بيطلع على وجه الطنجرة طبقة بيضا بتشيليها بالملعقة وترميها
وبس يغلي غلوة والثانية نطفي تحته ونتركه ليبرد
وبعدين نعبيهم بالقناني وتتركيهم للصيف
وعند الاستعمال
نضع 1/3 الكأس عصير و2/3 ماء
يعني القنينة الواحدة تعمل 3 قناني عصير عند الشرب
وبالهنا والشفا