البرياني من مطبخـــي بـ ( الخطوات المصورة )
مجتمع رجيم / الاطباق المتنوعة
كتبت :
همس الليالي
-
نبتدي بالطبخة بالمقادير والطريقة على فكرة المقادير غير محددة كل شي حسب الرغبة :o
وهي عبارة عن
رُبيــــان
بصل مقطع شرايح
حبتين فلفل اخضر حار
ثوم مفروم
زنجبيل مفروم
بهارات البرياني _ بهارات صحيحة _ملح
لبن زبادي اللي هو الروب
صلصة طماط حبه لهذي الكمية
وطبعا رز منقوووع
صبغة الزعفران للوجه
نبتدي بالطبخة
نحمص البهارات الصحيحة مع الزيت لين تطلع ريحته " على فكرة هذي ايد اخوي ":D
وبعدها نضيف البصل مع التحريك
لين يصير لونه ذهبي ونضيف عليه الثوم والزنجبيل والفلفل
نحمر الرُبيان في مقلى لحالة مع شوية زيت علشان ينشف من الماي اللي فيه
وبعدها نضيفه على خلطة البصل
ونحركه .. ومايكون فيه ماي كثير
وبعدها نضيف الزبادي والصلصة والبهار والملح .. واذا حابة تضيفين حبيتين مكعب ماجي مافي اشكال
ويصير شكله بالنهاية كذا
مانزيد مدة طبخ الربيان اكثر من 8 الى عشر دقايق
المهم نكمل
نسلق الرز نص سلقه مع الملح
ونبتدي الحين نرتب الطبقات الرز والرُبيان
اول طبقة الرز
ومن ثم الرُبيان
وفي النهاية الرز وبعدها نضيف صبغة الزعفران مع رشه بالزيت
نغطي الرز بالقصدير .. على نار هادية مدة 45 _ 60 دقيقة
وبعدها نقدمة
وهذا شكله النهائي
شوفي كيف الرز مفلفل
وباالعافية على قلووووبكم
شرايــــــــــكم
