كيف حفظت أولادي الصغار آية الكرسي بدون عناء
مجتمع رجيم / موضوعات الأمومة والطفولة المميزة
كتبت :
♥♥..fafy..♥♥
-
حبيباتي ورداتي في منتدانا الغالي
بموضوعي الماضي حكيتلكم طريقتي تحفيظ السور القصيرة لأطفالي الصغار
اليوم حاخبركم الطريقة السهلة اللي حفظتهم فيها آية الكرسي
قرأت مرة انو ممكن أقرأ أية الكرسي قبل النوم وممكن اهداءها
فكنت اقراها قبل النوم واقراها عن اولادي
بس بعدين فكرت انهم عم يحفظو قرآن وممكن يقروها وحدهم
صرت كل يوم قبل النوم وبعد قصة "سمير الكسلان " قلهم تعالو نقرا "آية الكرسي"
واقرا وهنن يقرو وراي واليوم اللي انسى هنن يذكروني
ومرة ابني الصغير يقلي كرشي قلو شبو كرشك يقلي لا لا كرشي
قلو شبو فقلي اخوه الكرسي يعني اية الكرسي
هههههههههه
طلع عم يذكرني نقرا اية الكرسي
والحمد لله ما اخدو وقت بعتقد أقل من شهر حفظوها كلها
واليوم بيقولوها لحالهم
ان شاء الله تجربتي تكون عجبتكم