تعالي ندردش

مجتمع رجيم / فضفضة
كتبت : شيمـو
-
ازيكم جميعا عاملين ايه
اختي حبيبتي .. حسة انك متضايقة او زهقانة .. شايلة الهم بدري .. حسة انك وحيدة ؟؟

سيبك من اي حاجة تعالي ندردش شوية
كل واحدة فينا عندها مسؤلية معينة بتعملها كل يوم لحد ما اصبحت التزام يومي
زي البيت والاولاد و شغل البيت والمطبخ والزوج بصفة خاصة ههههههههههه
وفي اللي لسة متجوزتش وراها الدراسة و مساعدة الست الوالدة فشغل البيت و الكورسات الدراسية واستقبال تليفونات الصديقات والاهل
واللي داخلة علي خطوبة زي حالاتي كده وبتحضر واللي داخلة علي جواز ومخها فميت حاجة وحاسة بتوتر الله يعينها
مرض - دوشة الاولاد - استقبال ضيوف- عزومات - حضور مناسبات - طلبات الزوج - دروس - تحضيرات الخ .....

بتلاقي نفسك علي مدار اليوم دماغك وجعاكي وصدعتي وحسة انك خلالالالالاص مش قادرة
وطبعا ساعات بتتعصبي وتفقدي السيطرة علي نفسك وتلاقيكي بتضايقي من اهون واقل سبب ويفضل الموضوع يتطور لحد ماتخشي فمرحلة الكئابة
بصي انا عرفة انك ممكن تكوني مش بتحسي بده بس حواليكي كتييير اوي حاسين بيه وفي الي بتحس انها فعلا حياتها مابقلهاش لزمة
وممكن يكون كل ده جواك وانتي مش منتبهاله وده سببه الضغط العصبي عليكي وعلي مشاعرك

متضايقيش نفسك صحتك بالدنيا خدي الامور ببساطة وعيشي
عارفة طب انا هقلك علي حاجة
انا اكتر وحدة اتعرضت لضغوط عصبية كتير اوي فحياتي وهشاركك فيه مش عشان افضفض وبس لا
عشان انتي حبيبتي ..
ايوة والله انتي حبيبتي .. من يوم مادخلت المنتدي وكل وحدة هنا بعتبرها اخت ليا بجد ودايما بدعيلك ان ربنا يصلحلك الحال سواء هنا او اي اخت من بنات حواء

انا وحدة من الناس بقيت من النوع ده
اه ايوة انا بقيت كده بتعصب لاقل سبب واقل موضوع او مشاكسة بيني وبين اخواتي او اهلي
تلاقيني افضل اكتم اكتم وعيوني تدمع بسرعة وقبل ماتنزل دموعي علي خدودي اطلع اجررررررررررري وادخل اوضتي واهبد الباب ورايا وافضل اعيط
وساعات بقا بفضل في الاوضة اليوم كله لحد ما بقيت تدريجيا بقضي معظم حياتي في الاوضة ومابخرجش من البيت وحتي مابقتش اخرج من الاوضة نفسها
لدرجة ان معظم القرايب والاصحاب والاهل لاحظوا الموضوع ده وبقوا يسالوا


اللي هاتقرا منكم الكلام ده وتلاقي نفسها بتعمل كده لازم تعرفي كويس اوي انك مش مريضة
انتي بس عندك حاجة اسمها الكئابة
ركزي الكئاب مش الاكتئاب وهناك فرق

الكئابة هي فترة مؤقتة من الاكتئاب والحزن وفقدان الامل ودي بتستر فترة صغيرة وبتيجي من وقت للتاني
الاكتئاب هو الكئابة المزمنة الي مابتروحش ابدا وبتفضل معاكي مدة طويلة بالشعور بالياس وفقدان كل حاجة حلوة واحساس جميل وضياع التفاؤل والتشاؤم المستمر
والكسل و يا اما فقدن الشهية يا اما الشره في الاكل و فقد الثقة في النفس وحاجات كتير اوي اوي
وده كله ليه ؟؟ بسبب الشوية حاجات الي بتحصل علي مدار اليوم عادي بتادي لحدوث ضغط نفسي وعصبي بيكبر مع مرور الوقت لحد مايوصل الحال لكده
بس تعرفي انتي تقدري تغيري كل ده اه والله

عارفة ازاي؟؟
زي منا غيرته والحمد لله grin.gif

اول حاجة واهمها :
التقرب الي الله : البعد عن ربنا بيوصل فعلا لكده وممكن تقوليلي انا قريبة والحمد لله من ربنا وبيحصلي كل ده ليه
بكل البساطة في الحالتين الشيطان بيحاول يتملك منك لو كنتي بعيدة فهو عشان عارف انك ضعيفة وايقدر يسيطر عليكي بسهولة لحد مايدمرك
ولو قريبة من ربنا فهو بيحاول برضه بكل الطرق انه يشدك لبعيد لحد ماتقصي فحق ربنا والياس يتملك منك

الحاجة التانية :
تسامحي مع الدنيا : اتسامحي مع الناس ومع اهلك مع اصحابك مع كل احد تعرفيه او بتتعاملي معاه لو متخاصمة مع حد انسي الي فات وابداو من جديد ولو بترتاحي لحد اقعدي معاه كتير صدقيني القلب الي شايل من حد بيتعب اوي .

الحاجة التالتة :
فضفضي : ايوة فضفضي شوفي مين اكتر حد بتحبيه وبتحبي تتكلمي معاه واسراركم مع بعض مثلا وفضفضي معاه الفضفضة بتريح اوي طلعي كل الي جواكي هتلاقي نفسك عاملة زي كيس مليان مية وخرمتيه وفجاة نزل كل الي جواه

الحاجة الرابعة :
حبي نفسك : مهم اوى والله انك تتعلمي ازاي تحبي نفسك نفسك مش وحشة وتستاهل انها تتحب اتصالحي معاها وكلميها ايوة مش عيب اعملي زي ما كنت بعمل ادخل اوضتك واقفلي علي نفس الباب بالمفتاح واقعدي اتكلمي كانك فبرنامج او عند دكتور نفسي وعمالة تحكيله كل حاجة بتضايقك من نفسك قولي لنفسك معلش انا هخليكي سعيدة انا مش هاقسي عليكي تاني عشان اي حاجة في الدنيا .

اخرجي واتفسحي اشتري ورد وشيكولاتة اشتري لعب وعرايس لنفسك اقعدي فكافيه لفي عالمحلات واعملي شوبنج انا اكتر حاجة بتحسن نفسيتي الشوبنج ههههههههه اعملي كوباية هوت شوكلت او عصير واقعدي جمب البلكونة اقري كتاب بتحبيه خدي صحباتك واتفسحوا فاي مكان مع ولادكم
بكل بساطة .. عيشي
حبي نفسك . حبي الدنيا . حبي اللي حواليكي . خليكي متسامحة مع نفسك ومع الناس . لو قابلتك مشكلة خدي نفس وقولي بسيطة بتحصل كتير لكل الناس عادي
ماتوقفيش سعادتك علي حاجة مهما كانت وتذكري قول الله تعالي في كتابه الكريم : ( لقد خلقنا الانسان في كبد ) يعني انتي مش لوحدك في الموضوع ده
ماتخافيش ..
ربنا يفرح قلبك .. 000021541.gif
كتبت : اغاريد & رجيم
-
الله يسعد قلبك و ييسر امرك يا عسل
موضوع روووووعة و مهم
و الصراحة اذا بدأت افضفض خخخخ مش حنخلص غير بعد أسابيع
خخخخخخ
وكلامك كلوا صح حبيببتي التقرب الى الله و حب النفس و التوكل على الله و الرضى و المصالحة مع الحياة كلها من أسباب الاستقرار النفسي و السكون و الراحة
تسلم ايدك حبيببتي
كتبت : رجائي الجنه
-
شوفي ياستي انتي جبتيها لنفسك

لو بسولف يالليل مااطولك



من مااصحا ليين ماانام وانا افرفر بالبيت


اليوم زوجي مسافر مع العيال مفروض استرخي

قمت غيرت من المطبخ وترتيبه وترتيب البيت يعني بجيب الشقى لنفسي


تمر عليه اوقات مااابي اكلم احد ابدد ولا ابي احد يكلمني اقطع كلل اتصالاتي بالعالم واجلس ابكي

وتجي عليه افكار مالها داعي والله اني احس بضييق

بس سبحااانه ادعي واحتسب الاجر واهي فتره وتعدي

العمر يخلص والشغل ما يخلص وزي ما يقولو هي دنيا وليست جنه لالازم من مشاكل وهموم لكن لما نحس انها زايله ترتاحين وتعدين الموضوع


كل ما بحس بضيقه بجي عندك هنا وتحمليني عاد
كتبت : قاهرة الدهون
-
على قولة الأخت الدنيا تخلص و الشغل ما يخلص
و الأسوأ انه الواحدة تحس ما في تقدير
المجتمع يقول عليك ربة بيت و الزوج يشوفك مانه مسترخية و يحسدك على قعدة البيت
و يا هذا البيت كله شغل و طلبات و قد ما تحاولي تخلصي ما تلحقي و لمن الحمد لله
انا لما تجئني فترة كآبة افتح الجزيرة و أشوف إخواننا في مل مكان ارجع أحاسب نفسي و اشكر نعمة الله
و أعطي نفسي يوم بالكثير راحة و أخلي الدنيا حايسة و اخرج أغير جو
بعدها ترجع لي الهمة و أبدا المهام
كتبت : شيمـو
-
class="quote">اقتباس : المشاركة التي أضيفت بواسطة اغاريد & رجيم:
الله يسعد قلبك و ييسر امرك يا عسل
موضوع روووووعة و مهم
و الصراحة اذا بدأت افضفض خخخخ مش حنخلص غير بعد أسابيع
خخخخخخ
وكلامك كلوا صح حبيببتي التقرب الى الله و حب النفس و التوكل على الله و الرضى و المصالحة مع الحياة كلها من أسباب الاستقرار النفسي و السكون و الراحة
تسلم ايدك حبيببتي
تسلميلي انتي حياتي لكن انا عايزة اقلك حاجة فضفضي مهما كانت همومك حتي لو هتفضفضي مع نفسك زي ماحكيت هههههههههه والله مش جنان بس راحة نفسية كبيرة ربنا يريح قلبك يارب
كتبت : شيمـو
-
class="quote">اقتباس : المشاركة التي أضيفت بواسطة رجائي الجنه:
شوفي ياستي انتي جبتيها لنفسك

لو بسولف يالليل مااطولك



من مااصحا ليين ماانام وانا افرفر بالبيت


اليوم زوجي مسافر مع العيال مفروض استرخي

قمت غيرت من المطبخ وترتيبه وترتيب البيت يعني بجيب الشقى لنفسي


تمر عليه اوقات مااابي اكلم احد ابدد ولا ابي احد يكلمني اقطع كلل اتصالاتي بالعالم واجلس ابكي

وتجي عليه افكار مالها داعي والله اني احس بضييق

بس سبحااانه ادعي واحتسب الاجر واهي فتره وتعدي

العمر يخلص والشغل ما يخلص وزي ما يقولو هي دنيا وليست جنه لالازم من مشاكل وهموم لكن لما نحس انها زايله ترتاحين وتعدين الموضوع


كل ما بحس بضيقه بجي عندك هنا وتحمليني عاد
عارفة ان كل اللي بتقوليه ده زيي بالظبط بس الفرق اني لسة ماتجوزتش بس عايزة اقلك ما تستسلميش بجد لان الاستسلام بيزود الموضوع اوي وده واضح من كلامك انك مستسلمة جداااااا نصيحة مني حاربي الكئابة بكل ما اوتيتي من قوة شوفي ايه اكتر حاجة بتحبيها واعمليها اول ماتحسي انك هاتدخلي في المود ده وصدقيني والله بالتدريج كل ده هايضيع انا مثلا كل ما بتضايق بحب اتفرج علي مسرحية حلوة بحبها او فيلم جميل بموت فيه حاولي انك تكسري الملل بفسحة او عزومة حلوة لاهلك او اصحابك اقعدي كده كل شوية فكري ايه الحاجة الي بتحبيها واعمليها وياااارب يريح قلبك فعلا يارب
الصفحات 1 2 

التالي

تعبانة في الغربه .....ساعدوني

السابق

ممنوع دخول الرجال

كلمات ذات علاقة
تعالى , ندردش