هلا حبيبتي أماني .. شرفتينا ونورتينا ..
مثل ما قالتلج خلوصه ... اشتركي معانا بالمسابقه .. وبتشجعين واايد ..
كثير من البنات ماشاءالله نقصو .. وعدنا اوزان مختلفه .. يعني بتلقيلج وحدة تنافسج .. و بتتحمسين أكثر
و اكييد كلنا نحب الحلو .. انا امووت على الكتكات والجلاكسي و البابلي و الباونتي و السنكر و الكيك و السويسرول و الكريم كراميل و الإيسكريم و كل انواع البسكويت و البيبسي و الكولا و المهلبيه و و و و و .. حتى مب قادره أعد هالشغلات
وللأسف هالأشياء أحب اكلها فالليل ..
تدرين انه هالعاده لها تفسير علمي .. الإنسان ما يحب يراوي خذلانه و ضعفه نحو الأكل قدام غيره ... فيلجأ ياكل هالأشياء فالليل عسب ماحد يشوفه .. ولا من شاف ولا مندري !!
وياخذ راحته فالليل .. وعقب يلوم عمره و يوعدها ان باجر ريجيم ,, واليوم الثاني القصه تنعاد !
ويبدأ الواحد يفكر بطرق ثانيه .. باكل حبوب و لا بدخل قروب تخسيس ولا بروح عند دكتوره تغذيه و و و
ويتم الحل الوحيد ما لجأ له .. الي هو نفسه ..
حبيبتي الرجيم نفسي أول قبل لا جسدي ..
لازم تقتنعين أنه العادات الغذائيه الصحيحه هي الأسلوب الي لازم تمشين عليه .. وان الإفراط بالحلو و بالأكل .. هو متعه 5 دقايق ,, أما الصحه هي متعه العمر كله
و عقبها تحطيلج برنامج على حسب اسلوب حياتج و وزنج ( والكل ممكن يساعد هنيه) و تبدين برحله الرجيم ..
و مع الصبر بتوصلين حياتي للرشاقة مثل كل الأخوات هنيه
بالتوفيق لج حبيبتي