السلام عليكم
هذي أول مشاركة لي في هذي الزاوية وأتمنى أنها تنفع الجميع وتشحذ الهمم
تقول إحدى قريباتي وهي معلمة :
عندنا إدارية الله لايوريك فيها سمنة غير عادية طبعا ماهي لوحدها العائلة كلها ما شا الله وراثة زي ماكنا نقول بس صارت الدعوى لا وراثة ولا هم يحزنون ...
كانت إذا طلعت الدرج عشان تاخذ الغياب توقف شوي تلهثثثثث المسكينة كنا نتعزز لها ونرحمها بس بعد مدة الصاعقة البنت صارت أنحف منا كلنا لا ورشاقة ما بعدها رشاقة مع أنها على الفطور نا تاكل أكثر منا كلنا ؟؟؟!!! ما شا الله
لا وأزيدكم من الشعر بيت العائلة كلها ما شا الله الله يبارك لهم صارت عائلة الرشيقات والرشيقين بما فيهم الأب والأم شي عجييييب؟؟؟
جلست معها وقلت لها ماشالله وش هالحلاوة لازم أعرف السر؟؟
ضحكت وقالت صراحة كنت أعاني من وزني وأنا لسه ما تزوجت كنت لما أروح للسوق أحس بالإحباط أنا وأخواتي بعد
كنت أحس أني ثقيلة وسمنتي أعطتني عمر أكبر من عمري...حتى قلت خلاص لازم أتغير..لازم أكون بنت رشيقة وش يمنع ؟؟؟
قمت اخترعت لي برنامج من نفسي وطبقته وهو كالتالي
أفطر فطور ملكيييييييييييي يعني آكل كل اللي نفسي فيه لأني سمعت أن وجبة الفطور الدسمة تغني الجسم باقي اليوم عن تناول الأطعمة الدسمة ..آكل كل شئ..فول..عدس ..طعمية ..حلاوة ..بيض..جبنة .يتون..ولا فيه أي شي ممنوع بانسبة لي على الفطور خاصة أن فطور المعلمات جماعي يعني لازم آكل
بعد كذا أرجع الظهر للبيت وأنام ما آكل شي ..
أصحى أصلي العصر وأسوي شاي معتدل السكر وآكل شابورة بر أدق فيها لييييييين أشبع..
أذان العشا أسوي العشاء صامولي وحدة بس مع كاس عصير..أو فاكهة وكاس لبن..أو زبادي قليل الدسم مع تمر ..سلطة ..شوربة..
وبس أقفل على كذا ولا أهمل المااااااء..
وعليها لين بكرة الصباح..
ومن يوم الأربعاء إلى ليلة الجمعة مفتووووووووووووووووووووووووح
ومن ليلة الجمعة أرجع للنظام ...
مع العلم إني أركز خلال اليومين المفتوحة على اللحوم لأني ما آكلها خلال الأسبوع..
ولا أنسى أمشي كل يوم نصف ساعة باستثناء الأيام المفتوحة ..وأسوي تمارن عشر دقائق تقريبا
الأهم من هذا:
تقول عرضت نظامي على طبيبة أيدتني بكل قوة......
صار أبوي وأمي وأخواتي كلهم يتبعون نفس النظام والحمد لله صرنا عائلة الرشيقااااااااااات
هذي القصة أوردتها للفائدة خاصة الموظفات لأنهم يعانون...
بانتظار توقيعاتكم الرائعة!!!