تسريحات بسيطة - لأحلى البنات بالعيد!

مجتمع رجيم / العروسة
كتبت : طماطه حلوه
-



كيف حالكم يا امهات... يا بنوتااات.. يا اهل المنتدى...


بصراحة موضوع غاية في الروووعة شفته وعجبني.... واتمنى أنه يعجبكم...


وأحين
سؤالي لكم هو؟


اتمللوا بناتك من نفس التسريحة كل مرة ؟
ذيل الحصان ولا ظفيرة عادية ..
مجموعة من البكل الصغيرة تكون صف واحد ..
نفسك تغيري لهم ؟
تجددي...
تعطيهم لووك جديد للعيد!!!
تسريحات 43.gif
وعلشان جذي
جبت لكم اليوم
مجموعة من تسريحات الشعر البسيطة
اللي ممكن تستخدميها على بناتك الله يحفظهم ويخليهم لك
وبصراحة شكر خاص لصاحبه الفكره خصوصا أنهم
عجبوني وافكر اطبق على بنت اختي الصغيرة هههه
وقلت اكيد راح تعجبكم
ولازم احطها لكم هنا
ان شاءا لله نشوف بنوتاتكم قمامير في العيد!!!
الموضوع متجدد ان شاء الله
كل مرة راح احط لكم مجموعة
ارجو ان تتابعوا معايا..
************
طبعا البنوتات يحبوا يلعبوا واذا تحمسوا دايما نلاقي شعورهم نفشت
هههههه
واللي دخل شعرها في فمها، واللي في عينها، واللي طاحت ولا نقلل من قيمة العلك واللبان اللي يطلع من الفم للشعر على طول ههههه يالله على الطفولة ... شي رهيب
هذه مجموعة راح تبعد شعورهم عن وجوههم
بس بشكل انيق وحلو
وهي راح تعجبهم برضو ... لانهم راح يقولون للقمر قوم وأحنا نقعد مكانك !!
تسريحات 59.gif
نصيحة للامهات..
قبل ما تبدأي حطي بنتك قدام سبيس تون عشان ما تتحرك!!


تسريحات glitterfy050844TD37.

التسريحة الاولى..
تسريحات 85.gif


تاج العقد..
أضغطي على الصورة لتكبيرها ..
الشكل النهائي
تسريحات knotty-crown-small1.
منظر جانبي ..

تسريحات knotty-crown-2.jpg
البداية

تسريحات 173.gifتسريحات knotty-crown-3.jpg
أبدئي في المنتصف..
راح تطلع التسريحات اجمل لما تبدأي من المنتصف..
تسريحات knotty-crown-4.jpg
هذا رسم مبدئي عن تقسيمات الشعر، راح نبدأ نسوي العقد على اليمين واليسار
والمنطقة الوردية هي نقطة اللقاء..
تسريحات knotty-crown-5.jpg
قسمي الجزء الامامي، واتركي الجزء هذا راح نترك الجزء هذا نازل وما راح نرفعه كثير
تسريحات knotty-crown-6.jpg
اربطي عليه مطاط بخفة، ولا تشدي عليه
تسريحات knotty-crown-7.jpg
الان قسمي الشعر المربوط بيدك، الى قسمي، وادخلي الشعر من خلاله عشان نكون العقدة....
يعني راح تدخلي الشغر من خلال التقسيم اللي عمليته
تسريحات knotty-crown-8.jpg
بعد ما عملنا العقدة الاولى، راح نكمل ونعمل اللي بعدها
....
وتكوني اضفتي الشعر اللي في العقدة الاولى عليها، عشان تتجمع مع بعض
وبعدين نفس الطريقة تعملي العقدة، تقسمي الشعر، وتمرريه من خلاله

تسريحات knotty-crown-9.jpg
وهذه شكل اول عقدتين مع بعض، شديهم على بعض كويس عشان يبان الشكل

تسريحات knotty-crown-11.jpg
كملي بنفس الطريقة، واعملي الثالثة..
تسريحات knotty-crown-12.jpg
وهذه الرابعة اللي راح نضمها للجهة الثانية
تسريحات knotty-crown-13.jpg
الان ننتقل للجهة الثانية
تسريحات knotty-crown-14.jpg
زي ما اتفقنا، نربط جزء من الشعر ، بس لازم تكون منخفضة وخفيفة
لان لما تلفي الشعر راح تشدي عليه وراح يرتفع
تسريحات knotty-crown-15.jpg
الان بعد ما عملنا 4 عقد في الجهزتين
راح نجمعهم مع بعض، خذي الشعر اللي في اليمين واللي في اليسار
واجمعيهم في ذيل حصان
تسريحات knotty-crown-16.jpg
ونفس فكرة العقد اللي قبلها
اقسميها وادخلي الشعر من خلال التقسيم
وكوني اخر عقدة...
تسريحات knotty-crown-17.jpg
والنتيجة مثل ما أنتوا شايفين ولا أحلى !!!!!!!
تسريحات 166.gif
كتبت : طماطه حلوه
-






التسريحة الثانية




شبكة الشعر..

الشكل النهائي




الشكل الجانبي







البداية




ابدئي بالشعر وهو مبلل لان تقسيمه راح يكون اسهل، ومشطيه للخلف



والان على حسب سمك الشعر
اذا كانت بنتك شعرها خفيف زي البنت اللي في الصورة
ابدئي بالتقسيم على شكل مستطيل


اما اذا - ما شاء الله - شعرها كثيف، اعمليها مربعات



وامسك الجزء اللي قسمتيه، واربطيه بمطاط



كملي التقسيمات الى ان تخلصي كل الشعر اللي في الامام، في الصورة طلع معاها 6 اقسام ممكن تنتهي التسريحة هنا، وممكن نكمل للي بعده



هذا المنظر من فوق



الان راح نبدا نقسم كل ذل حصان الى النص

ونجمع كل اثنين متجاوريين زي الصور



النتيجة من بعد ما جمعنا الاجزاء المقسمة



عشان نعمل الخطوه اللي بعدها، لازم نبعد الجزء اللي عملناه عن الطريق
بس وديه على قدام وابعديه عن مكان العمل <<< ههههه



والان بناء على التقسيم الاولى، راح نقسم الشعر مرة ثانية

بنفس حجم المربعات - المستطيلات اللي في الصف الاول




الان الخطوة هذه يمكن شوي يبغالها صبر
راح تمسكي الجزء اللي قسمتيه جديد
وتقسمي الاجزاء السابقة الى النصفين



يعني كل ذيل حصان نتج من الخطوات السابقة ، راح نرجع نقسمه الى اثنين
ونمسك الجزئين المتجاورين ونجمعهم مع الجزء الاخير الجديد




زي الصورة هذه
بعد ما تقسمي الاجزاء اللي مربوطة، امسكي جزئين متجاورين
واجمعيهم مع الجزء الجديد




بدينا من المنتصف، لانه راح يسهل عليك تنزلي من جهة اليمين واليسار



وفي النهاية راح تطلع لنا التسريحة بهذا الشكل الجميل..

كتبت : سونا
-
مشكورة على التسريحات الروعة جزاكى الله خير وكل عام وانتى بالف خير وعافية
كتبت : طماطه حلوه
-



التسريحة الثالثة..



الشكل اللولبي!
الشكل النهائي

البداية


راح نبدأ بالشعر وهو مبلل، بس مو كثير، يعني قولي الشعر شوي رطب

الان راح نقسم الشعر في نص الراس، ونحصل على مربع

وهذا الجزء راح نرجع نقسمه الى جزئين
نمسك اليمين ونلفه ( عكس عقارب الساعة)
واليسار ( مع عقارب الساعة)

هذه الخطوة يمكن تدوخك شوية ، بس النتيجة تستحق!!


شديها وتأكدي انها مشدودة كويس


نربطهم على بعض، ونحصل على النتيجة هذه

وهذه لحالها تسريحة حلوة ومرة كيوت
اضيفي عليها أكسسوارت ويا سلام مرة حلوة

بس اذا تبغي شكله يطلع احلى من كدا
في خطوة كمان ممكن نعملها

لفي الشعر بقطعة قماش!!!
اول شي بللي الشعر جدا جدا
وجزئيه ، وكل جزء لفيه على فوق واربطيه بقطعة القماش

هذه راح تكون لطيفة على فروة رأسها وما راح تزعجها
ممكن حتى تنام فيها من اليوم اللي قبله

وبالتالي نحصل على هالنتيجة الجميله يا سلام عليها..






كيف تعملي الخطوة الاخيرة من التسريحة السابقة؟
تعالي اقول لك ...



اول شي لازم تحصلي على قطع القماش، جيبي اي قماش ما تستخدميه او قديم، وقصيه على شرايط، طول الوحدة 15 سم عشان تكفي..
وبعدها نقدر نبدا

خلي شعرها مبلول ويفضل أنها تكون توها متسبحه


نبدأ بتقسيم الشعر، وخلي القماش في يدك عند اصباع السبابة

لفي الشعر حول اصبعك اللي فيها قطعة القماش
ولفيها بالمقاس اللي تبغي الشعر يتلف عليه ، يعني لو تبغيها تلفلف مرة صغيرة
صغيرها... والعكس صحيح ...
الخطوة هذه مهمة جدا ، ولازم تتأكدي ان الاطراف ما هي مختلفه
عشان ما تطلع التسريحة فيها اجزاء غريبة وغير لطيفة

وابداي بلف الشعر الى ان تصلي الى فروة الرأس

الان كل اللي عليك فعله، هو انك تربطي قطعة القماس في عقدة حول الشعر
عشان يثبته مكانه

ونحصل على النتيجة هذه

وناخذ قسم جديد ونكرر نفس الفكرة

وبنفس الطريقة

الان عشان نتأكد انو الشعر ما يكون مقسم بشكل غريب لما نفك قطع القماش
تأكدي انك تقسمي الشعر ، زي جدار الطوب، كل مربع تحت مربعين

والان حصلنا على النتيجة هذه
المشكلة هي انها تحتاج وقت طويل عشان تضبط وتلفلف الشعر
فممكن ان البنوتة تنام بيها وتقوم تفكها
الحلو انه ما راح يعور لها راسها، لان كله قماش في قماش
اذا كنتي مستعجلة، ممكن تستشوري شعرها
بس لا تفكي القماش الا بعد ما يبرد الشعر

وأحين أقدر أقولك
يا سلام على القمر، يختي عليها ربي يحفظها




هذه أول مجموعة للعيونكم الحلوه والقادم أجمل أن شاء الله

بس ودي أشوف التشجيع علشان أنزل اللي بعدها




وهذه نبذه لما هو قادم


كتبت : didi21
-
مشكوووووره غاليتى
كتبت : طماطه حلوه
-
أهلا وسهلا بكم
welcome
align="left">


وقد عدنا أليكم بالمجموعة الثانية


وزي ما وعدتكم من قبل مع أني زعلانه على التشجيع اللي حصلته، بس علشان عيون تكرم ألف عين...

تفضلوا معاي خطوه بخطوه
التسريحة الخامسه



الظفيرة فرنسية مع الشرايط

البداية..
لازم نتعلم كيف نعمل الظفيرة الفرنسية عشان نقدر نعمل التسريحة هذه...
طبعا لازم تتدربي على عمل ظفيرة واحدة الاول
لما تتقنيها تقدري تعملي بعدها 2-3-4 ما في مشاكل


نتابع بالصور
بسم الله الرحمن الرحيم
لا تخافي من التسريحة هذه ، اذا عرفتي للظفيرة صارت التسريحة سهلة جدا!!

نختار نقطة البداية، زي ما اتفقنا اذا كان شعر بنتك كثيف ابدأي بمربع
اما اذا كان خفيف ، فخليها مستطيل احسن

طبعا زي كل الظفاير نبدأ بـ 3 اجزاء

البداية زي اي ظفيرة لما تبدأي تخلي الاجزاء الثلاثة تتداخل
بس عشان تبدأي الظفيرة، لا تعملي اكثر من تداخل واحد

نتوقف عند النقطة هذه ، وزي ما نلاحظ توقفنا في الطرف اليمين
راح نبدأ نزيد شعر الظفيرة من الجهة هذه


بالمشط خذي جزء من الشعر في الجهة اليمنى
واضيفيه على الجزء من الظفيرة اللي جالسين نشتغل فيها
لازم تتاكدي ان الجزئين الاخرين ممسوكين كويس
عشان ما تنفك عليك الشغلة كلها

بعد ما تدخلي الجزء الجديد، ارجعي وكأنك راح تظفري ظفيرة عادية
مع الاضافة الجديدة

واللي راح يخلي الظفيرة تبان على برا
انها بـ تثني الشعر لـ تحت
لو تدخلي الشعر من فوق ... راح تبان الظفيرة معكوسة
جربيها!!! وراح تفهمي قصدي...
بس الطريقة هذه احلى، عشان لما تضيفي الشريطة في الاخر

في هذه الصورة، نقدري نشوف الجزء المضاف
اللي هو بين الابهام والسبابة لليد اليسرى
كيف انها دخلت الى الظفيرة بشكل مرتب واضيف الى كمية الشعر بدون اي عناء

وزي ما قلنا، كل مرة نضيف الشعر، من اليمين واليسار
بشكل متساوي

لاحظي كيف اخذت جزء من اليسار الان واضافته الى الظفيرة

وتكرري الى ان تنتهي من الشعر
لاحظي كيف بدت الظفيرة تظهر



هنا وقفتها في النص، وبطلت تضيف الشعر
وصارت الظفيرة الى النص
وبكذا عرفنا نعمل الظفيرة الفرنسية


الان بعد ما تكوني ادربتي عليها
تقدري تعملي اثنين

تقسمي الشعر من النص
وتعملي ظفيرة لكل جهة
تحصلي على ظفيرتين

جيبي ابرة تكون فتحتها كبيرة مررررررة
بحيث نقدر نخل الشريطة من خلالها


تعرفوا الابر البلاستك؟ اللي تنباع مع العاب الاطفال
اعتقد انها احسن من هذه الابرة الحقيقة
ما تدري بنتك ممكن تتحرك فجأة وانتي في يدك ابره حديد
لا قدر الله تدخل فيها وفي حاجة
ولو مو فيها فيك انتي
فلو تحصلي الابر البلاستك، راح تكون أأمن

نبدأ من فوق، كأننا راح نعمل شبكة
او زي حبل الجزم الرياضية - اكرمكم الله -

تأكدي انك عارفة النص، وان الجزئين متساويين

ونشتغل من فوق لتحت
يمين لـ يسار

خلصنا جهة وحدة في الاول

نعمل الجهة التانية اللي تتقاطع مع الاولى

نربط النهايات مع بعض في فيونكة حلوة

أنتهينا


ايش رايكم؟
انا عن نفسي احسها مرة سهلة يمكن لاني اعرف اعمل الظفيرة هذه
والفكرة تكمن في الشرايط وبس
جدا رائعة
جربوها وعطوني رايكم!!

الصفحات 1 2  3  4  5  ... الأخيرة

التالي

نصائح لجمال العروس

السابق

تعلمى احلى اطباق متنوعة الدرس التاسع لدورة تعليم الطبخ لاحلى عرايس منتدى رجيم

كلمات ذات علاقة
لأحلى , البنات , بالعيد! , بسيطة , تسريحات