وصفات برنامج من كل بلد أكلة

مجتمع رجيم / الاطباق المتنوعة
كتبت : Blue Rose
-

كفتة هندى
1/4 ك لحمة مفرومة – 2 م ك بقسماط ناعم – بصلة – طمطماية – 2 فلفل حامى – م بقدونس – ملح وفلفل – كمون – كركم – ك***ة – كسبرة خضراء
الطريقة
نقطع الطماطم والبصل والفلفل صغير ونضعهم على اللحمة ونضع باقى كل المقادير ونعجنها كويس ثم نعملها
كور ونبططها بايدنا ونضعها فى الدقيق من الناحيتين ونحمرها فى الزيت

كشرى اسكندرانى
كوب عدس اصفر – 2 كوب ارز – 2 م زيت زرة – ملح وفلفل – 2 بصلة محمرة (زى بتاع الكشرى) – بيض مسلوق – بصلة مقطعه – 3 كوب ماء ساخن
الطريقة
نقشر البيض المسلوق ونحمره فى السمنة ونركنه . نضع العدس على الارز ونغسلهم مع بعض ونصفيهم من الماء . نشوح البصل فى الزيت ونضع الارز بالعدس والملح والفلفل والكمون ونقلبهم مع بعض ثم نضع الماءونتركه لحد مايستوى ثم نغرفه فى طبق ونجمله بالبصل المحمر ووحدات البيض المحمر
والليمون المخلل

سلطة فاصوليا يونانى
2 كوب فاصوليا بيضاء – 2 طماطم مكعبات – بصلة حلقات – 2 بصل اخضر مفروم – بقدونس مفروم – فلفل رومى شرائح –2 م زيت زيتون – ملح وفلفل – كسبرة خضراء مفرومة – 2 م خل – ك***ة – جمبرى مسلوق
الطريقة
ننقع الفاصوليا لمدة 3 ساعات فى ماء مغلى ثم نسلقها فى ماء مغلى حوالى 25 د . نضع الفاصوليا فى طبق ونضع عليها كل المقادير ونقلبها كويس ونغرفها فى طبق ونجملها بوحدات من الجمبرى

بوم باكيت بوتيتو
وحدات من البطاطس – ورق فويل – ملح خشن – كريمة – زبدة
نقطع طرفين البطاطس ونضع كل واحدة فى ورقة فويل ونلفها كويس . نرش ملح خشن كتير فى صينية ونرصص عليه وحدات البطاطس وندخلها الفرن لحد ماتستوى . بعد ماتطلع نقطعها بالسكينة وهى بالورقة على هيئة ( * ) كروس ونحشيها بالزبدة او نضع عليها كريمة
كسكسى بالجمبرى والبسلة
2 كوب كسكسى – ملح وفلفل – كوب بسلة مسلوقة – 8 حبات جمبرى مسلوق مقشر ونترك الزيل بقشره
بصلة مقطعه – فلفلة حمراء مقطعه – 2 و 1/2 كوب ماء ساخن – زيت زيتون – 8 حبات زيتون اسود
الطريقة
نشوح الصلة والفلفل فى الزيت ثم نضع البسلة مع التقليب ثم نضع الكسكسى مع التقليب ثم نضع الزيتون والجمبرى مع التقليب ثم نضع الكسكسى والملح والفلفل والماء ونغطيه لحد مايستوى عادى زى الارز
فراخ بوشية
فرخه مقطعه 4 او 8 اجزاء – بصلة – جزرة – 1 كوسة – 1/8 ك فاصوليا – 1/2 كوب خل
الطريقة
نقطع البصل والكوسة والجزر اجزاء كبيرة ونترك الفاصوليا زى ماهى . نضع ماء مغلى على النار ونضع فيه الخل والفراخ والخضار ونغطيها لحد ماتستوى ثم نضع الملح والفلفل ونقلب ونطفى ونغرفها
كريم كراميل
كوب سكر (للكراميل)- كيلو حليب – 5بيضات – 5 أصفر بيض – 200 ج سكربودرة – باكو فانيليا
الطريقة
نضع السكر على النار لحد ما يتكرمل ثم نضعه فى القالب. نضع الحليب على النار لحد ما يبتدى يغلى . نضع فى طبق البيض وصفار البيض والسكر والفانيليا مع شوية حليب مع الضرب بالمضرب السلك ثم ننزل بيه على الحليب اللى على النار بالراحه خالص شوية شوية مع التحريك السريع والمستمر . نصفى الخليط ده ثم نضعه فى القالب على الكراميل ونضعه على حمام مائى وندخله الفرن لمدة ساعه ونص على درجة 160 وممكن لما يطلع ويبرد نضعه فى الثلاجة ونطلعه تانى يوم ونقلبه
موس فراولة
300 ج فراولة بيورية – 30 ج جيلاتين بودر ( 2 م ) – 300 ج فريش كريم – 2 اسبونج فانيليا – نص كوب سيرب – كوب جيلى فراولة
الطريقة
اسيح الجيلاتين فى شوية ماء مغلى وبعدين اصفيه واضعه على الفريش كريم ونقلبه ثم نضع ال فراولة بيورية
ونقلب بالراحه بالمضرب السلك ثم نضع جزء من الخليط فى القالب البلاستيك ثم اضع راقة اسبونج وادهنه كويس بالفرشاه بالسيرب ثم اضع جزء تانى من الخليط ثم اضع راقة اسبونج وادهنه كويس بالفرشاه بالسيرب
وادخله الفريزر لمدة ساعه ثم نقلبها فى الطبق ثم نضع عليها الجيلى بالمعلقة بطريقة عشوائية ووحدات
من الفراولة
المهرج
عجينة سابلية – باسترى كريم – كيوى – فراولة – تفاح
الطريقة
عجينة تارت ( 1/4 ك سكر – 1/2 ك زبدة – زرة ملح – 3 بيضات – 750 ج دقيق )
نبطن القوالب الصغيرة او القالب الكبير بالعجينة ونساويها كويس وندخلها الثلاجة ترتاح وبعدين نساويها فى الفرن على درجة حرارة 160 . بعد ماتبرد نضع عليها طبقة من الشيكولاتة السايحه ثم طبقة من الباسترى كريم ثم نضع شرائح التفاح بطريقة عشوائية وشرائح الكيوى والفراولة وندخلها الثلاجة شوية ويعدين نطلعها ونلمعها بالجيلى الساخن
فراولة تارت
عجينة سابلية – سبونج فانيليا – باسترى كريم – فراولة – جيلى تلميع – تارت
الطريقة
نفرد العجينة بالدقيق والنشابة ونبطن بيها القالب ونخرمه وندخله الثلاجة ترتاح علشان متكشش فى الفرن ثم اطلعها واخبزها على 170 د لمدة 25 د بعد ما تستوى وتبرد نضع عليها طبقة من الشيكولاتة السايحه ثم طبقة من الباسترى كريم ثم راقه اسبونج ثم طبقة باسترى ثم وحدات فراولة ثم ندخلها الثلاجة شوية ويعدين نطلعها ونلمعها بالجيلى الساخن
فروت سلاد
150 ج سكر – 100 ج نعناع اخضر مفروم – 2 يرتقالة – 2 تفاح اخضر - 2 تفاح احمر - 2 تفاح اصفر – كنتالوب – 2 خوخ – 2 برقوق – 100 ج فراولة – كيوى - عصير ليمون
الطريقة
نضع فى طبق غويط السكر والنعناع المفروم ونضع قطع الكنتالوب وباقى الفاكهه المقطعه ونغطى الطبق بورقة نايلون وندخلها الثلاجه لتانى يوم ولما نطلعها حتكون نزلت مايتها والسكر داب قلبيهم كلهم مع بعض وقدميها
البسيمة
1/4 ك جوز هند – 100 ج دقيق – 1/4 ك حليب – 1/4 ك سكر – 1/2 باكو بيكنج بودر – 150 ج سمنة سايحة
الطريقة
نضع فى طبق جوزالهند والدقيق و ال بيكنج بودر ونقلبهم مع بعض . نضع السكر على الحليب والسمنة ونخطهم مع بعض كويس جدا ثم ننزل الخليطين على بعض بالراحه جدا . ندهن صينية بالزبدة او بورق الزبدة ونساويها وندخلها الفرن على 170 لمدة 25 دقيقة
اورنج كريم بورلية
ك فريش كريم – 200 ج سكر بودرة – 10 صفار بيض – باكو فانيليا – 2 برتقالة مبشورين – شوية سكر للوش
الطريقة
نضع الفانيليا والسكر على الصفار مع سنة فريش كريم واضربهم بالمضرب السلك لحد ما يتقلوا حوالى 10 دقائق ثم اضع عليه بشر البرتقال . اضع ال فريش كريم على حمام مائى فيه ماء بيغلى لحد ما الفريش كريم. يسخن كويس ثم انزل عليه بالراحه خالص بالخليط اللى عملناه مع التقليب بالراحه . اقشر برتقاله واخد منه فصوص اللحم اللى جوه من غير اى قشور ونرصصه فى الصينية ثم ننزل بالخليط عليه فى الصينية واتركه لحد مايبرد خالص ويجمد ثم ادخله الثلاجة لمدة ليله كامله وبعد مايطلع ارش على وشه كله سكر واحرقة بوضعه فى الفرن تحت الشواية اللى فوق لمدة ثوانى
يتبع سيمون برفيه
لتر حليب – 5 صفار بيض – 20 ج قرفة بودر – 15 ج جيلاتين – 2 عود قرفه خشب – 1/2 لتر فريش كريم مضروبة – 150 ج سكر
الطريقة
نسيح الجيلاتين فى شوية ماء ساخن ونصفيها. اضرب الصفار مع السكر مع جزء صغير من الحليب كويس جدا
اضع الحليب على النار مع القرفة البودرة والقرفة العيدان واخلطهم كويس واول مايبتدى يغلى انزل بالراحه بالخليط اللى عملناه واقلبهم شوية ثم انزل بالجيلاتين السايح مع التقليب . نشيله من على النار ونضع الكريمة المضروبة على الخليط واضربهم بالمضرب السلك بالراحه واتركه يبرد شوية ثم اضعها فى القوالب او الكاسات وادخله الفريزر يجمد لمدة ليلة كامله ثم نضع عليه شيكولاتة سايحه
الشيكولاتة السايحه
ك حليب عليه كوب سكر و كوب جولكوز ونص كوب كاكاو و 300 ج قطع شيكولاتة وبعد مايغلوا مع بعض كويس جدا نضع 50 ج زبدة علشان يلمع
كتبت : سحر هنو
-


كتبت : Blue Rose
-


شرائح الدجاج المشوية على الطريقة التايلندية
2 صدور دجاج – 2 م سكر – م كركم – م ك***ة ناغمة – ثوم مفرى –
الصوص – 2 م صويا صوص – زبدة فول سودانى – جوزهند – 1/2 كوب ماء - م سكر – كمون – ليمون – بشر ليمون
الطريقة
فلى طبق نضع فص ثوم و ك***ة و كركم و ملح و م صويا صوص ونقلبهم مع بعض . نقطع الصدور شرائح بالطول ثم نضعها فى التتبيلة ثم ننغزها فى اسياخ خشب ونشوحها فى زيت السمسم وندخلها الفرن لحد ماتستوى وعند التقديم تقدم مع الصوص
صوص الساتية
فى طبق نضع السكر وجوز الهند وزبدة الفول السودانى وشوية ماء وك***ة وكمون ونزوب كله مع بعض وشوية ملح وشوية صويا


لحمة كريمة
ذبدة – 5 فصوص ثوم كبيرة – عصير عنب – ملح وفلفل – كريمة – لحمة كندوز فيلية
الطريقة
نضع الذبدة على النار والتوم صحيح واللحمة لحد ما لونها يتغير ثم نضع 2 م ك كريمة و 3 م ك صويا صوص و 3 م ك عصير عنب ونتركهم لحد ما اللحمة تستوى


كفتة الجمبرى المشوى بالقشر
1/4 ك سمك فيلية – 6 قطع جمبرى كبير – 1/4 ك جمبرى صغير – م زعتر – فص ثوم – 1 بصل – 1 كرفس – 1 كسبرة – 2 ليمون – 3 م زبدة
الطريقة
افتح بالسكينة الجمبرى من الضهر ونطلع كل اللحم . نضرب فى الخلاط السمك والجمبرى و م كرفس وم كسبرة وفص ثوم كبير وملح وفلفل وشوية ليمون ونضربهم كويس ونحشى بيهم قشر الجمبرى الكبير ثم اشوحه فى الزيت ثم نضعه فى صينية وندخله الفرن ثم نضعه فى طبق التقديم مع الصوص
الصوص
نضع حتة زبدة وفص ثوم مفروم ونقلب ثم نضع عصير 2 ليمونة وشوية بقدونس ونضعهم على الجمبرى


سمك البون فم
1/2 ك سمك فيلية مكعبات – 1/4 ك جمبرى كبير – 200 ج مشروم – بصل – م كابرى – 1/2 كوب كريمة – 2 م زبدة – 2 م دقيق – م خل عنب ابيض – شبت
الطريقة
فى صينية نضع البصل وشرائح ليمون ونغطيهم بورقة فويل ونخرمها ونضع على الورقة المشروم ثم الجمبرى وملح وفلفل ثم نضع عليهم السمك واخر حاجة الخل وشوية ملح وفلفل وشوية ماء وبعد ماتطلع من الفرن
نضع فى مقلاية على النار م زبدة وم دقيق وشوية صوص من اللى كان فلى صينية السمك ونقلبهم ثم نضع كوب كريمة ونقلبهم ثوانى ثم نغرف السمك ونضع عليه الصوص


اومليت نياجرا
3 الوان فلفل رومى – 4 بيضات – 3 طماطم مكعبات صغيرة – 2 بصلة مكعبات صغيرة – 1 م ثوم مهروس – بابريكا – 1 فلفل حامى – شطة – كاتشب – 2 م زيت زيتون – م دقيق – مرقه دجاج
الطريقة
نشوح البصلة فى الزبدة مع الثوم والفلفل الحامى وشرائح الفلفل ونشوحهم لحد ما يدبل ثم نضع الطماطم والبابريكا ونقلب ثم نضع م الدقيق ونقلب ثم سنة ماء ونقلب ونطفى . نضرب البيض بالشوكة وملح وشطة وشوية بابريكا . نضع زبدة فى مقلاية ونضع يا دوب كبشة بيض (زى البان كيك ) لحد ماتستوى ونكمل باقى المقدار بنفس الطريقة نضع فى طبق التقديم كاتشب ثم نضع قرص اومليت ثم جزء من الحشو ثم قرص اومليت ثم جزء من الحشو وهكزا 3 طبقات ( على هيئة طبقات ) ثم نقطعه مثلثات


فراخ بالكارى على الطريقة الهندية
فرخة مقطعه 8 اجزاء – بيض مسلوق – 3 شرائح اناناس – م كارى احمر – م كارى اصفر – م كارى اخضر – بصلة ناعمة – زيت زيتون – 2 بطاطس
الطريقة
نتبل الفراخ بملح وفلفل وكارى وزيت . نشوح البصلة فى زيت زيتون ثم اقطع البطاطس مكعبات واشوحها معاهم
اشوح الفراخ فى زيت فى مقلاية ثم نضعها فى المقلاية مع البطاطس والبصل ونقلبهم ثم نضع شوربة الفراخ ونتركهم لحد قرب السوى ثم نضع 3 انواع الكارى فى المقلاية اللى كنا مشوحين فيها الفراخ ونقلبهم ثم نضعهم مع الفراخ ونضع الاناناس والبيض والكريمة ونقلبهم ثوانى ونغرفها


كنــــــابيه
5 جمبرى – مايوميز – بقدونس – سيمون – 100 ج جبنة - خيار – اناناس – دجاج – فلفل الوان – ذبدة – 5 زيتون اسود
الطريقة
ندهن التوست كله بالذبدة ثم نقعه بقطاعه على شكل دوائر ثم نحشيه حسب الرغبة مثلا نضع شريحة خيار مدورة بدون قلبها ( البزر) ثم نضع داخل التجويف قطعه جبنة بيضاء وواحدة زيتون او نضع شريحه سيمون مطبقة على شكل وردة وقطعه شبت صغيرة وقطعه ليمون او قطع دجاج صغيرة بصوص الكارى ومكعبات اناناس وقليل من الكريمة


كبسة البرغل والديك الرومى
250 ج برغل خشن – 500 ج صدور ديك رومى – 150 ج بصل – 100 ج ذبدة – طماطم – ملح – فلفل – قرفة – بهارات – طماطم – لتر ماء – مشمشية – عين جمل – 2 فص ثوم
الطريقة
نحمر البصل فى الذبدة على النار لحد ما يحمر ثم نضع قطع الديك الرومى ( مكعبات متوسطة ) ونقلبهم ثم نضع م ك قرفة وملح وفلفل وكمون ونقلبهم ثم نضع مكعبات الطماطم ونقلب ثم نضع الماء ونتركهم لحد ما يقرب يستوى ثم نضع البرغل بدون غسيل ونقلب كل الخليط مع بعض ونوطى ونكمل سويه عادى
نغرفه ونضع على الوش تشويحه العين جمل
تشويحه العين جمل
نشوح بصلة فى الذبدة ثم نضع عين الجمل والمشمشية تشويحه


سلطة بيف فيلية
500 ج لحم فيلية – خس بلدى – خس كابوتشا – جرجير – فلفل الوان – جبنة موزاريلا – زيت زيتون – ملح وفلفل – ليمون – بيبى طماطم
الطريقة
نتبل اللحمة بملح وفلفل . نشزح اللخمة فى يادوب ستة زيت لحد ماتستوى ونتركها تبرد شوية
نضع فى الطبق اوراق من الخس البلدى ثم عيدان من الجرجير وعليه شرائح الفلفل الملون ثم قلب الخساية ثم نرصص قطع اللحمة ثم نضع رشة الموزاريلا او اى نوع جبنة ثم نضع البيبى طماطم ثم نضع الدريسنج (تتبيلة السلطة )
تتبيلة السلطة
ملح وفلفل وليمون وخل وكمون وخل ونخلطهم مع بعض كويس ونتبل بيها السلطة


سمك طباخ عربى ( سالونا)
500 ج سمك فيلية – 100 ج بصل – كسبرة خضراء – ثوم – كمون – فلفل الوان – فلفل حامى – طماطم بيورية – طماطم فريش – زيت
الطريقة
نتبل السمك بملح وفلفل وكمون و ثوم و ليمون وبعدين نشوحه فى الزيت بس يادوب تشويحه بسيطة ونضع القرن الفلفل الحامى نشوحه . نشيل السمك من المقلاية ونضعه فى طبق ثم نضع فى نفس المقلاية مكان السمك البصل المفروم والثوم المفروم لحد مايصفروا ثم نضع 2 معلقة لطماطم البيورية والطماطم المقطعه والفلفل الوان والكسبرة الخضراء المفرومة ونقلبهم كلهم لحد مايدبلوا ثم نضع شوية ماء ونضع السمك ونتركهم لحد مايستوى ويندمجوا ويتم غرفها
كتبت : Blue Rose
-
ام على على طريقة شريف
كرواسان – 2 كوب حليب – كوب سكر – جوزهند 0 مكسرات – قشطة
الطريقة
ضعى الكرواسان شوية فى الفريزر قبل الاستخدام . ضعى فى الطاجن الكرواسان ورشى الجوزهند والمكسرات
ودوبى السكر فى الحليب وصبيه فى الطاجن ثم ضعى القشطه على الوش ودخليه الفرن


كيك المارينج
3 ديسك اسبونج فانيليا – 150 ج سيرب – 300 ج باسترى كريم – 200 ج فراولة شرائح -+ مارينج: 10 بياض بيض + 300 ج سكر بودرة - 1/2 باكو فانيليا
الطريقة
نضع بياض البيض فى الخلاط وننزل بسكر البودرة بالراحه خالص علشان نعمل المارينج ونضع اخر حاجة الفانيليا . نضع فى القالب طبقة اسبونج ونسقيها بالفرشاه بالسيرب ثم نضع طبقة باسترى كريم ثم شرائح فراولة ثم طبقة اسبونج ونسقيها بالفرشاه بالسيرب ثم نضع طبقة باسترى كريم ثم شرائح فراولة ثم نضع اخر طبقة اسبونج ونمسح عليها مسحه بالباسترى ومن الاجناب ثم نضع المارينج وننزل بيه بصورة عشوائية ثم ندخلها تحت الشواية لمدة ثوانى علشان تاخد اللون الغامق


كيكة الجزر
200 ج ذبدة – 150 ج سكر – 5صفار بيض – 100 ج حليب
250 ج دقيق – 20 ج بيكنج بودر – 300 ج جزر مبشور – 20 ج قرفة – 150 ج بندق
7 بياض بيض – 100 ج سكر – كريمة اوبير – فندان
الطريقة
اضع الدقيق فى طبق واضع عليه القرفة والبيكنج بودر والجزر المبشور والبندق و2 ليمونة مبشورين واخلطهم مع بعض كويس بالمعلقة. نضع الذبدة والسكر فى الخلاط لحد مايتجانسوا. اضع صفار البيض + 100 ج حليب واخلطهم بالمضرب السلك ثم اضعهم على مقدار الذبدة بالسكر بالراحه جدا لحد مايتجانسوا ثم انزل بخليط الدقيق مع التقليب بالراحه. نعمل المارينج بنفس الطريقة السابقة ببياض البيض وننزل بالراحه بالسكر البودرة ثم ننزل بالمارينج على الخليط مع التقليب بالراحه من تحت لفوق بالراحه خالص وكويس جدا ثم نضع الخليط فى القالب لحد 2/3 بس ونضعه فى الفرن ويكون شغال من الاول على 170 حرارة ولمدة 35 دقيقة وبعد ماتطلع وتبرد نمسحها بالكريم اوبير ثم انزل بالفندان ثم اضع فتافيت الكيك على الاجناب واعمل على الوش مثلثات واضع وحدات عين جمل سليمة


بودينج الشيكولاتة
100 ج ذبدة – 100 ج سكر بودرة + 5 صفار بيض + 300 ج شيكولاتة سايحه – 50 ج كاكاو + 8 بياض بيض – 100 ج لوز مقطع – 100 ج بسكوت
الطريقة
نكسر البسكويت قطع صغيرة . نضع الذبدة والسكر فى الخلاط لحد مايتجانسوا ثم انزل يصفار البيض بيضة بيضة بالراحه لحد ما بندمجوا ثم انزل بالشيكولاتة السايحه بالراحه جدا واضع الكاكاو بالراحه ونوطى سرعه الخلاط وبعدين نعليها تانى ثم نضع اللوز والبسكويت . نعمل المارينج بنفس الطريقة السابقة ببياض البيض وننزل بالراحه بالسكر البودرة ثم ننزل بالمارينج على الخليط مع التقليب بالراحه من تحت لفوق . افرد على الرخامه ورقة نايلون ثم نضع الخليط ونلفه بالراحه بالكيس على هيئة اسطوانه ونقفلها جامد ونبرم طروفها وندخلها الفريزر لمدة ليلة واطلعه واقطعه واصب عليه صوص المانجة
صوص المانجة او اى صوص
ك عصير ملنجة بيورية اضعه على النار مع 200 ج سكر واول مايغلى نضع عليه 2 م كستر مزاب فى شوية ماء صغيرين ونقلبه بسرعه


اوردفر بارد
طبق مقسم (زى الصورة) – 1/8 جبنة اى نوع – 1/8 لانشون فراخ – 1/8 رومى مدخن – 1/8 لانشون بيف 2- خيار مقطع – 2 فلفل رومى – 10 حبات زيتون اسود – اى نوع صوص مفضل
الطريقة
نقطع كل حاجة اصابع تخينة ونضعها فى جزء لوحدها فى الطبق ونضع طبق الصوص فى النص ويقدم مع الخبز الفينو (الصامولى) او التوست او الخبز بالثوم


سلطة مكرونة بالخضروات
1/4 ك مكرونة اسباجتى – جزر مبشور – بقدونس مفروم – بصلة ناعمه – زيت زيتون – ملح وفلفل – فلفل رومى احمر – خل – عصير ليمون – زيتون اسود مخلى حلقات
الطريقة
نكسر المكرونة نصين ونسلقها ونشطفها ونصفيها. نضع فى طبق كل المقادير ونضع المكرونة ونتبلها بالملح والفلفل والخل والليمون والزيت ونخلطها كويس ونضغها فى طبق التقديم


خرشوف بالعصاج
8 وحدات خرشوف – ك لحمة مفرومة – جبنة مبشورة – بصلة مقطعه – عصير ليمون – صنوبر (مش ضرورى ) – ملح وفلفل – 1/2 كوب كريمة لبانى – 2 م ك زيت زرة او سمنة – صوص بشاميل –
الطريقة
نعمل الحشو / نشوح البصلة الناعمة ثم نضع اللحمة المفرومة وملح وفلفل لحد ما لونها يتغير ثم نضع 2 م صلصة طماطم ونقلبهم لحد ما العصاج يستوى . نقشر الخرشوف ونسلقه فى ماء مغلى مع اضافه عصير ليمون وخل علشان ميسودش . نضع الخرشوف فى صينية ونعصر عليه نقطتين ليمون ونضع فى كل خرشوفه م ك من الحشو وبعدين صنوبر وبغدين شوية بشاميل بالمعلقة وبعدين شوية جبنة مبشورة وادخل الصينية الفرن لحد ما الجبنة تسيح
ملحوظة من عندى : ممكن حشو الخرشوف بالخضروات المشكلة المسلوقة المخلوطة بمعلقة بشاميل او ممكن وضع فوق الخضروات شرائح طماطم بدل البشاميل وممكن نحشية بالمشروم البصل المتشوحين فى شوية زيت وشوية كريمة لبانى وتحشى بيه وتضعى على الوش جبنة مبشورة او تحشيه بقطع فراخ صغيرة مسلوقة ومخلوطة بشوية جبنة مبشورة وبشاميل وممكن طبعا عند تسوية الخرشوف انك تضعى فى الصينية صوص طماطم بيبقى طعمه احلى


سلطة الخرشوف
خرشوف مسلوق ومقطع شرايح رفيعه – بصل مقطع شرايح رفيعه - طماطم ومقطع شرايح رفيعه - فلفلة رومى ومقطع شرايح رفيعه - م بقدونس مفروم – ملح وفلفل – ك***ة – قليل من الزيت – قليل من الخل
الطريقة
نضع كله على بعضه فى طبق ونقلبها ونضعها فى طبق التقديم


كفتة السردين
1/2 ك سردين – بقسماط مطحون – بصلة ناعمه – كمون – ك***ة – جنزبيل بودلر – صلصة هريسة حار – شطة – كوب صوص طماطم – دقيق
الطريقة
اضع على السمك كل المقادير ماعدا صوص الطماطم والدقيق وبعدين افرميهم كلهم ناعم فى المفرمة . اعمليهم كور صغيرة (زى كفتة داوود باشا) رشى عليها رشة دقيق وحمريها فى شوية زيت وبعدين ضعيها فى صوص الطماطم على النار حوالى 5 دقايق وتقدم
صوص الطماطم
شوحى بصلة ناعمة فى شوية زيت زبعدين ضعى فصين ثوم مفرومين وقلبى ثم ضعى عصير طماطم ومعلقتين صلصة طماطم وملح وفلفل وتوابل وممكن تضعى شوية ماء لحد ما الصلصة تتسبك وتبقى جاهزة


الكبسة
2 كوب ارز بسمتى – 1 ك لحم ضانى بالعظم – 2 بصلة ناعمه – 3 كوب شوربة اللحم – 2 م ك صلصة مزابة فى كوب ماء – 2 طماطم مقطعه اربع – 3 قرن فلفل حار – فلفل رومى مقطع اربع – 2 ليمون اسود – قرفة – 3 فص حبهان – 3 فص قرنفل – 2 م كبيرة سمن بهارات كبسة
الطريقة
نسلق اللحمة مع بصل وورق لاورو ونشيل اللحمة من الشوربة. نشوح البصل والفلفل والطماطم ثم نضع قطع اللحمة ونشوحها ونضع الماء والحبهان والقرفة والقرنفل والليمون الناشف ونقلبهم ثم نضع الصلصة و الارز ونقلب كله مع بعض كويس ونضع شوربة الفراخ ونقلب ونغطى ونتركها تستوى عادى


قالب اللحمة
600 ج لحمة مفرومة – عصير 3 طماطم – بصل مفروم ناعم – كوب بقسماط – 3 بيض مسلوق – 2 بيضة – م زبدة –2 م بقدونس مفروم – ملح وفلفل
الطريقة
نضع على اللحمة البقدونس والبصل و 2/3 كوب بقسماط ناعم – وملح وفلفل وبهارات ونخلطهم كويس مع بعض ثم نضع الطماطم . ندهن قالب طويل بازبدة ثم نضع نص كمية اللحمة ونرصص عليها البيض المسلوق وراء بعض زى الطابور ثم نضع باقى اللحمة فى القالب ونغطى بيها البيض تماما ونبطط بايدنا ونساوى الوش ونرش رشة بقسماط ونغطيه بالفويل ونضعه على حمام مائى وندخله الفرن لحد ماتستوى وبعدين نشيل الفويل وندخلها تانى علشان الوش يحمر ولما يطلع نخلية يبرد شوية وبعدين نقطعه شرائح علشان مايتفرفتش منكم

يتبع

دجاج ملفوف بالسبانخ
1/2 ك ورق سبانخ – صدور فراخ – كريمة لبانى – بياض بيضة – ملح وفلفل
الطريقة
نسلق السبانخ فى ماء مغلى ونبردها بسرعه تحت ماء بارد ونصفيها من الماء ثم نضعها فى الخلاط مع الملح والفلفل ونساير الفراخ الصغيرة والكريمة وبياض البيضة لحد ماينعموا. نفرد الصدر على الرخامة ونضع معلقة من الحشو ونلفها وبعدين نلفها فى ورقة فويل ونقفلها كويس . نضع فى مقلاية زبد او سمن ونشوح فيها وحدات الفويل شوية ثم نضع شرائح بصل رفيعه لحد ماتصفر وشوية خل وشوية ماء صغيرين وندخلها الفرن لحد ماتستوى وبعد ماتطلع نفك الفويل ونطع الفراخ شرائح
ملحوظة انتوا عارفين يعنى اية نساير الفراخ؟؟؟ مش الصدر بيبقى تخين ودايما تلاقى حتة رفيعه كدة مفصولة عنه ؟؟ هى دى اللى يقصدها

شوربة الافوكادو
2 زبادى – ورق نعناع مفروم – م زبدة – 1 افوكادو – ملح وفلفل – م زعفران – ماء
الطريقة
نضع النعناع على الزبادى ونخلطه . نغلى الماء ونضع فيها الزبدة والملح والفلفل والافوكادو واول مايغلى انزل عليهم بالزبادى وارفعها بسرعه واغرفها ونرش على الوش زعفران

سلطة روسى
كيس خضار مشكل او 1/2 ك جزر مسلوق – 1/2 ك فاصوليا مسلوقة – 1/2 ك بسلة مسلوقة – بطاطساية كبيرة مسلوقة – مايونيز – ملح وفلفل – خل – بيض مسلوق
الطريقة
نفطع البطاطس المسلوقة مكعبات صغيرة او متوسطة. لما تيجى تسلقى الخضار تسلقيه فى ماء مغلى معاه زرة كربونات علشان يفضل لونه اخضر مزهزة زبعدين تبرديه على طول بماء بارد وتشطفيه وتصفيه من الماء
نضع الخضار على البطاطس والمايونيز وفلفل وملح ونقلبها كويس وبعدين نغرفها فى طبق التقديم وتجمليها بالبيض المسلوق


كتبت : Blue Rose
-
ارز بالشعيرية

2 كوب ارز – 3/4 كوب شعيرية – 2 حبهان – 2 قرنفل – ورقة لاورو – ملح وفلفل - 2 معلقة سمنة او زبت
الطريقة
نضع زيت وسمن فى حله على النار ونحمر فيها الشعيرية لحد مالونها يحمر ثم نضع الارز عليها ونقلبهم كويس ثم نضع الحيهان والقرنفل والاورو والملح والفلفل ونقلب ثم نضع الماء او شوربة الفراخ وقلب ونغطيه ويستوى عادى



شوربة القيمة
1/4 ك لحمة مفرومة – كوب ارز مسلوق او نى – بصلة مقطعه ناعمة – ملح وفلفل – 3/4 لتر شوربة فراخ – جوزة الطيب – زيت ذرة – ورق لاورو
الطريقة
نتبل اللحمة ملح وفلفل ونكورها كور صغيرة جدا . نضع فى حلة م زيت او سمن ونشوح البصلة وورقة اللاورو ونضع الكفتة ونشوحها كويس ثم نضع الشوربة ونقلب ثم نضع الارز ونتركهم لحد ما كله يستوى حوالى عشر دقايق وبعدين نغرفها



مسقعه الباذنجان بالحمص
3 ثمرة بازنجان – ثوم – جبنة مبشورة – كوب حمص مسلوق – 4 م صلصة طماطم – 2 طماطم مقطعه ناعم – بصلة مفرومة ناعم – ملح وفلفل – شطة – صلصة طماطم مزابة فى كوب ماء – فلفلة
الطريقة
نقشر البازنجان جنب وجنب ونقسمه بالطول ونشيل من القلب شوية علشان نعمل تجويف ينفع نضع فيه الحشو
واقليه فى الزيت وارصصه فى صينية . نشوح البصلة ونضع الفلفل والطماطم المقطعين مكعبات صغيرة ونشوحهم ثم نضع 2 م صلصة طماطم وعصير طماطم حوالى نص كوب ونقلب تقليبتين ثم نضع الحمص المسلوق ونقلبهم مع بعض شوية. نضع من الحشوة معلقه كبيرة داخل كل بزنجانة ونضع على الوش شريحه طماطم او جبنة مبشورة وادخلها الفرن لحد ماتسيح الجبنة


الدجاج بالكارى
1/2 ك فراخ مخليه ومقطعه مكعبات – م ك كارى – ثمرة تفاح مقطعه ناعم – بصلة مقطعه ناعم
كسبرة خضراء – فلفل رومى احمر مقطع ناعم – 1/2 م شطة – دقيق – ملح – نص م جنزبيل بودر – زيت ذرة او سمن
الطريقة
نشوح الفراخ فى حله لحد ما تصفر بس . نقطع البصل والفلفل والطماطم صغير . فى مقلاية نشوج البصل ثم نضع الفلفل والطماطم ونقلبهم ثم نضع الكارى ونقلبهم ثم نضع 2 م صلصة طماطم ونقلب ثم نضعها على الفراخ اللى بتتشوح فى الحلة ونضع ملح وفلفل وك***ة وشطة ونقلب ثم نضع التفاحه المقطعه مكعبات ونتركهم لحد ما الفراخ تستوى نغرفها فى الطبق ونجملها بوحدات الموز البانية


موز بانية
موز – بيض – دقيق – بقسماط – زيت
الطريقة
نقشر الموز ونضعه فى الدقيق ثم فى البيض المربوب ثم فى البقسماط ونحمره فى الزيت لحد ما يحمر
ملحوظة هو مكتوب فى المقادير زيت بس هو حمره فى سمنة


السينمون روللز
كيلو دقيق - 100 ج سكر بودرة – 100 ج حليب – 6 بيضات –
25 ج زيت -5 ج ملح - 40 ج خميرة - 10 ج محسن(البودرة) – 120 ج ذبدة – 5 ج قرفة
للفرد
50 ج ذبدة
الحشو بالقرفة
1/4كوب قرفة + كوب سكر واخلطهم ببعض
الحشو بالشيكولاتة
كوب سكر + ربع كوب قرفة + ربع كوب كاكاو دارك
صوص الكريم تشيز
200 ج كريم تشيز – 100 ج حليب – 100 ج سكر بودرة – 100 ج سمنة– نص باكو فانيليا
صوص الكراميل
300 ج سكر – 100 ج فريش كريم – 100 ج بندق قطع
الطريقة
اخذ شوية من الماء الدافىء واذوب فيه 2 م ك من الخميرة (نستخدم فى الخلاط الزراع الهلب). نضع الدقيق فى الخلاط والسكر والحليب والبيض والزيت والملح والمحسن والقرفة والخميرة المذابة ونخلطهم على اول سرعه ثم نبدء فى وضع الذبدة الطرية على هيئة قطع صغيرة جدا ونزود سرعه الخلاط ثم نضع يادوب رشة دقيق صغيرة نلم بيها العجينة بس . نشيل العجينة من الخلاط واضعها على الرخامة المرشوشة دقيق اقسم العجينة لنصفين علشان نعمل نصف بصوص الفانيليا والنص التانى بصوص الكراميل واضعها. فى اى مكان فى المطبخ واغطيها لمدة 40 دقيقة وبعدين ارش دقيق وافردها بالنشابة ثم افرد الذدة الطيه عليها كلها ماعادا الاطراف ثم ارشها كلها بحشو القرفة واضغط على الحشو بايدى ثم الفها رول وابدء اقطعها بالسكينة اجزاء متساوية ثم اضغط على كل واحدة بايدى واخد طرفها ادخلها تحتها وارصصهم فى صاج مدهون ذبدة واضعهم فى دولاب التخمير لمدة 30 دقيقة وادخلها الفرن على درجة 180 لمدة 30 دقيقة . بعد ماتطلع وهى ساخنة نصب عليها الصوص
طريقة عمل صوص الكراميل
نضع السكر فى حلة لحد ما يسيح و يتكرمل للون الذهبى الغامق ثم ننزل عليه بالفريش كريم واقلب تقليبة ثم نضع البندق ونقلبهم ونتركهم لحد ما يستووا مع بعض حوالى من 5 ل 7 دقايق
طريقة عمل الكريم تشيز
نضع الكريم تشيز فى طبق وعليه السمنة وعليه الحليب مع التقليب ثم السكر ثم الفانيليا ونقلبهم مع بعض كويس قوى قوى على البارد





السينمون روللز
كيلو دقيق - 100 ج سكر بودرة – 100 ج حليب – 6 بيضات –
25 ج زيت -5 ج ملح - 40 ج خميرة - 10 ج محسن(البودرة) – 120 ج ذبدة – 5 ج قرفة
للفرد
50 ج ذبدة
الحشو بالقرفة
1/4كوب قرفة + كوب سكر واخلطهم ببعض
الحشو بالشيكولاتة
كوب سكر + ربع كوب قرفة + ربع كوب كاكاو دارك
صوص الكريم تشيز
200 ج كريم تشيز – 100 ج حليب – 100 ج سكر بودرة – 100 ج سمنة– نص باكو فانيليا
صوص الكراميل
300 ج سكر – 100 ج فريش كريم – 100 ج بندق قطع
الطريقة
اخذ شوية من الماء الدافىء واذوب فيه 2 م ك من الخميرة
نضع الدقيق فى الخلاط والسكر والحليب والبيض والزيت والملح والمحسن والقرفة والخميرة المذابة ونخلطهم على اول سرعه ثم نبدء فى وضع الذبدة الطرية على هيئة قطع صغيرة جدا ونزود سرعه الخلاط ثم نضع يادوب رشة دقيق صغيرة نلم بيها العجينة بس. نشيل العجينة من الخلاط واضعها على الرخامة المرشوشة دقيق اقسم العجينة لنصفين علشان نعمل نصف بصوص الفانيليا والنص التانى بصوص الكراميل واضعها فى اى مكان فى المطبخ واغطيها لمدة 40 دقيقة وبعدين ارش دقيق وافردها بالنشابة ثم افرد الذدة الطيه عليها كلها ماعادا الاطراف ثم ارشها كلها بحشو القرفة واضغط على الحشو بايدى ثم الفها رول وابدء اقطعها بالسكينة اجزاء متساوية ثم اضغط على كل واحدة بايدى واخد طرفها ادخلها تحتها وارصصهم فى صاج مدهون ذبدة واضعهم فى دولاب التخمير لمدة 30 دقيقة وادخلها الفرن على درجة 180 لمدة 30 دقيقة . بعد ماتطلع وهى ساخنة نصب عليها الصوص

الفطير المشلتت
كيلو دقيق
350 جرام ماء دافىء(كوب ونص)
20 جرام ملح
الحشو
250 جرام زبدة طرية
50 جرام قشطة
5 ج ملح
الطريقة
فى العجانة اضع الدقيق والملح وانزل بالماء شوية شوية على اول سرعه فى الخلاط والخلاط شغال وبعدين اعلى السرعه لحد ماتتكون العجينة و تتلم ثم اخذ العجينة و اقطعها نصبن بالسكينة واغطيها بفوطة تستريح لمدة نصف ساعة. بعد ماتستريح واجى افردها ادهنها بالزيت من فوق وتحتها وافردها وافضل اشدها بايدى لحد ماتبقى ارفع حاجة اجيب الزبدة وافردها على العجينة و اغطى بيها كل العجينة كويس قوى ماعادا الاطراف ثم اضع القشطة وافردها بايدى على الذبدة وزرة ملح ثم ابدء ابرمها زى السويسرول وادهن جنبها بالطول بالسمنة او الذبدة بالفرشاه والفها مثل الكرة داير مايدور وادخل الطرف بتاعها ادخله تحت الكرة ثم ادهن الصينية بالسمنة واضع الفطيرة واتركها ربع ساعة تستريح ثم اضغط عليها بايدى واحاول ابططها لحد مايوصل حجمها لاخر الصينية(يعنى تملى الصينية) وادخلها الفرن على درجة 180 لمدة1/2 ساعه ولما تطلع نرشها بالسكر البودرة
ملحوظة يابنات : لما قسمنا الفطيرة بالسكينة نصين وركنا نص وفردنا النص التانى استخدمنا للنص دة بس ربع ك سمنة و 50 ج قشطة )وفردناهم على الوش يبقى شىء طبيعى انك لو فردتى المقدار كله من غير ماتقسميه حتستخدمى للفرد غلى وشها نص ك سمنة و 100 ج قشطة ...تمام كدة؟؟)

طريقة تخزين السينابون
او
الاحتفاظ بيه فى الفريزر
اذا كانت الكمية عليكى كبيرة علشان لازم يتاكل وهى سخن وبدل ما يترمى او عايزة تعمليه وتشيلية فى الفريزر اتبعى الاتى
الطريقة
اخذ شوية من الماء الدافىء واذوب فيه 2 م ك من الخميرة (نستخدم فى الخلاط الذراع الهلب)
نضع الدقيق فى الخلاط والسكر والحليب والبيض والزيت والملح والمحسن والقرفة والخميرة المذابة ونخلطهم على اول سرعه ثم نبدء فى وضع الذبدة الطرية على هيئة قطع صغيرة جدا ونزود سرعه الخلاط ثم نضع يادوب رشة دقيق صغيرة نلم بيها العجينة بس . نشيل العجينة من الخلاط واضعها على الرخامة المرشوشة دقيق اقسم العجينة لنصفين علشان نعمل نصف بصوص الفانيليا والنص التانى بصوص الكراميل واضعها فى اى مكان فى المطبخ واغطيها لمدة 40 دقيقة وبعدين ارش دقيق وافردها بالنشابة ثم افرد الزبدة الطريه عليها كلها ماعادا الاطراف ثم ارشها كلها بحشو القرفة واضغط على الحشو بايدى ثم الفها رول وابدء اقطعها بالسكينة اجزاء متساوية ثم اضغط على كل واحدة بايدى واخد طرفها ادخلها تحتها وارصصهم فى صاج مدهون ذبدة واضعهم فى دولاب التخمير لمدة 30 دقيقة
بعد الخطوة دى على طول تروحى حطاه فى الفريزر ولما تيجى تطلعيه طلعيه قبل الخبز بنص ساعة وبعد ما يتخبز يكون سخن والصوص سخن
وادخلها الفرن على درجة 180 لمدة 30 دقيقة بعد ماتطلع وهى ساخنة نصب عليها الصوص

ارز بالخضار
1/2 ك ارز ابيض مسلوق – كوب بسلة – بصل – كسبرة مفرية – 1/4 قرنبيط – 1/4 بروكلى – ورق بصل اخضر
الطريقة
نشوح البصلة فى زيت وذبدة لحد ماتدبل بس ثم نضع الارز ونضع البسلة ونقلبهم كويس ثم نضع ماء مغلى ونغطيه لحد مايستوى. نسلق القرنبيط فى ماء مغلى وملح وكمون لحد مايستوى دقيقة ثم نضع البروكلى يتسلق ونطلعهم هما الاتنين على الحنفيه العادية (تبريد مفاجىء) . نغرف الارز فى الطبق ونضع معاه فى الطبق البروكلى والقرنبيط

الدجاج الصينى مع الشعيرية الشفافه
بصلة صغيرة – 2 فص ثوم – 2 صدر فراخ – كسبرة خضراء – م ورق بصل مفرية – م ك جنزبيل مفطع صغير – 100 ج مشوم شرايح – 2 م نشا – زيت – شعيرية صينى شفافة
الطريقة
نقطع الصدور شرائح ثم اصابع رفيعه ونتبلها ملح وفلفل وم نشا . نشوح على النار البصل والجنزبيل فى الزيت ثم نضع الثوم ونقلب ثم نضع الفراخ ونشوحها لحد ماتدخل فى السوى ثم نضع المشروم ونقلبه تقليبتين ثم نضع شوية ماء صغيرين ثم نزوب باقى النشا فى شوية ماء صغيرين ونضعهم على الفراخ علشان الصوص يتقل شوية
نضع على النودلز ماء ساخن حتلاقيه طرى ثم نضعه فى طبق التقديم ونصب عليه خليط الفراخ بالمشروم
ونقدمه ساخن
كتبت : Blue Rose
-


طاجن العدس باللحمة المفرومة
4 بصلات – 2 فص ثوم – 300 ج لحمة مفرومة – 3 بيضات – ذبدة – ملح وفلفل وكمون – 1/2 ك عدس اصفر – 1/2 كوب بقدومس مفروم – جوزة الطيب
الطريقة
نعصج اللحمة عادى بتشويح البصل والثوم فى الذبدة لحد ماتستوى ثم نضع البقدونس المفروم. فى حلة نضع الذبدة ونشوح البصلة والثوم ثم نضع العدس مع التقليب والملح والفلفل والكمون وجوزة الطيب ونقلبهم ثم نضع ماء ونغطيه لحد مايستوى ثم نضعه فى الخلاط نشربه مع اضافة البيض ثم نضعه تانى فى حلة ونقلبه ونتركه حوالى 5 دقايق ثم نضع نصه فى طبق بليركس ثم نضع عليه العصاج ثم نضع باقى العدس ثم نرش اى جبنة مبشورة ما عادا الموزاريلا وندخله الفرن لحد ما الجبنة تسيح وتاخد لون

ارز روزيتو بالكبدة
1/2 ك كبدة فراخ مقطعه صغير – بصل ناعم – 2 م خل عنب او خل تفاح – 2 كوب ارز مستوى – كوب كريمة – 3 معالق جبنة مبشورة –
الطريقة
نضع فى المقلاية زيت وزبدة ونشوح فيها الكبدة لمدة دقيقة ثم نضع الثوم المبشور ونقلب حتكون الكبدة دخلت فى السوى ثم نضع الكريمة واول ماتغلى نضع عليها الارز ونقلبهم ثم نضع جبنة بارميزان او اى جبنة ونقلبهم مع بعض كويس ونغرفهم على طول

البيض المسلوق بالجبنة
5 بيض مسلوق – كوب جبنة مبشورة – كوب كريمة – ملح وفلفل
الطريقة
نفصل الصفار المسلوق عن البياض المسلوق ونقطع كل واحد لوحده صغير قوى بالسكينة. نضع فى مقلاية على النار الكريمة والجبنة المبشورة وشوية ماء صغيرين ونتركهم لحد مايغلوا . نضع بياض البيض فى طبق التقديم ثم نضع عليه خليك الكريمة ثم نضع الصفار ثم نرش جبنة مبشورة

بيتزا الاسرة والطفل
عجينة جاهزة للبيتزا او وحدات البيتزا الجاهزة الموجودة فى اكياس مثل مونجينى - شرائح طماطم – شراثح فلفل رومى – مشروم – جبنة موزاريلا – شرائح لحم بتلو مقطعه زى البيكاتا – كاتشب – بصلة – ملح وفلفل
الطريقة
نتبل اللحمة بملح وفلفل وبشر بصلة ونشوحها فى الزيت مع التقليب لحد ماتستوى. اضع الكاتشب فلى طبق ثم اضع وش واحد من وحدات البيتزا فى الكاتشب وارصصهم فى الصينية ثم اضع شريحه من اللحمة ثم اضع شريحه من الفلفل الرومى ثم اضع شريحه من الطماطم ثم شوية جبنة موزاريلا ثم ادخلها الفرن لحد ما الجبنة تسيح
صدور الفراخ بالعجينة
1/2 ك صدور فراخ – بصلة ناعمه – عجينة ميلفى – ملح وفلفل – خضار سوتية
للحشو الاخضر
200 ج بسلة مسلوقة – 2 م ك كريمة فرش
للحشو الاصفر
200 ج جزر مسلوق – 50 ج موزاريلا – 2 م كريمة لبانى
الصوص
4 م كاتشب + 4 م كريمة لباتى + م مستردة + ملح وفلفل
الطريقة
طريقة عمل الحشو الاخضر نضع كل المقادير فى الخلاط ونضربهم لحد ما ينعموا
طريقة عمل الحشو الاصفر نضع كل المقادير فى الخلاط ونضربهم لحد ما ينعموا
طريقة عمل الصوص نضع كل المقادير فى مقلاية ونقلبهم ثانية واحدة ونشيلهم من على النار. اتبل الفراخ بملح وفلفل واشوحها فى الزيت على الوشين لحد 3/4 سوى ثم اضعها فى الثلاجة لحد ماتبرد . بعد ماتبرد اقسمها نصين بالطول بالسكينة واضع من الحشو الاخضر على نص ومن الحشو الاصفر على نص ثم اضع النصين على بعض كويس . اخد شريحه من العجينة وافردها بالنشابة ثم اضع الصدر المحشى فى المنتصف وادهن الاطراف بصفار البيض بالفرشاه واقفلها مثل الظرف ثم ادهن الوش بصفار البيض بالفرشاه واضعهم فى الصينية وادخلهم الفرن لحد ماتستوى وبعد ماتطلع نضعها على طبق التقديم ثم نصب الصوص عليهم


سمك ترنادو
1/2 ك سمك فيليه (قاروص) مقطع مربعات – 100 ج مشروم – 50 ج بصل – 4 م كريمة لبانى – 100 ج موزاريلا – 3 فصوص ناعم – ليمون – ملح وفلفل – 50 ج زبدة – شايفز – صدف
الطريقة
اتبل السمك بالليمون
اشوح البصلة الناعمة فى الزبدة لحد ماتدبل ونضع الثوم ثم نضع السمك والملح والفلفل مع التقليب ثم نضع وورق البصل ثم نضع شرائح المشروم مع التقليب ثم نضع الكريمة ثم نضع الموزاريلا ونقلبهم نطفى النار ونحشى الصدف بخليط السمك ونضع على الوش شوية جبنة وندخلها الفرن لحد ما الجبنة تسيح

سمك مشوى مع الكوسة والطماطم
2سمكة قاروص او لوت او دنيس – 3 كوسة – 3 طماطم – زعتر – ريحان – ثوم – كمون – كسبرة خضراء – ليمون – زيت زيتون - ملح وفلفل
الخضار
كوسة شرائح – طماطم شرائح - زيت زيتون – روزمارى و زعتر
الصوص
زيت زيتون – ليمون – ملح وفلفل – فصين ثوم
الطريقة
نعمل قطعين بالورب فى جانبين السمكة. نخرط روزمارى و ريحان وكسبرة والزعتر كله صغير بالسكينة والثوم والكمون ونخلطهم ونحشى بيهم الخطوط اللى عملناها فى السمكة وناخد شوية روزمارى و ريحان وكسبرة سلام زى ماهما ونضعهم داخل السمكة ثم نضع السمك فى الصينية ونرصص عليها انصاص ليمون وشوية زيت زيتون وملح وفلفل وشوية زيت زيتون وشوية ماء ونضع فى الصينية كام فرع كسبرة وريحان وندخلها الفرن لحد ماتستوى نضعها فى طبق التقديم وحواليها الخضار اللى عملناه ونصب عليها شوية الوص اللى عنلناهم
طريقة الخضار
نضع فى صينية شوية زيت ويتون ونرصص فيها شريحه طماطم وعليها شريحه كوسة وهكذا ثم نضع عليها روزمارى وزعتر وملح وفلفل وزيت وندخلها الفرن
طريقة الصوص
نضع فى مقلاية الليمون وملح وفلفل والثوم سليم وزيت ونقلبهم لمدة ثانية واحدة

موس الدجاج
3/4 ك صدور دجاج – 2 كوسة مكعبات صغيرة – 2 جزر مكعبات صغيرة – بياض 2 بيضة – 1/2 كوب كريمة – 1/4 ك سبانخ مسلوقة – ثوم- ملح وفلفل
صوص التارتار
كابرى وبصلة صغيرة ناعمه ومايونيز ونخلطهم مع بعض كويس
الطريقة
نضع الصدور فى الخلاط مع بياض 2 بيضة و ثوم و ملح وفلفل وافرمهم واضع فى الاخر الكريمة واضرب ضربة ثم نضعهم فى طبق ونضع عليهم الكوسة والجزر ونخلطهم بالمعلقة ندهن قالب مستطيل بالذبدة ونضع نص الخليط ثم نضع جزء من السبانخ ثم جزء من الخليط ثم جزء من السبانخ وباقى الخليط ونساوى الوش كويس ونضع ذبدة على الوش ثم نضع الصينية على حمام مائى وندخله الفرن لحد مايستوى ومايته تنشف ثم نضعه فى الفريزر ونطلعه نقلبة ونقطعه تر****ت ونضع معاه شوية صوص

سلطة السبانخ
1/2 كيلو سبانخ – زيت زيتون – ليمون – خل بلسمك – بشر ليمون – فستق مفروم
الطريقة
نضع فى طبق م ليمون وم زيت وم خل وبشر ليمونتين وفستق مبشور ثم نضع ورق السبانخ المقطع قطع متوسطة ونضعها على التوابل ونقلبها كويس ونضع شريحة طماطم

فيلية مشوى مع زبدة البصل والسوتية
1/2 ك فيلية – 1/2 كوب ذبدة – بقدونس – ورق بصل – ليمون – كوسة – بطاطس
الطريقة
اذا كان عندك ورق بصل ( شيفز حطية واذا مكنش عندك حطى بداله بصلة صغيرة وبقدونس). ندعك الذبدة الطرية ونضع عليها مفروم البقدونس واشيفز ونخلطهم بالمعلقة و م ليمون كبيرة وملح وفلفل ونخلطهم ونضعهم فى كيس نايلون ونقفله كويس وندخله الفريزر لحد ماتجمد وبعدين نقطعها شرائح متويطة. نتبل الفيلية ملح وفلفل ونشوحها فى زيت وذبده على النار من الناحيتن ثم نضعها فى الفرن تكمل سواها ولماتستوى نضعها فى الطبق وعليها شرائح الذبدة يعد ماجمدت ونجمل الطبق بالخضروات
طريقة الخضار
نشوح فى الزيت جزر و كوسة وبطاطس شرائح وبروكلى لحد مايتشوحوا

كفتة بالصينية
3 ثمرة بطاطس – 1/4 ك لحمة مفرومة – 3 طماطم حلقات – 2 بصلة حلقات – 2 م صلصة مزابة فى كوب ماء – ملح وفلفل
الطريقة
نحمر شرائح البطاطس فى الزيت . نتبل اللحمة ملح وفلفل ونعملها اقراص مدورة . اشوح الكفتة فى الزيت على الوشيت. ارصص فى الصينية بالورب 2 شريحه بطاطس عليها شريحة طماطم عليها شريحه بصل عليها شريحه كفتة وهكذا ثم نرش ملح وفلفل ثم نضع صوص الطماطم ثم شوية شوربة وندخلها الفرن على 180 لمدة 10 دقايق لحد ماتحمر

كسكسى بالفستق والزبيب
(عادة اثناء طهى الكسكسى لكل كوب كسكسى جاف كوب الاربع ماء)
2 كوب كسكسى – 1/2 كوب زبيب – م ص كركم – 1/2 كوب فستق – ورق لاورو – 2 م ذبدة او سمنة – ماء ساخن – مكعب شوربة – ملح وفلفل
الطريقة
نشوح بصلة فى السمنة ثم اضع الكمسكسى واشوحه ثم اضع مقدار من الزبيب ومقدار من الفستق ثم اضع الماء وملح وفلفل ومكعب الشوربة ونفطيه لحد مايستوى ثم اضغ باقى الفستق والزبيب فى القالب واضع الكسكى ثم اقلبه فى طبق التقديم

سلطة الطحينة الاساسية
( عادة بتاخد لكل كوب طجينة كوب ونص ماء)
كوب طجينة - كوب ونص ماء – م ثوم مهروس – ملح – فلفل – كمون – شطة – خل – عصير ليمون
الطريقة
نضع الطحينة فى طبق غويط ونضع عليها م ثوم مهروس و ملح و فلفل و كمون و شطة – و خل –و عصير ليمونة والماء البارد ونخلطهم كويس قوى بالمعلقة (دلوقتى هى جاهزة حنعمل منها انواع تانية من السلطة)

متبل البطاطس بالطحينة
سلطة طحينة جاهزة – 2 بطاطس مسلوقه ومهروسة
الطريقة
نضع الطحينة على البطاطس ونقلبها كويس ونغرفها فى الطبق

سلطة البقدونسية
كوب طجينة - كوب ونص ماء – م ثوم مهروس – ملح – فلفل – كمون – شطة – خل – عصير ليمون – بقدونس مفروم
الطريقة
نضع الطحينة فى طبق غويط ونضع عليها م ثوم مهروس و ملح و فلفل و كمون و شطة – و خل –و عصير ليمونة والماء البارد ونخلطهم كويس قوى بالمعلقة ثم نضع البقدونس ونخلطهم كويس
الصفحات 1  2 3  4  5  6  ... الأخيرة

التالي

ألوان الطعام الصناعية خطر على صحة الأطفال

السابق

فطيرة بالجبنة على الطريقة اليونانية

كلمات ذات علاقة
أكلة , بلد , برنامج , وصفات , كل