وصفات برنامج من كل بلد أكلة

مجتمع رجيم / الاطباق المتنوعة
كتبت : Blue Rose
-
سلطة طحينة بالهوت صوص
طحينة جاهزة - هوت صوص
الطريقة
نضع الطحينة فى طبق غويط ونضع عليها الهوت صوص ونخلطهم كويس بالمعلقة

سلطة البطاطس بالتونة
2 ثمرة بطاطس مكعبات – علبة تونة – زيت زيتون – عصير ليمون – خل – زيت – ملح بقدونس مفروم – فلفل رومى احمر – بصلة مقطعه شرائح رفيعه
الطريقة
فى طبق اضع البطاطس والبقدونس والتونة والخل والفلفل وعصير ليمونة واخلطهم كلهم مع بعض

شاورما اللحم
1/2 ك لجم كندوز شرائح رفيعه مع قليل من الدهن – خل ابيض ويفضل الاحمر – بصلة ناعمه – قرفة – 4 حبهان مطحون ناعم – 2 فص ثوم مهروس – جنزبيل – بشر جوزة الطيب – بصلة مقطعه شرايح – طماطم مقطعه شرابح – خبز شامى (لبنانى) – سلطة طحينة – سلطة تومية
الطريقة
نضع اللحمة وعليها م ك***ة و م شطة وملح وفلفل وجوزة الطيب وكمون وميشور بصل والخل والحبهان المطحون و قرفة ونخلطها كويس ثم اضع زيت فى مقلاية واضع الشاورما لحد ماتتشوح كويس وادخلها الفرن بعد ماتستوى اضع عليها شرائح الطماطم والصل وافلبها ثم ادهن الخبز بالتومية او الطحيتة ونلف الخبز ونقدمها وممكن نضع فى مقلاية سنة زيت ونحمص السندوتشات تحميرة خفيغة

الحواوشى
خبز بلدى – 1/2 ك لحم مفروم احمر بالدهن – 2 بصلة مقطعه ناعم – ملح وفلفل – شطة – قرفة – زيت زرة – فلفل احمر شطة
الطريقة
نتبل اللحمة بالتوابل وتخلطها كويس .ندهن صينية بالزيت . ندهن الخبز بمسحة خفيفة من الزيت من الداخل والخارج ثم نحشى الخبز بقطعه من اللحم ونضغط عليه من بره بايدنا كويس (يعنى نبططه) ثم نضعه فى الصينية وندخله الفرن لحد مايستوى ويحمر

كشرى الساحل
كيلوارز بسمتى او مصرى – 3 فلفل الوان شرائح – 2 بصلة محمرة (زى بتاعه الكشرى) – 100 ج سمك فيلية – 100 ج جمبرى – 100 ج سبيط مقطع صوابع – 1 طماطم مقطعه صغير – حمص
الطريقة
نشوح فى الزيت الفلفل ثم الطماطمة والثوم المهروس والبصل المحمر والسبيط والسمك ونفلبهم شوية ثم نضع ك***ة وملج وفلفل وكمون ونقلبهم كويس ثم نضع الارز ونقلبهم ليتشوحوا شوية ثم نضع الماء ونكمل السوى عادى زى الارز

سلطة فاصوليا حمراء وبيضاء
فاصوليا حمراء - فاصوليا بيضاء – 3 م كاتشب – 3 م مايونيز – خس كابوتشى – بصل اخضر – بيض مسلوق
الطريقة
فى طبق نضع الخس ثم الفاصوليا حمراء والبيضاء والبصل والكاتشب والمايونيز وملح ونقلبهم كويس ثم نضعهم فى طبق ونجملهم بأنصاص البيض المسلوق
فراخ بالطحينة والكسبرة
1/2 ك صدور فراخ – بصلة ناعمة – 5 فصوص ثوم مهروسين – كسبرة ناعمه – زيت او زبدة – عصير ليمونة 0 ماء – طحينة من العلبة
الطريقة
نشوح البصل والثوم فى الزيت ثم نضع الكسبرة الناعمه ونقلبهم مع بعض ثم نضع الصدور ونقلبهم ثم نضع جوزة الطيب وملح وفلفل ونقلبهم لحد ماتستوى ثم ننزل عليها بالطحينة حوالى نص كوب وشوية ماء وعصير ليمونة ونتركهم غلوة ونغرفها
تتبيلة للقلى
5 فصوص ثوم مهروسين – م ص مستردة – ملح – فلفل – كمون – ك***ة – عصير نص ليمونة
الطريقة
نخلط كل المقادير مع بعض
جمبرى فارسيه
جمبرى – سبيط – جزر مبشور – دقيق – زيت – عيدان خشب
الطريقة
نقشر الجمبرى ونشيل راسه ونترك ذيله ونننظف ضهره من الرمل ونفرده كويس ونقطع السبيط قطع صغيرة
نتبل الجمبرى بتتبيلة القلى ثم نضع عليه شوية جزر مبشور ثم شريحه سبيط وبعدين نثنيها وننغرها فى العيدان الخشب ثم نضعها فى الدقيق ونحمرها فى الزيت
لحوم مشكلة بالمشروم
لحمة بيكاتا – سمك فيلية – سبيط شرائح – ثوم مفروم – بصل مفروم – حليب – صويا صوص – ذبدة - مشروم
الطريقة
نضع الذبدة فى مقلاية ونضع قطع السمك وقطع اللحمة والسبيط والثوم والبصل ونشوحهم على الناحيتين وملح وفلفل وبشر جوزة الطيب مع التقليب ثم نضع المشروم والصويا صوص ونتركهم لحد مايدخلوا فى السوى
وقبل ما اطفى النار بدقيقتين انزل عليهم بالحليب واتركهم يعلوا علوة ونفرفها
ارز الاميرة على الطريقة المكسيكية
2 كوب ارز – 3 كوب ماء ساخن – كوب بسلة مسلوقة – 1/8 ك كفتة – 1/8 ك مقانق ضان او بيف (سجق) – 2 م ك صلصة طماطم – 2 م سمنة – بصلة مقطعه – فلفل رومى احمر مقطع اربعه – ملح وفلفل – فص حبهان – فص قرنفل – ورق لاورو
الطريقة
نتبل اللحمة المفرومة بالملح والفلفل ونكورها كور صغيرة . نشوح الكفتة والسجق فى الزيت لحد ما يستوا . نشوح البصلة فى الزيت والفلفل الاربع والبسلة ونقلبهم ثم نضع الارز ونشوحهم مع بعض ثم نضع الصلصة ونقلبهم كويس ثم نضع عليهم السجق والكفتة بعد ما تشوحوا وملح وفلفل ونقلبهم ثم نضع الماء ونغطيه ونكمل سويه عادى
سلطة الطماطم والبصل
طماطم قطع صغيرة – بصل شرائح – بقدونس مفروم – ثوم مهروس – عصير ليمون – ملح – زعتر – شطة – خل
الطريقة
نضع فى طبق كل المقادير ونتبلها ونقلبها ونقدمها
كوردون بلو
3 صدور فيلية – جبنة جودة – بسطرمة – ملح وفلفل – 2 بيضة – دقيق – بقسماط ناعم مطحون
الطريقة
نفتح الصدر زى السندوتش كأنك بتعملى فيه جيب ونتبلها ملح وفلفل وثوم مبشور وم مستردة . نضع شريحه البسطرمة داخل الجيب ثم نضع شريحه الجبنة ونقفل الناحيتين على بعض ثم نضعها فى الدقيق ثم فى البيض ثم فى البقسماط ونقليها فى زيت خفيف وبعدين ندخلها الفرن لحد ماتستوى
بوم بطاطس بالبيض على الطريقة الفرنسية
بيض – ملح وفلفل – عدد 4 بطاطس مسلوقة او مشوية – م ك زيت زره
الطريقة
ناخد كل بطاطساية بقشرتها نغسلها كويس ونلفها فى ورقة فويل واضعهم فى صينية مليانه ملح خشن وندخلها الفرن لمدة 3/4 ساعه تقريبا لحد ماتستوى نطلعها ونفتح الورقة ونشيل شرائح بالسكينة من جانب واحد ثم نقورها بالمعلقة علشان نعمل فيها تجويف نرصصهم فى الصينية ونكسر بيضة داخل كل تجويف وندخلها الفرن لحد ما البيض يستوى


شوربة الخضار
1/8 ك جزر - 1/8 ك بسلة - 1/8 ك فاصوليا – 2 مكعب مرقة – جوزة الطيب – ملح وفلفل – بصلة مقطعه
الطريقة
نشوح البصلة الناعمه فى الزيت ثم نضع الخضار كله ونقلبه تشويحه ثم نضع المرقة و3/4 لتر ماء ونغطيها لحد ماتستوى . (ممكن وضع بطاطس مكعبات وممكن وضع قطع لحمة وممكن وضع فراخ)

سمكة حارة
شريحه سمك فيلية هامور – بصلة ناعمه جدا – 1/2 ثمرة فلفل احمر - 1/2 ثمرة فلفل اخضر – ملح وفلفل – زعتر – شطة 0 ثوم – كسبرة مفرومة – صوص طماطم – زيت زيتون او زيت زرة – 2 ثمرة ليمون مقطعه
الطريقة
نتبل السمك ملح وفلفل وثوم وليمون ونشوحها فى الزيت شوية وبعدين ندخلها فى صينية الى الفرن لحد ماتستوى. فى مقلاية نشوح البصله والثوم فى الزيت والفلفل والطماطم والكسبرة ونقلبهم ثم نضع البصلة والثوم والفلفل والطماطم والكسبرة ونضع صوص الطماطم ثم ملح وشطة وزعتر ونقلبهم كلهم ونتركهم لحد مايستوا
نضع السمكة فى الطبق ونضع عليها الخليط اللى عملناه

دى اقرب طريقة فعلا للكنتاكى
الدجاج المقرمش المحمر
دجاجة مقطعه – كوب دقيق – 3 بيضات – بهارات – زيت غزير – ملح – بهارات
(كوب دقيق ابيض + 2 كوب دقيق زرة صفراء)
للتتبيلة( ماء بصلة – 4 فصوص ثوم ناعمة جدا – م ك ك***ة ناعمه – م ك سماق – 2 م ك عصير ليمون – 2 م ك خل)
نقسم الفراخ بالعظم على 4 او 6 او 8 اجزاء وننغزها بالسكينة علشان تشرب من التتبيلة. نخلط كل مقادير التتبيله مع بعض ونتبل الدجاج 16 ساعه متواصلة . نضع كوب دقيق ابيض فى طبق ونضع البيض المربوب فى طبق ونضع فى طبق 2 كوب دقيق زرة صفراء + كوب دقيق ابيض + ملح + بهارات ). اولا نصفى الدجاج من بواقى التتبيلة ثم نضعه اولا فى الدقيق الابيض ثم فى طبق البيض ثم فى طبق دقيق الزرة ثم نضعهم فى الحلة اللى فيها زيت غزير وكتير وعلى نار هادية لمدة لا تقل عن 12 دقيقة لحد ماحيستوى وتلاقى شكله ولونه زى كنتاكى بالظبط . ترفعيه على ورق ماص وبالهنا والشفا

بوشية السيمون
عجينة رقائق هشة – ذبدة – كرات – ملح وفلفل – 3 بيضات – 3 قطع سيمون فيميه – 1/2 كوب كريمة – بقدونس
الطريقة
نقطع عجينة الرقائق على هيئة سمبوسكه بالسكينة ونخرمها بالسكينة من الطروف بس وادخلها الفرن لحد ماتنفش وتعلى ثم اطلعه من الفرن وافنحه بالعرض بالسكينة وادخله تانى الفرن شوية. نضع على النار فى حلة ماء وملح وشوية خل ثم نكسر فيها البيض واحدة واحدة لحد ما البيضه تجمد نرفعها فى طبق فيه ماء بارد
اضع ذبدة فى مقلاية وعليها الكرات وملح وفلفل واول ما الكرات يدخل فى السوى نضع الكريمة مع التقليب حوالى 3 دقايق . اضع فى طبق التقديم معلقة من خليط الكرات ثم شوية بقدونس ثم طبقة البوشية السفلى ثم البيضه المستوية ثم شريحه او شريحتين من السيمون ثم شوية من خليط الكرات ثم اضع الطبقة التانية من الرقائق كغطاء على وش البوشية
كتبت : Blue Rose
-


سمك البربونى المحمر
سمك بربونى – ثوم – ليمون – ذبدة – دقيق – بقدونس – فلفل حامى احمر مخلوط مع ثوم وخل
الطريقة
ناخد سنة من الفلفل الحامى ونضعه داخل السمكة . نضع على الدقيق ملح وفلفل ونخلطهم ثم نضع السمك فى الدقيق ثم نقلى السمك فى الزيت ونضعه فى طبق التقديم وعليه الصوص
الصوص
نضع قطعه ذبدة فى مقلاية ونضع شرائح الثوم لحد ماتدبل ثم نضع قطعتين ذبدة تانيين ونقلبهم ثم ننزل ب 2 م ك ليمون ونقلبهم ثم نضع الفلفل الحامى المخلوط ونقلب ثانية واحدة ثم نضغها على السمك

بسطيلة باللحم المفروم
1/4 ك لحمة مفرومة – 4 بيضات – 1 صفار بيضة – عجينة رقائق هشة – 1/2 م قرفة _ 1/2 م جنزبيل – 1/2 م زعفران
الطريقة
اضع البصلة الناعمه تتشوح فى الزيت ثم اضع اللحمة والجنزبيل والقرفة والزعفران ونقلب كله ثم نضع الملح والفلفل لحد ماتستوى اللحمة وفى الاخر نضع البيض ونقلب كويس قولى لحد ما البيض يستوى . نضرب صفار البيضة بالشوكة . نضع الحشو على كل شريحه من الرقائق ثم نقفل الشريحه على الحشو و ندهنها بالفرشاه بصفار البيض ونعمل بالسكينة على طرف المثلث علامة كروس * ثم نضعهم فى الصينية وندخلها الفرن لحد ماتنفش ويبقى لونها زهبى

سمك صول موسى مع صوص الزعفران
1/2 ك سمك موسى – 250 ج سمك فيلية مفروم – صوص الزعفران – ملح وفلفل – ذبدة – ثوم – عصير ليمون – خل
الطريقة
نسلخ الجلدة السودء والبيضاء من السمك ونخلى اللحم من العضم . ناخد جزء من السمك ونضع عليه بصلة ناعمه وفص ثوم وليمون وشوية كريمه ونضربهم فى الكبة لحد ماينعموا خالص . ناخد الشوك بتاع السمك ونضعه فى مقلاية فيها ماء وليمون على النار يتسلق علشان نعمل منه الصوص . نتبل السمك ملح وفلفل وعصير ليمون ونفرد الشرايح ونضع على طرفها الحشو ونلفها زى الكرة ونرصصهم فى الصينية ونرش عليهم ثوم وملح وفلفل وليمون وروزمارى وندخلها الفرن وعند نص السوى ناخد الماء اللى نزل من السمك فى الصينية ونضعه فى المقلاية مع العظم وندخل صينية السمك تانى الفرن تكمل سواها وبعد مايستوى نضع السمك فى طبق التقديم . نضع فى المقلاية بتاعه العظم بودرة زعفران وشوية كريمة ونقلبهم ونضعها فى الطبق على وش السمك

صدور الفراخ مع صوص البرتقال
1/2 ك صدور فراخ – قشر برتقال – 500 ج برتقال – ليمون – روزمارى – ملح وفلفل – نص كوب ديميجلاس
الطريقة
نتبل الصدور بالملح والفلفل وروزمارى وبشر البرتقال. نخلى البرتقال والليمون وناخد الفصوص بتاعتهم بس
نشوح الفراخ فى حتة ذبدة لحد ماتستولى 3/4 سوى ثم نضع عليها شوية صغيرة عصير برتقال والديميجلاس ونتركهم حوالى دقيقتين ولما تستوى الفراخ نشيلها فى طبق ونضع مكانها فى المقلاية فصوص البرتقال والليمون ونقلبهم تقليبتين ثم نغرفهم فى الطبق ونضع عليهم الصدور
بيكاتا محشى
1/2 ك بفتيك بتلو – قشر ليمونة – 200 ج سموكن تركى – 10 ج ذبدة – ملح وفلفل – بيض – دقيق – بقسماط
الطريقة
نعمل الحشوة. نفرم الثوم ونضع عليه بصلة ناعمه وروزمارى ناشف وبشر قشر الليمونة والذبدة الجامدة ونخلطهم مع بعض كويس بالشوكة وملح وفلفل . نتبل اللحمة ملح وفلفل ونفردها ونرشها رشه خفيفة دقيق
نضع الحشوة اللى عملناها داخل كل شريحة من اللحمة المدخنة ونلفها ثم نضعها داخل قطعه اللحمة ونلفها ثم نضعها فى الدقيق ثم فى البيض ثم فى البقسماط وندخلها الثلاجة شوية حوالى نص ساعه ثم نحمرها فى الزيت
نشوح الحشو المتبقى عندنا فى حتة ذبدة صغيرة وبعدين نصبها على وش الطبق
سمان كولبست
4 سمان – 200 ج جزر – 300 ج بسلة – 200 ج فلفل الوان – 200 ج بصل – ثوم – ملح وفلفل – زيت – طماطم – كسبرة خضراء مفرومة
الطريقة
نغسل السمان ونفتحه من ظهره وننقعه شوية فى الخل . نبشر البصلة ناعم ونبشر الطماطم وملح وفلفل وكمون ونتبل السمان مدة لاتقل عن 3 ساعات . نشوح السمان فى الزيت من الناحيتين لحد مايدخل فى السوى نشيلة فى صينية ونضع مكانه فى مقلاية التشويح الجزر والبصل والفلفل الوان كله شرائح رفيعه والثوم والبسلة والكسبرة وملح وفلفل وكمون ونقلبهم لحد مايتشوحوا مع بعض تماما ثم نضعهم على وش السمان اللى فى الصينية وندخله الفرن
شترودل
1/2 ك سمك فيلية – لفة جلاش – روزمارى – ثوم – بصل – فلفل الوان – ليمون – ملح وفلفل – زيت
الطريقة
نقطع السمك مكعبات ونعصر عليه ليمون وملح وفلفل وكمون وروزمارى . نضع زبدة فى مقلاية ونشوح الثوم والوزمارى تشويحه ثم نضع السمك يتشوح على جنب وبعدين نقلبه يتشوح على الناحية التانية ثم اضع الملح والفلفل وفلفل الوان مقطع لحد ما كله يستوى. نفرد 5 ورقات جلاش وندهنهم بالفرشاة من الناحيتين ونضع جزء من حشوة السمك ونلفها رول وندهنها بالزيت ونضعها فى صينية مدهونة بالزيت وندخلها الفرن لحد ماتحمر
نسلق شرايح كوسة فى ماء مغلى وبعدين نشوحها سوتية فى حتة ذبدة ونضعها فى طبق التقديم وعليها لفائف السمك
تركى قاورمة
1/2 ك بصل قاورمة - 1/2 ك بطاطس قاورمة - 1/2 ك صدور تركى - 1/2 ك طماطم فريش – 1/3 ك بصل – كرفس او كسبرة خضراء – 3 م زيت – ثمرة فلفل حار – ملح وفلفل – كمون
الطريقة
نشوح فى الذيت شرايح البصل لحد ماتحمر ثم اضع مكعبات الرومى تتشوح دقيقة ثم اضع الثوم المفروم ونقلب ثم نضع بشر الطماطم الفريش ونقلب ونضع كوب ماء ونغطيها ثم نضع ملح وفلفل وكمون والكرفس المفروم ونضع البطاطس والبصل القاورمة المتخدين سوتية وشوية ماء ونغطيهم ونتركهم مع بعض لحد مايستووا
طماطم محشية باللحم
1/4 ك لحمة معصجة – م ص ثوم – ملح وفلفل – كمون – شطة – ذيت ذرة – بصلة مخرطة – هوت صوص – 6 ثمرات طماطم – 2 م معجون طماطم مزابة – قطعه جزر مبشورة – جبنة مبشورة
الطريقة
نشوح البصلة فى الزيت ثم نشوح الثوم ثم نضع اللحمة المفرومة مع التقليب ثم نضع ثم نضع م الصلصة والهوت صوص مع التقليب وملح وفلفل وكمون لحد ماتستوى. اقور الطماطم الجامدة بمعلقة صغيرة لحد ما اشيل قلبها ثم احشيها بالعصاج واضع على الوش شوية جبنة مبشورة واضعها فى صينية مدهونة بالذيت وادخلها الفرن لحد ما الجبنة تسيح
شوربة لسان العصفور بالجمبرى والكاليمارى
1/4 ك جمبرى صغير مقشر ونظيف – 1/2 1 كوب لسان عصفور – مكعب مرقة سمك – 1/8 ك كاليمارى – 3/4 لتر ماء ساخن – بصلة ناعمه – ورق لاورا – ملح وفلفل – عود كرفس – ذيت ذرة
الطريقة
اشوح فى الذيت بصلة مفرومة ثم اضع الجمبرى والكاليمارى واشوحهم كويس. اضع فى حلة ذيت وسمن واحمر اللسان عصفور الى اللون الذهبى ثم اضع شوربة سمك او مكعب الشوربة المضاف له الماء ثم اضع الجمبرى والكاليمارى بعد تشويحهم واالملح والفلفل
صينية السمك بالفرن
2 سمكة ماكريل او بلطى او مكرونة – 2 ثمرة بطاطس – 2 ثمرة فلفل رومى – م ص كركم – عصير 2 ليمونة – ثوم مفروم – كسبرة خضراء – ملح وفلفل – كمون – ذيت ذرة
الطريقة
ننظف بطن السمك ونغسله ونشيل الشوك ثم اتبله بالملح والفلفل والكسبرة وكمون وثوم وعصير ليمون . اضع السمك فى صينية واقطع البطاطس بالطول واقطع الفلفل والليمون والطماطم اربع طوليه واخلطهم واضعهم فى الصينية مع السمك واضع ملح وزيت وخل وكركم وادخلها الفرن وفى نص السوى اضع للصينية شوية ماء علشان السمك مينشفش وادخلها تانى الفرن تحمر وتكمل السوى
طبق اللحمة الباردة بالبطاطس
2 ثمرة بطاطس مسلوقة شرائح – 1/2 ك لانشون بيف شرائح – 3 ثمرة طماطم شرائح – 2 بصلة شرائح – صوص فنجريت – خل – مستردة – ملح وفلفل – فص ثوم مهروس – زيت
الطريقة
نرصص فى طبق التقديم شريحه بطاطس ثم شريحة بصل ثم شريحة لانشون ثم شريحه طماطم وهكذا . نعمل الصوص فى طبق بوضع زيت وثوم وخل وملح ومستردة ونخلطهم كويس بالمعلقة ونقدمهم بجانب طبف اللحمة
قالب الجبنة القريش بالخضروات
2 خرطة جبنة قلريش – علبة زبادى – ثمرة فلفل احمر - ثمرة فلفل اخضر – ثمرة خيار – 2 م بقدونس مفروم – شطة – ثمرة طماطم – زيت زيتون
الطريقة
اخرط الفلفل والطماطم والخيار مكعبات صغيرة . اضع الجبنة فى طبق وافركها كويس بالشوكة ثم اضع عليها الزبادى واخلطهم كويس ثم اضع كل الخضار المتقطع والبقدونس والشطة واقلبهم ثم اضعها فى الطبق مع قطع الخبز المحمرة


مقلــــــوبة
باذنجان رومى اسود – طماطم شرائح – بطاطس شرائح – صدور فراخ – قطع من اللحمة – ارز نى – توابل – زيت
الطريقة
نقطع البزنجان شرائح ونقليه فى الزيت ونقطع البطاطس شرائح ونحمرها تحميرة بسيطة فى الزيت . نقطع الصدور مكعبات ونقطع اللحمة مكعبات ونقطع الطماطم شرائح. نفرش قعر الحله بالطماطم ثم نرصص فوقها البطاطس ثم نرصص فوقها البزنجان ثم نرصص اللحمة ثم نرصص الفراخ ثم نضع الارز فوقهم على وش الحلة ثم نضع شوربة الدجاج او شوربة اللحمة ونغطى الحلة ونكمل السوى وبعد ماتستوى بس حيكون الارز طرى عن الارز العادى نقلبها فى طبق التقديم

سلطة الكاليمارى بالخضروات مع ورق الارز
سبيط – جزر – كرنب – فلفل الوان – بصل – زيت – ليمون – توابل
الطريقة
نقطع كل الخضار شرائح رفيعه ونضعه فى طبق غويط ونضع شوية زيت وعصير ليمون وخل والكاليمارى القراطيس وملح وفلفل وكمون ونخلطهم كلهم مع بعض ( ممكن وضع مايونيز وممكن وضع هوت صوص )
نرصص ورق الارز فى الطبق ونضع عليه السلطة
ملحوظة طريقة ورق الارز
نجيب ارز ابيض عادة ونطحنه فى الكبه لحد مايبقى بودرة ثم نعجنه بشوية ماء لحد مايبقى عجينة ونفرده بالنشابه ثم نقطعه مربعات واما نحمره فى الزيت او ممكن نسويه على بخار الماء

سمك قاروص محشى
سمكة لوت او وقار او اى نوع – جندوفلى – جمبرى صغير – فلفل الوان – بصل – شبت – كسبرة – ليمون
خلطة الثوم: راس ثوم مقشرة وعليها ملح وفلفل وكمون وخل وك***ة ومستردة ونخلطهم مع بعض كويس لحد ماينعموا
الطريقة
نضغ فى طبق الفلفل الوان القطع والشبت المخرط والكسبرة المخرطة والجمبرى والبصل الشرايح وشوية من خليط الثوم ونتبلهم ونخلطهم ببعض كويس . نغسل السمكة وننظفها من الداخل ونعمل قطع بالطول بالسكينة ندهن السمكة من الداخل والخارج بتتبيله الثوم ثم نحشى السمكة كويس من الداخل بالحشو ونضع الباقى فى الصينية ونضع الجندوفلى ونعصر 3 ليمونات ونضع القشر فى الصينية ونضع شوية زيت وندخلها الفرن لحد ماتستوى وتحمر
كتبت : Blue Rose
-
دبابيس فراخ بالشيكولاتة

عدد من دبابيس الفراخ – نفاح – شيكولاتة سايحة – كوب حليب – جوزة الطيب – ذبدة
الطريقة
نشيل من كل دبوس العظمة الداخليه ونضع معلقة كبيرة من الشيكولاتة السايحه وشريحه رفيعه من التفاح ونقفل الدبوس بالخله الخشب ونحمرهم فى الذبدة على نار متوسطة وقرب السوى نضع شرائح رفيعه من التفاح ورشة جوزة الطيب لحد ما التفاح ياخد اللون البنى من الشيكولاتة اللى فى الصوص ثم نضع كوب الحليب ويادوب حنلفهم مع بعض شوية لحد ما الصوص يندمج مع بعضه ونغرفها



كفتة مـــــوز
لحمة مفرومة – بقسماط ناعم – موز – توابل - زيت
الطريقة
س الموز بالشوكة كويس ثم نضع عليه اللحمة المفرومة ثم نضع بقسماط ناعم ورشة جوزة الطيب وفلفل اسود ونعجنهم مع بعض كويس وبعدين نعملهم اصابع ولو تعرفى تخلى الصابع على هيئة صباع موز
نضع زيت وزبدة فى مقلاية ونحمرهم



كفتة فراخ بالبطاطس
1/2 ك بطاطس - 1/2 ك فراخ مفرومة – 300 ج صدور فراخ مفرودة – فلفل حامى – ثوم مفروم – 1/2 ك طماطم – فلفل حار – 2 م طماطم بيورية – فلفل رومى – 100 ج بصل – ثوم مفروم – زيت او زبدة – ملح وفلفل
الطريقة
نغسل البطاطس كويس ونقطعها شرائح متوسطة ونشوحها فى الزيت . نفرم الوراك كويس ثم نتبلها بملح وفلفل و كمون وزعتر و وبصل وثوم وبقدونس مفروم ثم نعملها كور ونبططها بايدنا ونشوحها فى الزيت . نتبل الصدور بملح وفلفل وكمون ونشوحها فى الزيت . فى الصينية نرصص البطاطس وعليها شريحه طماطم وعليها قرص كفته ثم فلفلة حامية او شريحه البطاطس وعليها شريحه طماطم وعليها شريحه صدر ثم فلفلة حامية او شريحه البطاطس وعليها شريحه طماطم وعليها شريحه صدر ثم شريحه فلفل رومى وهكزا ثم نضع بالمعلقة صلصة طماطم وندخلها الفرن
لعمل الصلصة
نشوح ثوم مفروم فى شوية زيت زيتون ثم نضع طماطم معصورة وشوية ماء ونقلبهم ثم نتبلها ونخليها لحد ماتتسبك و نضع فيها شوية كسبرة خضراء مفرومة


كفتة ارز بالفراخ
300 ج ارز مغسول – 1/2 ك فراخ مفرومة – بصل – ثوم – طماطم بيورية – مكعبات بطاطس صغيرة – 1/2 حزمة بقدونس - 1/2 حزمة شبت - 1/2 حزمة كسبرة – ملح وفلفل – كمون – زيت
الطريقة
نغسل الارز وننقعه لمدة نص ساعه وبعدين نصفيه من الماء. نضرب الارز فى الكبة لحد ماينعم ثم نضع عليه الشبت والبقدونس والكسبرة و4 فصوص ثوم كبيرة وبصلة متوسطة وممكن 2 قرن فلفل حامى وملح وفلفل ونضربهم فى الكبة لحد ماينعموا تماما. نبل ايدنا بالماء ونصبع الكفتة ونحمرها فى الزيت لحد ماتستوى وتحمر
لعمل الصلصة
نشوح ثوم مفروم فى شوية زيت زيتون ثم نضع طماطم بيورية وشوية ماء ونقلبهم ثم نتبلها ونضع مكعب شوربة ونخليها لحد ماتتسبك وممكن نضع فيها شوية بسله وممكن نضع مكعبات بطاطس ثم نضع الكفتة المتحمرة تقليبتين ونغرفها فى طاجن


ريش ضانى بصلصة النعناع او الشبت
ريش ضانى 0 1/2 ك بصل مفروم – 300 ج بصل حلقات – حزمة شبت او نعناع – كوب ديميجلاس – ملح وفلفل – ذبدة
الطريقة
نتبل الريش ملح وفلفل . نخرط البصل ناعم ونشوحه ثم نضع الريش ونشوحها مع التقليب لحد ماتستوى ثم نضع 1/2 كوب الديميجلاس مع التقليب ثم نضع النعناع المخلرط او الشبت المخرط وشوية روزمارى ناشفة ونخلطهم تقليبة ونغرفه مع الصوص



لفائف الدانش
1/2 ك دقيق – 50 ج سكر – 50 ج حليب ( 1/4 كوب ) – 15 ج خميرة ( 1/4 كوب ) – 3 بيضات – 10 ج ملح ( م ص ملح ) –150 ج ذبدة ( 3/4 كوب)
الكريقة
نضع فى الخلاط الدقيق والخميرة والحليب والسكر ونخلطهم على السرعه الاولى لفتين ثم نضع البيض بيضة بيضة ثم اضع الملح واعلى السرعه وانزل بالذبدة قطعه قطعه صغيرة واتركهم يتخلطوا مع بعض كويس ثم اضعها فى طبق واتركها تحمر1/2 ساعه ثم ارش على الرخامة دقيق وافرد العجينة بالنشابة ثم نفرد عليها الباسترى كريم ونرش زبيب ونلفها اسطوانه ونقطعها حلقات بالسكينة واتركها تخمر 3/4 ساعه ثم ادهنها بيض وادخلها الفرن على 190 د لمدة 45 د ولما تستوى واطلعها اسقيها سيرب خفيف

الكرواسان
كيلو دقيق – 15 ج خميرة ( م ك ) – 10 ج محسن مخبوزات ( 1/2 م ) – 80 ج سكر ( 1/4 كوب ) – 50 ج لبن بودرة ( 1/4 كوب ) – 50 ج ذبدة ( 1/4 كوب ) – 530 ج ماء مثلج ( 2 و 1/2 كوب ) – 20 ج ملح ( م ص ) – 500 ج بلوك ذبدة
جبنة اسطمبولى – زعتر – اصابع شيكولاتة
الطريقة
اضع الدقيق والخميرة فى العجانه ونخلطهم على سرعه بطيئة لمدة 3 دقائق + اللبن البودرة + المحسن + السكر
ثم نبدء فى اضافة الماء واحدة واحدة ونضع الذبدة قطعه قطعه صغيرة لحد ما العجينة تتلم وتسيب جدار الخلاط ثم اضع اخر حاجة الملح مع تعليه السرعه لمدة 4 دقائق اشيلها من الخلاط واغطيها ببلاستيك واتركها فى مكان دافىء لمدة عشر دقايق . ارش دقيق وابدء ابطط العجينة بايدى وافردها بالنشابة بالطول والعرض واضع بلوك زبدة فى منتصف العجينة (تكون طرية)ثم اقفل العجينة من الجانبين اللى بالطول ثم اقفل من الجانبين اللى بالعرض
(ملاحظة ضرورية/ لازم تشيلى بالفرشاة اى دقيق موجود على العجينة تماما قبل ما تقفليها )
اضع العجينة فى بلاستيك وادخلها التلاجة لمدة ساعتين وبعدين نطلعها ونكرر العملية . ارش دقيق وابدء ابطط العجينة بايدى وافردها بالنشابة بالطول والعرض ثم اقفل العجينة من الجانبين اللى بالطول ثم اقفل من الجانبين اللى بالعرض 4مرات بنفس الطريقة وفى المرة الخامسة نبدء خلاص فى تشكيل العجينة ةنفردها ونقطعها مثلثات ونبرم كل مثلث او نضع الحشو على الطرف ونبرمها وممكن وضع شوية زعتر على الوش او نقطعها مربعات ونلف كل طرف على هيئة مروحة ونضع فى النص باسترى او نقطعها مستطيل ونلفه علشان تطلع دانش او نضع على طرف كل مربع صباع من الشيكولاتة ونلف لفه ثم نضع صباع شيكولاتة تانى ونلفها كلها ونتركهم يخمروا لمدة نص ساعه ونخبزهم على 190 د لمدة 25 دقيقة

المافن
400 ج ذبدة – 325 ج سكر – 6 بيضات – 600 ج دقيق – فانيليا – 30 ج بيكنج بودر – 300 ج حليب فريش – 50 ج كاكاو
الطريقة
نضع الذبدة و السكر فى الخلاط واضربهم كويس قوى ثم نضع البيض بيضة بيضة لحد مايتجانسوا ثم نضع اخر حاجة الفانيليا ثم نضع الحليب بالراحه جدا . اضع البيكنج بودر على الدقيق واخلطهم ثم اضعهم فى الخلاط مرة واحدة ثم اصب العجينة فى قوالب المافن(الكب كيك) وادخلها الفرن على 160 د لمدة 45 د

تورتة التونة
باكيت خبز توست سليم بدون تقطيع – تونة – بصل – بصل اخضر – خس – مكعبات طماطم – زيتون اخضر مخلى وشرائح – ثوم – كاتشب
الطريقة
نقطع الخبز راقات زى الكيكة الاسفنجية وندهن اول راقة بالمايونيز ونضع شرائح خس ثم نضع التونة بدون الزيت ثم نضع الزيتون ثم نضع شوية كاتشب وشرائح البصل ثم نضع راقه خبز ونضغط بايدنا شوية ثم نكرر الطريقة مع باقى طبقات الخبز لحد ما خيتكون عندك طبقات زى التورتة

ارز باللحم والدجاج
1/2 ك ارز بسمتى – 1/2 ك لحمة قطع صغيرة – دجاج قطع – لحمة مفرومة – 1/2 ك جوافة بدون البزر – ملح وفلفل – ذبدة
الطريقة
نقطع الجوافة مكعبات . نضع ذبدة فى حلة ونشوح الدجاج واللحمة واللحم المفروم مع بعض ونضع شوية بقدونس ونشوحهم مع بعض ثم نضع الارز والملح والفلفل ونقلب كله مع بعض كويس ثم نضع الجوافة ونقلب ونضع الماء ونخليه يستوى عادى

لحمة بالكراميل
لحمة بفتيك شرائح – لحم مفروم معصج مع جزر مبشور – ذبدة – سكر
الطريقة
نسلق اللحمة فى ماء وبصل وتوابل ثم نشيلها من ماء السلق ونفردها ونضع داخل كل شريحه م ك من الحشو ونقفلها زى السرة او البنبونى ونقفلها ثم نضع ذبدة فى مقلاية ونشوح فيها اللحمة المحشية ثم نرشها بشوية سكر ونقلب تقليبتين لحد ما السكر يدوب والللحمة تاخد لون
طريقة الحشو / نضع ذبدة فى مقلاية ونشوح فيها بصلة مبشورة وجزرة مبشورة ولحمة مفرومة وشوية كسببرة خضراء وملح وفلفل ونشوحهم كويس مع بعض

مكرونة نجرسكو بالفراخ
مكرونة شرائط مسلوقة – دجاج معصج – بشاميل – توابل
الطريقة
طريقة الدجاج المعصج / نقطع صدور الدجاج مكعبات صغيرة جدا ونشوحها فى زيت او قطعه ذبدة مع بشر بصلة وملح وفلفل و وزيتون اخضر مخلى ومقطع وشوية بقدونس ونشوحهم زى اللحمة المفرومة المعصجة بالظبط
نسلق المكرونة عادى ونشطفها ونصفيها ناخد شوية من المكرونة ونمسكها بايدنا من الطرف ونغطسها لتحت فى البشاميل ونرفعها على طول ونعملها بايدنا على هيئة دائرة فى صينية وناخد معلقة كبيرة من الدجاج المعصج ونضعها فى منتف المكرونة ونضع على الوش معلقة صغيرة بشاميل ثم بيض مربوب بالشوكة وملح وفلفل وندحلها الفرن لحد ماتحمر

ساتية اندونيسى
جمبرى صغير – بيض سبيط – سمك مكعبات صغيرة– لحمة مكعبات صغيرة– فراخ مكعبات صغيرة
عيدان خشب – ذبدة فول سودانى – اناناس منبشور – ماء الاناناس – ملح وفلفل = ممكن صويا صوص او اوبستر صوص
الطريقة
فى طبق نضع ذبدة فول سودانى و اناناس منبشور و ملح وفلفل و ماء الاناناس ونخلطهم مع بعض كويس
ننغز السمك والبيض والفراخ والجمبرى واللحمة كله فى العيدان الخشب ونتبلهم بالخليط اللى عملناه ونرصصهم فى صينية وندخلهم الفرن لحد مايستووا

اصابع الدجاج المقلية
صدور دجاج – 2 بيضة – 3/4 كوب دقيق – كمون – شطة – مستردة – بقسماط – ملح وفلفل – عصير ليمون – فص ثوم مهروس
الطريقة
نقطع الصدور اصابع ونتبلها ملح وفلفل وك***ة وكمون وكارى او كركم وثوم ونتبلهم كويس ثم نضع الاصابع فى الدقيق ثم البيض ثم البقسماط ثم نقليها فى الزيت

اسباجتى بكويرات الكفتة
1/4 ك كفته متبله – بصلة صغيرة – بقدونس مفروم – ملح وفلفل – بهارات
الطريقة
نتبل اللحمة المفرومة بالملح والفلفل والبصل والبقدونس والبهارات ونعملها كور متوسطة ونضعها فى صينية فيها شوية زيت وندخلها الفرن لحد ماتستوى وتحمر. نسلق المكرونة 3/4 سوى ونصفيها
نعمل الصلصة
نضع فى مقلاية زيت ونشوح بصلة مفرومة وفلفل احمر مكعبات وبقدونس مفروم ومكعبات طماطم ومعلقتين صلصة ونقلبهم لحد ماتدخل فى التسبيك نضع عليها الكفته بعد ماطلعت من الفرن ونخليها تاخد التسبيكة فى الصلصة ثن نغسل المكرونة بماء ساخن علشان نسخنها ثم نغرف المكرونة فى الطبق ونضع عليه الكفتة بالصلصة

ورقة الخضار
خضار مشكل ( كوسة – جزرمبشور – بصل – فلفل الوان – ثوم – ملح وفلفل – كمون – زعتر – ك***ة – سمك
الطريقة
نقطع الخضار شرائح رفيعه ثم نشوحه على النار فى شوية ماء صغيرين وحينزلوا مايتهم وحيشربوها وحيدبلوا
نضع فى صينية كزا ورقة فويل فوق بعض ونضع فيها الخضار وشوية كسبرة خضراء ونرصص السمك ونضع شوية ماء صغيرين ونقفل الورق كويس ونضع فى الصينية شوية ماء وندخلها الفرن لحد ماكله يستوى

جمبرى بالكنافة
1/4 ك كنافة – 5 قطع جمبرى متوسط – م جنزبيل فريش – 3 م كاتشب – صويا صوص – م شطة – زيت سمسم
الطريقة
نقشر الجمبرى وننظفه ونترك زيله . فى طبق نضع م جنزبيل المفروم ناعم و الكاتشب وم زيت السمسم وم صويا صوص وسنة ملح وفلفل ونقلبهم مع بعض ثم نضع الجمبرى فى الخلطة ونتركه من 2 الى 3 ساعات
ناخد شريحه خفيفة من الكنافة نفردها ونضع على طرفها واحدة جمبرى ونلفها ويكون الزيل لبره مش داخل الكنافه وهكذا لحد مانخلص كمية الجمبرى كلها وبعدين ندخله الفريزر حوالى 3 دقايق يرتاح علشان الكنافه متفكش فى التحمير. نحمر الجمبرى فى الزيت الى اللون الذهبى وممكن نعمله صوص من نفس خلطة التتبيله صوص الجمبرى
كتبت : Blue Rose
-


بطاطس دى فينيواز
1/2 ك بطاطس – 1/2 ك حليب – 1/4 ك كريمة – فص ثوم – ملح وفلفل- بشرة جوزة الطيب
الطريقة
نقشر البطاطس ونقطعها شرائح اتخن من الشيبس حاجة بسيطة . نضع الحليب والكريمة والثوم و بشرة جوزة الطيب فى صينية على النار لحد ما يغلوا ثم اضع البطاطس لحد ما الحليب يغلى تانى ثم اضع على وش الصينية جبنة مبشورة وادخلها الفرن

تبولة بالكاليمارى
6 حزمة بقدونس مفرومة – بصلة مقطعه – برغل – 3 ثمرات طماطم – عصير 2 ليمونة – زيت زرة – 1/4 ك كاليمارى مسلوق – نعناع مفروم ناعم
الطريقة
ننقع البرغل فى ماء لمدة 10 د لحد ماينفش . نقطع البصل صغير جدا ونضع علية سنة قرفة ناعمه ونخلطه نقطع الكاليمارى المسلوق صغير قوى .فى طبق نضع البقدونس المفروم والبصلة والبرغل ومكعبات الطماطم والنعناع المفروم ونخلطهم ثم نتبلهم بعصير الليمون والملح وزيت الزيتون ونقلبهم كويس. نضع فى طبق التقديم شرائح الخس ونضع السلطة ونجملها بالطماطم والكاليمارى




سمك بالطحينة
سمك فيلية – 2 فص ثوم مهروس – عصير ليمون – 2 ليمونة مقطعة حلقات – توابل – زعتر – طحينة – 2 م زيت ذرة – بصل محمر – صنوبر محمر – ملح وفلفل
الطريقة
نتبل السمك بالملح والفلفل والكمون وعصير ليمونة . ندهن صينية بالزيت ونضع السمك ونضع عليه شرائح ليمون وشوية ماء صغيرين وندخلها الفرن تقريبا لمدة 10 د وبعد مايطلع نضعه فى طبق التقديم ونضع عليه الطحينة ثم نضع البصل المحمر والصنوبر المحمر . نجهز الطحينة نضعها فى طبق ونضع عليها ماء وملح وشطة وكمون وعصير ليمونة وخل ونخفقها كويس ثم نضعها فى مقلاية على النار يادوب ثانيتين تسخن بس ونضعها على السمك
فيلية شارلوت
شرائح فيلية – 2 بصلة كبيرة – 3 م بقدونس – 2 م خل عنب ابيض – ملح وفلفل – 2 م ذبدة
الطريقة
نتبل اللحمة ملح وفلفل . نضع على النار فى مقلاية سمن وذبدة ونشوح الفيلية كويس وبعدين نشيله من المقلاية ونضعه فى صينية فى الفرن لحد ماتستوى وتحمر وفى المقلاية مكان تشويح اللحمة نشوح البصل المفروم لحد مايدبل ثم نضع شوية من خل عنب ابيض وملح وفلفل وبقدونس ناعم ثوانى ونطفى نضع شوية من الصوص فى طبق التقديم ثم نضع عليه اللحمة ثم نضع باقى الصوص على الوش
ارز بالحبة السوداء
1/2 ك ارز بسمتى – فلفل الوان – 4 م حبة سوداء – 2 بصل
الطريقة
نضع فى حلة حتة ذبدة والبصل المخرط وحبة البركة والفلفل الملون ونشوحهم تشويحه بسيطة ثم نضع الارز ونقلب ثم نضع ملح ونقلب ثم نضع الماء وممكن شوية من شوربة اللحمة (بتاعه الوصفة الجاية الموزة البتلو)
ونتركه يستوى عادى
موزة بتلو بالليمون
1/2 ك لحم موزة بتلو – 5 فصوص حبهان مفروم ناعم – 5 حبات مستكة ناعمه – 100 ج ليمون مخلل – ملح وفلفل – بصلة مفرومة – 2 بصلة شرائح
الطريقة
نفطع اللحم مكعبات نضع فى مقلاية شوية زيت ونضع اللحمة لحد ماتتشوح ثم نضع عليها شوية حبهان ومستكة ونقلبهم ثم نضع البصل المقطع صغير عليهم ونشوحهم. نضع فى حلة شوية زيت ونشوح فيها البصل الشرايح تشويحه ثم نضع كل اللى فى المقلاية على البصلة اللى فى الحلة ونضع ماء ونقلبهم ونغطيها لحد ماتستوى
نغرفها مع الارز ( اللى بالحبة السوداء) ونضع عليها الليمون المخلل
كويرات الكفتة بصوص الكارى
1/2 ك كفتة متبله – بصلة مفرومة – فص ثوم مفروم – ملح وفلفل – توابل – صوص كارى – م ك كارى بودر – كوب ونص مرقة دجاج
نتبل اللحمة المفرومة بملح وفلفل وتوابل وبصلة مبشورة وشوية بقدونس ونكورها ثم نشوحها فى شوية زيت فى مقلاية . فى مقلاية تانية نشوح بصلة فى الزيت والثوم لحد ما البصل يدبل ثم نضع بودرة الكارى ومعلقة دقيق ونقلبهم ثم نضع شوية ماء مغلى حوالى كوب وكرفس مفروم وفلفلة حمراء مكعبات ثم نضعهم على الكفتة ونقلب كل الخليط مع بعضه ثم نغرفه فى الطبق
ملحوظة اذا لاحظتى ان الصوص تخين ممكن تحطيله شوية ماء كمان لحد ما يكون صوص متوسط القوام
ارز بخارى
2 كوب ارز – 3 جزرة مبشورة – 2 م صلصة طماطم مزابة فى شوية ماء – 2 فص حبهان – 3 قرنفل – 3 كوب ماء ساخن او شوربة اللحمة – سمن او زيت
الطريقة
نشوح الجزر فى معلقة زيت وحتة زبدة وحبهان وقرنفل وورق لاورا ثم نضع ثمرة طماطم مقطعه ونقلب ثم نضع الارز ونقلب كويس ثم نضع قطع اللحمة المسلوقة ثم نضع الصلصة المزابة وملح وفلفل ونقلب ثم نضع ماء او شوربة سلق اللحمة واغطيه يستوى وقرب السوى اضع معلقة ذبدة واقلب واغطيه تانى لحد مايستوى
ثم اغرفه وارش على الوش صنوبر
شوربة شعيرية
1/2 ك كفتة متبلة – كوب شعيرية – ملح وفلفل – لتر ماء ساخن – مكعب مرقة – 2 فص حبهان – 2 م ذيت ذرة او سمن
الطريقة
نتبل اللحمة المفرومة بملح وفلفل وتوابل وبصلة مبشورة وشوية بقدونس ونكورها. نحمر الشعيرية فى ذيت وذبدة لحد ماتحمر. نضع كور الكفتة النية فى الشوربة اللى بتغلى ثم نضع الشعيرية وملح وورق لاورا ونتركها لحد ما الشعيرية والكفتة يستووا
سلطة مكرونة بالتونة
1/2 ك مكرونة مسلوقة – علبة تونة – ثمرة فلفل مكعبات – 1/2 كوب ذرة – م ك بقدونس – 2 م ك خل – عصير ليمون – ملح وفلفل
الطريقة
نضع المكرونة فى طبق وعليها علبة التونة المصفاه والبصلة والبقدونس والذرة والفلفل وشوية زيت وخل وليمون وملح وشطة ونخلطهم مع بعض كويس



لوبيا بالكاليمارى
1/2 ك كاليمارى مسلوق – 1/2 ك لوبيا مسلوقة – بصلة مفرومة – ثمرة طماطم مقطعه – ملح وفلفل – كمون – شطة – ثوم – صلصة طماطم – كسبرة خضراء
الطريقة
نضع زيت فى مقلاية ونشوح فيه الكاليمارى المسلوق ومقطع حلقات وملح وفلفل وشوية خل يادوب دقيقتين تلاتة . نشوح البصل والثوم فى زيت ثم نضع مكعبات الطماطم والفلفل وصوص الطماطم ونقلبهم مع بعض تشويحه ثم نضع اللوبيا وملح وفلفل وشوية ماء وشطة ونقلبهم كويس مع بعض ثم نضع الكاليمارى عليهم ونقلبهم مع بعض ثوانى ونغرفهم
سلطة الخضروات بالتفاح والكارى
2 خيار – 2 طماطم – 2 فلفل رومى احمر واخضر – 2 تفاحه اصفر او اخضر – كرفس مخرط – ملح وفلفل – كارى – م خل – م ك بقدونس مفروم – خس مفروم خشن – بصل اخضر – م ك زيت ذرة – غصير ليمون
الطريقة
نضع الخس والكرفس فى طبق وعليهم مكعبات الطماطم والبصل والفلفل ونقلبهم ثم نضع ملح وفلفل وكارى وخل وليمون وثوم وشطة ونقلبهم مع بعض
صدور رومى استراجانوف
1/2 ك صدور ديك رومى – بصلة – فلفل الوان – ذبدة – ديميجلاس – ملح وفلفل
الطريقة
نقطع الصدور والفلفل و الطماطم والبصل زى الشاورما. نشوح البصل فى الذبدة ثم نضع الرومى ونقلب ثم نضع الفلفل ونشوحهم كويس ثم نضع الديميجلاس ثوانى ثم نضع الطماطم ونقلبهم ونتركهم على نار متوسطة لحد مايستووا
سلطة فراخ مع الاسبراجوس
1/2 ك اسبراجوس – 1/2 ك فيلية صدور – جبنة بارميزان – م سكر – 2 مكعب مرقة – زعتر – خل – ملح وفلفل – خس مشكل – جرجير – فلفل الوان – زيت زيتون – مستردة – ثوم
الطريقة
اذا كان الاسبراجوس طازة وحلو استخدميه على طولب واذا كان شايخ قشريه الاول. نضع فى صينية حتة زبدة وبصل مفروم وملح وشوية روزمارى وفلفل وفصين ثوم والمرقة بس افركيها بايدك . نفرد امامنا شريحه الصدر ونضع على طرفها نص واحدة اسبراجوس ونلفها زى الصباع ونضعها فى الصينية وهكذا لحد مانخلص الصدور اللى عندنا ونضع فى الصينية شوية ماء ونغطيها كويس بفويل ونضعها على النار لحد ماتستوى ونسيبه لما يبرد وبعدين نرصصهم على السلطة فى الطبق ونضع الصوص على الوش
طريقة الصوص
نضع فى طبق مستردة وشوية خل وشوية زيت زيتون وم سكر وزعتر وملح وفلفل وبصلة ناعمة وثومة ناعمة وروزمارى ونخلطهم كويس
طريقة السلطة
نقطع فى طبق الخس والجرجير بايدنا قطع متوسطة ونضع عليهم شوية من الصوص ونخلطهم ببعض نقطع فلفل الوان شرايح ونضعها عليهم ونخلط ثم نرصص الصدور الملفوفة ونضع عليها الصوص (الدريسنج)
ريش ضانى بالشعيرية والمكسرات
1/2 ك ريش ضانى سليمة مش متقطعه – 200 ج بسلة – 1/2 ك شعيرية – 1/4 كوب زيت – بصل – طماطم – ملح وفلفل – كرفس – ثوم – 1/2 لتر ماء
الطريقة
نسلق البسلة كويس ونضربها فى الكبة لحد ماتتفرم خالص وتنعم ثم ناخدها تشويحه على النار مع ملح وفلفل وفص ثوم وشوية زيت . نحمر الشعيرية فى الذبدة لحد ماتحمر خالص مع فص ثوم مهروس وبصلة مخرطه صغير ثم نضع عليها شوية من الصوص الموجود فى صينية اللحمة مع شوية ماء ونتركها لحد ماتشرب الماء خالص وتبقى مفلفلة. بالسكينة الرفيعه ندخلها من طرف قالب الريش ونفضل نزق ونخرم لحد ما السكينة تطلع من الناحية التانية ونعمل فيها تجويف داخلى. نحشيها بالبسلة كويس ثم نشوحها فى شوية زيت على النار من جميع الجهات ثم ندخلها الفرن حوالى عشر دقايق وبعدين نطلعها ونضع معاها فى الصينية شوية كسبرة خضراء مفرومة وورق لاورا وطماطم وبصل شرايح وندخلها تانى الفرن لحد ماتستوى وبعد ماتطلع نقطعها او نتركها سليمة ونرصصها على الشعيرية ونضع شوية مكسرات
حمام بالكسكسى
1/2 ك كسكسى – 4 فرد حمام – بصلة – 2 ثمرة طماطم – كسبرة خضراء – زيت او ذبدة – ملح وفلفل – كرفس – ثوم – ورق لاورا
الطريقة
نشوح الكسكسى فى م ذبدة لحد مايدبل كله ثم نضع شوية ملح ونقلبه ثم نضعه على حمام مائى وكل شوية نقلبه لحد مايستوى. نتبل الحمام بالملح والفلفل وبشر طماطم ثم نشوحه فى الزيت على النار كويس من كل الجهات ثم نضع معاه شرايح طماطم سميكة وشرائح بصل سميكة وكرفس مخرط وملح وفلفل وثوم مفروم وشوية ماء ونغطيه ونتركه لحد مايستوى . بعد مايستوى نشيلة من الصينية وندخله الفرن علشان يحمر . نغرف الكسكسى فى طبق التقديم ونرصص الحمام فوقه ونضع شوية من الصوص المتخلف من تسوية الحمام
سمك فيلية ويلنجتون
1/2 ك سمك فيلية – 1/2 ك سبانخ او سلق – خل – ملح وفلفل – ثوم – صفار بيض – عجينة ميل فى
تقدم مع طماطم محشية بالبسبانخ – جبنة موزاريلا
الطريقة
نتبل قطع السمك بملح وفلفل وزعتر وثوم وشوية روزمارى وشوية خل . اسلق السبانخ او السلق على النار يادوب ثانية واطلعه على طول ثم نضع امامنا ورقة السلق واضع عليها قطعه سمك ونلفها ثم نفرد قطعه عجينة بالنشابة ونضع فيها السمك الملفوف وندهن طروفها بصفار البيض ونلفها ثم ندهن وشها برضه بصفار البيض وهكذا مع باقى كمية السمك ثم نرصصهم فى صينية وندخلها الفرن لحد ماتستوى ونقدمها مع الطماطم المحشية بالسبانخ
الطماطم المحشية بالسبانخ
طماطم جامدة – سبانخ مسلوقة – جبنة بارميزان
الطريقة
نسلق السبانخ ونصفيها من الماء ونفرمها ونشوحها فى شوية زيت وفصين ثوم ناعمين وشوية زعتر
نشيل بالسكينة الجزء العلوى من الطماطم ونضع فوق كل طماطماية شوية سبانخ ونرش على الوش جبنة بارميزان مبشورة وندخلها الفرن لحد ما الجبنة تسيح
طاجن عكاوى
قطع عكاوى – بصل- ثوم – فلفل الوان – جزر – ارز- ملح وفلفل – بهارات – جوزة الطيب – ذبدة
الطلايقة
تضع فى مقلاية 2 م ذبدة ثم نضع العكاوى والبصل والثوم والفلفل والجزر والملح والفلفل وجوزة الطيب وفلفل مجروش وورق لاورا ونشوحهم كويس مع بعض حوالى 10 د ثم نضع عليهم الارز المغسول ونقلبهم كويس ثم نضعهم فى طاجن فخار وعليه شوية ماء و2 قرن فلفل حامى وادخله الفرن


تارت شعيرية بالخضار
كيلو شعيرية – 1/2 ك لحم –1/2 ك صدور فراخ – خضار مشكل – بصل – ملح وفلفل – توابل – حليب – بيض
الطريقة
نسلق الشعيرية . نقطع الفراخ واللحمة والبصل والفلفل الوان كله شرائح رفيعه زى الشاورما . نضع الزيت على النار ونضع الفراخ واللحمة والبصل والفلفل والخضار المسلوق (3/4 سلق) ونشوحهم ونقلبهم كويس نص تشويحه ثم نضع الملح . نضع شعيرية فى القالب اللى بيتفتح من الجنب ونضغط عليها بايدنا ثم نضع شعيرية على الجناب فقط داير مايدور القالب ونعمل تجويف فى النصف ثم نضع الخليط فى هذا التجويف ونساويه ثم نضع على الجناب وحدات من الطماطم الصغيرة ونضع على وش الخليط شوية حليب ثم نضع بيض مخفوق وندخل القالب الفرن

الديميجلاس
اى نوع عظم – جلد – بصل – كرفس – جزر – طماطم – ورق لاورا – حبهان
الطريقة
نضع كل العظم والجلد فى صينية ونرشه كله من على الوش رشة دقيق وندخله الفرن لحد مايتحرقوا خالص ممكن تاخد 12 ساعه وكل مايتحرق اكتر كل ما يكون احسن ثم نضعه فى حله فيها ماء مغليه او شوربة مغليه ونتركه لحد مايتحلل خالص ونصفية ونضعه فى زجاجات فى الفريزر لحين الاستخدام

كبدة بالجمبرى والكركدية الابيض
1/2 ك شرائح كبدة – 100 ج جمبرى مقشر – 3 فصوص ثوم مهروسين – كسبرة خضراء – حليب – كركدية ابيض
الطريقة نضع الذيت على النار ثم نضع الكبدة والجمبرى والثوم المهروس ونقلبهم تقليبه ثم نضع الكركدية ناشف زى ماهو (شوية صغيرين) ونقلبهم ثم نضع ملح وفلفل ونقلبهم كويس لحد ماتستوى الكبدة ثم تضع شوية كسبرة خضراء مفرومة وشوية حليب حوالى نص كوب ونتركهم حوالى 5 دقايق ونطفى

فراخ بستانى
صدور فراخ – شطة – ثوم مفروم – زعتر – جنزبيل بودر – عصير ليمون – خل – ذيت ذرة – 2 ثمرة طماطم – 2 ثمرة فلفل رومى احمر واخضر – بصلة جوانح رفيعه – 2 م ك صوص حار
الطريقة
نتبل الصدور بالملح والفلفل وتوابل وثوم وزعتر ونشوحها فى الزيت لحد ما تستوى. فى مقلاية تانية فيها زيت نشوح البصل والفلفل ونقلب ثوانى ثم نضع شرائح الطماطم الرفيعه لحد ما كله يتجانس. اضع الخضروات فى طبق التقديم وارصص عليها الصدور

سلطة البطاطس والجزر بالمايونيز
بطاطس مسلوقة – جزر مسلوق – 3 م مايونيز – ملح وفلفل – خل – عصير ليمون
الطريقة
نقطع البطاطس مكعبات ونقطع الجزر مكعبات . نضع الملح والفلفل وشوية خل والمايونيز ونخلطهم كويس
وتقدم

سلطة الركا
4 باقات جرجير – ثمرة بصل ناعمة جدا – فلفل احمر ناعم جدا – ملح وفلفل – ثوم – خل – عصير ليمون - سماق
الطريقة
فى طبق نضع ذيت وملح وفلفل وثوم وخل وليمون وم مايونيز ونخلطهم بالمعلقة كويس. اقطع الجرجير واضعه على بعض فى طبق التقديم ثم اضع عليه البصل ثم اضع الطماطم فوق البصل ثم ارش عليهم رشة سماق ثم اضع عليها التتبيله اللى عملناها ثم اضع شوية صنوبر
كتبت : Blue Rose
-


كورجيت على الطريقة الفرنسية
1/2 ك كوسة – 300 ج لحمة مفرومة – بصلة – زعتر – ملح وفلفل – جبنة مبشورة
الطريقة
نشوح البصلة فى الذيت ونضع اللحمة المفرومة وملح وفلفل وزعتر وطماطماية مكعبات صغيرة واعصجها عادى
نقطع الكوسة نصين بالعرض ثم اقورها واشوحها فى شوية زيت صغيرين ثم ارصصها فى صينية ونحشيها بالعصاج ونضع على وش كل واحدة جبنة مبشورة وندخلها الفرن

الارز بالخضروات
2 كوب ارز – 3 كوب ماء ساخن – مكعب مرقة – نص كوب بسلة - نص كوب زرة صفراء - نص كوب جزر – فلفل رومى – بصلة جوانح – 2 ورقة لاورا – ذيت ذرة او سمن – ملح وفلفل
الطريقة
نضع الذيت فى حلة ونضع البصل و الارز ونشوحهم ثم نضع الفلفل الرومى والجزر والبسلة والذرة ونقلبهم كلهم كويس ثم نضع الماء ونسويه عادى

الارز بالخضروات
2 كوب ارز – 3 كوب ماء ساخن – مكعب مرقة – نص كوب بسلة - نص كوب زرة صفلراء - نص كوب جزر – فلفل رومى – بصلة جوانح – 2 ورقة لاورا – ذيت ذرة او سمن – ملح وفلفل
الطريقة
نضع الذيت فى حلة ونضع البصل و الارز ونشوحهم ثم نضع الفلفل الرومى والجزر والبسلة والذرة ونقلبهم كلهم كويس ثم نضع الماء ونسويه عادى

الآيس كريم والسوربيه
البيزك الاساسى لعمل الايس كريم
(الطريقة الاساسية والثابته لعمل الايس كريم)
كيلو حليب – 10 صفار بيض – 50 ج جولكوز(1/4 كوب) – 50 ج ذبدة (1/4 كوب) – 250 ج سكر( كوب وربع) – باكو فانيليا – 100 ج لبن بودرة (1/2 كوب)– 10 ج مثبت ومحسن آيس كريم (م ك )
الطريقة
نضع الحليب فى حله على التار ثم نضع اللبن البودرة والذبدة والجولكوز والمحسن ونقلبهم ونتركهم لحد ما الحليب يغللى . فى طبق غويط (البسيمة) نضع صفار البيض و الفانيليا والسكر وشوية حليب صغيرين علشان يلف معاكى كويس ونضربهم بالمضرب السلك اليدوى كويس قوى لحد مايتخلطوا ثم نضعه على خليط الحليب مع التقليب السريع لحد مايستوى ( وتعرفى انه استوى لما تحطى فى الحله سكينة او معلقة فى الخليط وتطلعيها وتمسحى فى منتصفها بصابعك اذا اتمسحت يبقى استوى واذا الخليط ضم على بعضه يبقى لسة شوية )
وبعدين اشيله واصفيه بالمصفاه واتركه لحد مايبرد ثم اضعه فى ماكينة الايس كريم لحد ما تلاقيه على وهش و مسك حوالى من ربع لتلت ساعه تروحى حطاه فى الفريزر واذا معندكيش الماكينة يبقى تحطيه فى الطبق الاستنلس المدور (البسيمة ) على حمام مائى فيه ثلج مجروش وتفضلى تقلبى فيه تقلبى فيه بالراحة لحد ايدك ما توجعك وتورم وتتقل (اصلى جربتها قبل ما اشترى الماكينة ) بالمعلقة البلاستيك العريضه لحد ما يمسك حوالى نص ساعه (لأ كان بياخد منى اكتر من نص ساعه ) ثم تضعيه فى الفريزر


آيس كريم الفانيليا
هو هو نفس المقادير والطريقة بتوع البيزك

آيس كريم المانجة
كيلو حليب – 10 صفار بيض – 50 ج جولكوز(1/4 كوب) – 50 ج ذبدة (1/4 كوب) – 250 ج سكر( كوب وربع) – باكو فانيليا – 100 ج لبن بودرة (1/2 كوب)– 10 ج مثبت ومحسن آيس كريم (م ك )
300 ج مانجه عصير
الطريقة
نضع الحليب فى حله على التار ثم نضع اللبن البودرة والذبدة والجولكوز والمحسن ونقلبهم ونتركهم لحد ما الحليب يغللى . فى طبق غويط (البسيمة) نضع صفار البيض و الفانيليا والسكر وشوية حليب صغيرين علشان يلف معاكى كويس ونضربهم بالمضرب السلك اليدوى كويس قوى لحد مايتخلطوا ثم نضعه على خليط الحليب مع التقليب السريع لحد مايستوى ( وتعرفى انه استوى لما تحطى فى الحله سكينة او معلقة فى الخليط وتطلعيها وتمسحى فى منتصفها بصابعك اذا اتمسحت يبقى استوى واذا الخليط ضم على بعضه يبقى لسة شوية )
وبعدين اشيله واصفيه بالمصفاه واتركه لحد مايبرد ثم اضع عليه عصير المانجة واقلبه كويس ثم اضعه فى ماكينة الايس كريم لحد ما تلاقيه على وهش و مسك حوالى من ربع لتلت ساعه تروحى حطاه فى الفريزر واذا معندكيش الماكينة يبقى تحطيه فى الطبق الاستنلس المدور (البسيمة ) على حمام مائى فيه ثلج مجروش وتفضلى تقلبى فيه تقلبى فيه بالراحة بالمعلقة البلاستيك العريضه لحد ما يمسك حوالى نص ساعه (لأ كان بياخد منى اكتر من نص ساعه ) ثم تضعيه فى الفريزر

آيس كريم بالمستكة
كيلو حليب – 10 صفار بيض – 50 ج جولكوز(1/4 كوب) – 50 ج ذبدة (1/4 كوب) – 250 ج سكر( كوب وربع) – باكو فانيليا – 100 ج لبن بودرة (1/2 كوب)– 10 ج مثبت ومحسن آيس كريم (م ك )
4 أحجار مستكة
الطريقة
نضع الحليب فى حله على التار ثم نضع المستكة و اللبن البودرة والذبدة والجولكوز والمحسن ونقلبهم ونتركهم لحد ما الحليب يغللى . فى طبق غويط (البسيمة) نضع صفار البيض و الفانيليا والسكر وشوية حليب صغيرين علشان يلف معاكى كويس ونضربهم بالمضرب السلك اليدوى كويس قوى لحد مايتخلطوا ثم نضعه على خليط الحليب مع التقليب السريع لحد مايستوى ( وتعرفى انه استوى لما تحطى فى الحله سكينة او معلقة فى الخليط وتطلعيها وتمسحى فى منتصفها بصابعك اذا اتمسحت يبقى استوى واذا الخليط ضم على بعضه يبقى لسة شوية )
وبعدين اشيله واصفيه بالمصفاه واتركه لحد مايبرد ثم اضعه فى ماكينة الايس كريم لحد ما تلاقيه على وهش و مسك حوالى من ربع لتلت ساعه تروحى حطاه فى الفريزر واذا معندكيش الماكينة يبقى تحطيه فى الطبق الاستنلس المدور (البسيمة ) على حمام مائى فيه ثلج مجروش وتفضلى تقلبى فيه تقلبى فيه بالراحة بالمعلقة البلاستيك العريضه لحد ما يمسك حوالى نص ساعه (لأ كان بياخد منى اكتر من نص ساعه ) ثم تضعيه فى الفريزر

شيكولاتة آيس كريم
كيلو حليب – 10 صفار بيض – 50 ج جولكوز(1/4 كوب) – 50 ج ذبدة (1/4 كوب) – 250 ج سكر( كوب وربع) – باكو فانيليا – 100 ج لبن بودرة (1/2 كوب)– 10 ج مثبت ومحسن آيس كريم (م ك )
100 ج كاكاو
الطريقة
نضع الحليب فى حله على التار ثم نضع اللبن البودرة والذبدة والجولكوز والمحسن ونقلبهم ونتركهم لحد ما الحليب يغللى . فى طبق غويط (البسيمة) نضع صفار البيض و الفانيليا والسكر وشوية حليب صغيرين علشان يلف معاكى كويس ونضربهم بالمضرب السلك اليدوى كويس قوى لحد مايتخلطوا ثم نضعه على خليط الحليب مع التقليب السريع لحد مايستوى ( وتعرفى انه استوى لما تحطى فى الحله سكينة او معلقة فى الخليط وتطلعيها وتمسحى فى منتصفها بصابعك اذا اتمسحت يبقى استوى واذا الخليط ضم على بعضه يبقى لسة شوية )
وبعدين اشيله واصفيه بالمصفاه واتركه لحد مايبرد ثم اضع عليه الكاكاو واقلبه كويس ثم اضعه فى ماكينة الايس كريم لحد ما تلاقيه على وهش و مسك حوالى من ربع لتلت ساعه تروحى حطاه فى الفريزر واذا معندكيش الماكينة يبقى تحطيه فى الطبق الاستنلس المدور (البسيمة ) على حمام مائى فيه ثلج مجروش وتفضلى تقلبى فيه تقلبى فيه بالراحة بالمعلقة البلاستيك العريضه لحد ما يمسك حوالى نص ساعه (لأ كان بياخد منى اكتر من نص ساعه ) ثم تضعيه فى الفريزر

آيس كريم الزبادى
كيلو حليب – 10 صفار بيض – 50 ج جولكوز(1/4 كوب) – 50 ج ذبدة (1/4 كوب) – 250 ج سكر( كوب وربع) – باكو فانيليا – 100 ج لبن بودرة (1/2 كوب)– 10 ج مثبت ومحسن آيس كريم (م ك )
300 ج ذبادى (6 علب )
الطريقة
نضع الحليب فى حله على التار ثم نضع اللبن البودرة والذبدة والجولكوز والمحسن ونقلبهم ونتركهم لحد ما الحليب يغللى . فى طبق غويط (البسيمة) نضع صفار البيض و الفانيليا والسكر وشوية حليب صغيرين علشان يلف معاكى كويس ونضربهم بالمضرب السلك اليدوى كويس قوى لحد مايتخلطوا ثم نضعه على خليط الحليب مع التقليب السريع لحد مايستوى ( وتعرفى انه استوى لما تحطى فى الحله سكينة او معلقة فى الخليط وتطلعيها وتمسحى فى منتصفها بصابعك اذا اتمسحت يبقى استوى واذا الخليط ضم على بعضه يبقى لسة شوية )
وبعدين اشيله واصفيه بالمصفاه واتركه لحد مايبرد ثم اضع عليه الذبادى واقلبه كويس ثم اضعه فى ماكينة الايس كريم لحد ما تلاقيه على وهش و مسك حوالى من ربع لتلت ساعه تروحى حطاه فى الفريزر واذا معندكيش الماكينة يبقى تحطيه فى الطبق الاستنلس المدور (البسيمة ) على حمام مائى فيه ثلج مجروش وتفضلى تقلبى فيه تقلبى فيه بالراحة بالمعلقة البلاستيك العريضه لحد ما يمسك ثم نضع له فاكهه او توت او حسب الرغبه حوالى نص ساعه (لأ كان بياخد منى اكتر من نص ساعه ) ثم تضعيه فى الفريزر

فراولة سوربيه
ك فراولة بيورية (يعنى هرسنها او فرمينها بالشوكة – ك سيرب خفيف بارد – 10 ج مثبت ومحسن سوربيه
السيرب المخصوص بالسوربيه
كيلو ماء + 600 ج سكر + ليمونة بعد الغليان
الطريقة
بعد ما السيرب يخلص ونتركه يبرد نضع عليه الفراولة والمحسن ونخلطهم ثم نضعهم فى الماكينة

مانجة سوربيه
ك مانجة بيورية (يعنى هرسنها او فرمينها بالشوكة – ك سيرب خفيف بارد – 10 ج مثبت ومحسن سوربيه
السيرب المخصوص بالسوربيه
كيلو ماء + 600 ج سكر + ليمونة بعد الغليان
الطريقة
بعد ما السيرب يخلص ونتركه يبرد نضع عليه المانجة والمحسن ونخلطهم ثم نضعهم فى الماكينة
كتبت : Blue Rose
-


سوربيه الليمون
ك عصير ليمون – ك سيرب خفيف بارد – ك ماء - 20 ج مثبت ومحسن سوربيه
السيرب المخصوص بالسوربيه
كيلو ماء + 600 ج سكر + ليمونة بعد الغليان

طاجن اللحم المعصج بالبيض
1/2 ك لحمة مفرومة – بصلة مقطعه – فص ثوم مهروس – 2 م ك صلصة – جزرة مبشورة – 2 ثمرة طماطم – ملح وفلفل – 3 بيضات – 2 م زيت زرة
الطريقة
نشوح البصلة فى الذيت ثم نضع اللحمة المفرومة ونقلبها ثم نضع الجزر وصلصة الطماطم ونقلب ثم نضع البسلة ونقلب ونضع ملح وفلفل وسنة ماء وايبه لحد ما اللحمة تستوى . ادهن صينية بالذيت واضع خليط اللحمة واساويه كويس ثم اكسر البيض واحاول انه يكون سليم على وش الصينية وادخله الفرن على درجة 180 لحد ما البيض يستوى

بطاطس على الطريقة المكسيكية
3 ثمرات بطاطس – جبنة مبشورة – 1/4 ك لحمة مفرومة معصجة – ملح وفلفل
الطريقة
نسلق البطاطس ونقسم كل واحدة نصين بالعرض من المنتصف واسيبها بالقشر زى ماهى. ادهن صينية بالذيت وارصص فيها البطاطس واحشيها بالعصاج واضع على وش كل واحدة شوية جبنة مبشورة وندخلها الفرن لحد ما الجبنة تسيح

سلطة اللحمة الباردة
قطعه روزبيف ناضجة – ثمرة فلفل اخضر واحمر – بصلة مقطعه شرائح – بقدونس مفروم – خل – ذيت ذرة – ملح وفلفل
الطريقة
اقطع اللحمة شرائح رفيعه ثم قطع ثم نضعها فى طبق وعليها الفلفل الشرائح والطماطم القطع وملح وفلفل وزيت زيتون وزعتر ونخلطهم مع بعض بالمعلقة ونقدمها

اللحم بالعجينة
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
1/4 ك لحم مفروم – بصلة مقطعه – ملح وفلفل – طماطم – زيت زيتون – فلفل رومى – صنوبر – سماق
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . فى طبق اضع البصل والفلفل والطماطم والملح والفلفل والسماق والصنوبر واللحمة ونخلطهم مع بعض كويس . نرش دقيق على الترابيزة ونفرد العجينة بالنشابة ثم نقطعها بالقطاعه دوائر ثم نضع على كل دائرة معلقة من الحشو ونقفلها من الاجناب ونضعها فى صينية مدهونة ذيت وندخلها الفرن لحد ماتستوى وتحمر

الخبز المحمر
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . نرش دقيق على الترابيزة ونفرد العجينة بالنشابة ثم نقطعها بالقطاعه دوائر ثم نحمرها فى الزيت حتلاقيها نفشت وانتفخت واحمرت خفيف تطلعيه وممكن ترشى على وشه شوية زعتر

سمبوسك
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
1/4 ك لحمة مفرومة معصجة – ملح وفلفل – صنوبر – سماق - بهارات
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح . نضع على اللحمة المعصجة الصنوبر والبهارات والسماق ونخلطها . نرش دقيق على الترابيزة ونفرد العجينة بالنشابة ثم نقطعها بالقطاعه دوائر دوائر ثم نضع على كل دائرة معلقة من الحشو ونقفلها زى القطايف كويس ونعمل اطرافها زى الضفيرة ونحمرها فى الزيت

دجاج محشى بالجمبرى
صدور فراخ – شرائح جبنة شيدر – ملح وفلفل – جمبرى صغير مقشر – ذبدة – كريمة – مربى توت احمر (او سماق او كبابة صينى )
الطريقة
نعمل فتحه فى الصدر من فوق زى الجيب وندخل فيها شريحه الجبنة وشوية جمبرى . نشوح الفراخ فى الذبدة من كل الجهات ونضع معاها فى المقلاية باقى الجمبرى ونشوحهم ثم نضع معلقة المربى ونقلب ثم نضع الكريمة ونقلب ونتركها لحد ما الفراخ تستوى

كبسة باللحم
ك لحمة قطع كندوز او ضانى – ك ارز بسمتى –2 جزرة مبشورة – 2 بصلة مبشورة – طماطم مكعبات – بصل محمر – 2 فص ثوم صحيح – زبيب – قرفة خشب – قرنفل – كركم – كبابة صينى – كارى – كمون – ك***ة – ليمون ناشف – جنزبيل – ورق لاورا
الطريقة
نضع ذيت فى حلة ونضع البصل والطماطم والثوم واللحمة ونقلبهم كويس ثم نضع كل التوابل ونقلبهم مع بعض كويس لحد ما اللحمة تستوى 3/4 سوى ثم نضع الارز والماء ونقلبهم ونتركهم لحد ما كله يستوى ثم نغرفهم فى طبق التقديم ونضع على الوش البصل المحمر والزبيب

جمبرى بانية بجوز الهند
جمبرى مقشر ونترك الراس والذيل – بيض – بقسماط – دقيق – ملح وفلفل – كمون – ثوم – قرفة – جوزهند
الطريقة
نضع على البقسماط شوية قرفة وشوية جوز هند ونخلطهم بالمعلقة. نتبل الجمبرى بالملح والفلفل والكمون والك***ة والليمون ثم نضع الجمبرى فى الدقيق ثم فى البيض ثم فى البقسماط ثم نقليه فى الذيت

طماطم مخللة
طماطم صغيرة – ملح وفلفل – كمون – ك***ة – ليمون – ثوم قليل -فلفل حامى
الطريقة
نعمل قطع بالسكينة فى الطماطم من فوق . نضع كل مع بعض ونخلطهم كويس ثم نحشى بيهم الطماطم وممكن نضع خلة فى كل طماطماية

المايونيز
م ص مستردة – بيضة – كيلو زيت – ملح
الطريقة
نضع المستلردة والبيضة فى طبق غويط ونضرب فيهم كويس ثم ننزل بالزيت بالراحه على هيئة سرسوب رفيع قوى لحد ما المايونيز يتكون ثم نضع م خل ( علشان المايونيز يبيض) مع الاستمرار فى الضرب بس شرط يكون الضرب فى اتجاه واحد ثم نضع الملح والفلفل

اقراص اللانشون البانية
1/2 ك لانشون بيفى – 2 بيضة مخفوقة – 1/2 كوب دقيق – بقسماط ناعم – ذيت للقلى
الطريقة
نقطع اللانشون دوائر ثم نضعه فى الدقيق ثم فى البيض ثم فى البقسماط ونحمره فى الذيت

سلطة التونة
2 علبة تونة صغيرة مصفاه من الزيت – ثمرة فلفل رومى احمر مقطع ناعم - – م بقدونس مفروم – بصلة ناعمه
الطريقة
نضع كل المقادير على بعض ونخلطهم ونضعهم فى طبق التقديم

سلطة البطاطس بالبسلة والكارى
2 ثمرة بطاطس مسلوقة – 1/2 كوب بسلة مسلوقة – م ص كركم – فص ثوم مهروس – ملح وفلفل – م زيت ذرة
الطريقة
نضع كل المقادير على بعض ونخلطهم ونضعهم فى طبق التقديم

سلطة الجبنة
2 قطعه جبنة قريش – ثمرة فلفل احمر مقطعه ناعم – م بقدونس مفروم ناعم – م ص زعتر – م شطة – ملح وفلفل
الطريقة
س الجبنة بالشوكة ثم نضع كل المقادير على بعض ونخلطهم ونضعهم فى طبق التقديم

عجينة الفطائر والسمبوسك
بحشوة التونة
العجينة
العجينة (3 كوب دقيق - 1/2 كوب زيت – 3/4 كوب ماء – ملح – 1/4 م ص سكر – م طعام بيكنج بودر )
الحشو
2 علبة تونة صغيرة مصفاه من الزيت – ثمرة فلفل رومى احمر مقطع ناعم - – م بقدونس مفروم – بصلة ناعمه
طريقة الحشو
نضع كل المقادير على بعض ونخلطهم
الطريقة
لعمل العجينة ,,, نضع الملح والسكر والبيكنج بودر على الدقيق ونخلطهم ثم نضع الذيت ونفركهم ثم نضع الماء ونعجن لحد ماتتكون عجينة متماسكة ثم نتركها ترتاح نص ساعه. نرش دقيق على الترابيزة ونفرد العجينة بالنشابة ثم نقطعها بالقطاعه دوائر ثم نضع م حشو كبيرة فى منتصف كل دائرة ونقفلها من 3 جهات زى المثلث و نحمرها
الصفحات 1  2  3 4  5  6  7  ... الأخيرة

التالي

ألوان الطعام الصناعية خطر على صحة الأطفال

السابق

فطيرة بالجبنة على الطريقة اليونانية

كلمات ذات علاقة
أكلة , بلد , برنامج , وصفات , كل