تنحيف الزنود

شوفي اتركي الخزعبلات هذي و الخلطات اللي ما لها داعي
بالله ايش راح تسوي هالمواد بالشحم و الدهن و العضلات اللي تحت الجلد ؟
بتذوبها يعني ؟ و ليش ما تذوب الجلد اللي فوقها اذا لها فايدة ؟
من خبرتي بالرجيم و الرياضة ...أنا كان عندي سابقاً زنود بس استخدمت أثقال خفيفة يعني 2 كيلو تقريباً و أنا جالسه قدام التلفزيون يومياً من 15الى 20 دقيقة
نزلي تمارين الزنود المتنوعة من اليوتيوب أو أي منتدى تمارين و سوي زيها بالضبط
مرني اليد اليمين لحد ما تتعب بعدين انتقلي لليسار لحد ما تتعب
استريحي دقايق و ابدأي مره ثانيه
اذا سويتيها يومياً راح تشوفين الفرق بعد شهر و نصف تقريباً أو شهرين لأن العظلات تاخذ وقت على ما تنشد
أنا وزني 55 و كنت أسويها يومياً تقريباُ لمدة 4 شهور و الحين فرق 180 درجة
انتي بس التزمي بالتمارين ...و لا أحد يقولك تطلع عظلات و مدري ايش ...هذيك الأثقال اللي فوق ال10 و 15 كيلو حقة الرجال
بعدين لازم تنحفين لأن اليدين عندك هي مركز تجمع الدهون ...عشان تساعدين التمارين تطلع نتيجتها بسرعة

حبيبتي انتي ركزي على التمارين للجزء الاعلى من الجسم وتمارين البطن روعه والاهم تعودي تشدين عضلات البطن الى الداخل وبتصيرين مع الوقت متعوده تلقائياعلى شدها والله ييسر لك

أنـــا مع " منى دايت " في كل كلمة قالتها الصراحة، و أنا بعد أستخدم الأثقال بس 2 كيلو، لكن إلها تأثير، و أنا لي زنوود الصرحة لكن أحس بدت تتغير يعني بس يبغيله وقت شوي ، و أنا لاحظت شي ممكن يخفف الزنود عندج، يوم تحركين إيييدج في المشي، و لو كان جري يكون أحسن لأنه الحركة بتكوون أقوى هالشي بيساعدج و بينشد حتى جسمج ..

و عن البطن، و هذا مجرب مني، قريت مره في مجله عن هالشي، و هذا نوع من أنواع الفواكه يساعد على إنه يدخل البطن، و بالذات مع الرياضة يعطي نتيجة، و أنا الصراحة لاجظت هالشي على بطني، و أنا و كل يوم آكله يمكن إسبوع تقريبا، فمرة كنت طالعه فإستغربت من البنطلون وسع شوي قلت شو السالفة، رديت البيت شفت بطني عدل حسسييت إنه في تغييرات بطني غير ..

و الفاكهه هي ما أعرف شو إسمها بالعربي بس بحطلج صوورته و إسمه " بلو بيري " كلي العصر أو وقت الضحى بس كلي بإعتدال مب تبالغين فيه ..

و على فكرة 155 جرام، أو كوب واحد من بلو بيريز يعادل 79 سعره حراريه