حمله لا للصحوبيه
مجتمع رجيم / مسجات الجوال
كتبت :
روميساء
-
لأ لأي حاجة غلط
واكيد لأ لاي حاجة حرام
الحق مايزعلش حد
وعالاقل الاصول اللي اتربينا عليها مش المفروض نرميها ورا ضهرنا بالشكل ده
اساسا الراجل المسلم مش من حقه مجرد انه يلمس واحدة اجنبية عنه
والبنت المسلمة مش من حقها مجرد انها تخضع بالقول لأي راجل
بس اللي بيحصل اكتر من كده... بكتير
في الاول كنا بنعديها وبنقول دي صداقة ..دي زمالة
لكن اللي بيحصل بيشوه اصلا المفهوم البرئ لكلمة صداقة
كل ده ليه ؟؟؟؟؟؟؟؟؟
علشان ناس من بيننا بتستغل كلمة صداقة و بتعمل حاجات ابعد ماتكون عن اي حاجة بريئة
او بمعنى ادق...علشان احنا ساكتين على اللي بنشوفه كل يوم حوالينا
وهنا النقطة اللي بنتكلم عنها
هي دي مشكلتنا.. ودي قضية الجروب
في حاجات غلط بيعملها ناس بيننا وبنشوفها كل يوم ومش بنقول لأ
وفضلنا ساكتين عالغلط ده
للدرجة اللي خلت الناس تاخد فكرة سيئة عن كل الشباب
"احنا ضد علاقات البوي فريند والجيرل فريند
وبنرفض اي شكل من الاختلاط الغلط
اللي الناس بتستخدمه عشان تبرر التصرفات المبالغ فيها بين ولاد وبنات"
لو انت معانا ماتسيبناش نكلم نفسنا
اتكلم ودعمنا برأيك وقول انك ضد حاجة زي دي
لأن احنا عايزينها مسألة رأي عام
و عايزين نوصل للشباب كله ان الثقافة دي غلط
ولو انت مش معانا
قوللي ايه بالظبط اللي انت مش موافق عليه
وخلينا نتكلم
عشان هو ده فعلا اللي الجروب ده اتعمل علشانه
هي محاولة بسيطة مننا اننا ندعو البنات والشباب الي الفطرة التي خلقها الله علينا
ان نعود الي العفة
قلبي ملك ربي
هو ده الشعار الذي اختاره ا.مصطفي لنا
احنا هدفنا في الجروب ده
ان كل واحد فينا يراجع نفسة ويعرف ان الصحوبية دي عمل الشيطان بس اللي بيقوللنا انه صح زي حاجات كتير ضحك علينا فيها
و لو حد عنده مشكلة يتكلم معانا
بس خلينا نتكلم
