فطير سهل و غير مكلف

مجتمع رجيم / المعجنات و الحلويات

كتبت : *القلب الطيب*

اخواتى الغاليات
جبت لكم اليوم طريقة سهلة و بسيطة لعمل فطير انا و الله لسة عملاة الان و طلع روعة
فقلت لية ابخل على اخواتى و لية ماعطيهمش الطريقة
بصى يا ستى
اول حاجة ان الطريقة دى مقديرها و الله العظيم بالبركة
جبت واحد و نص كيلو دقيق _ و حوالى واحد و نص كوب لبن _و قطعة خميرة بيرة فى حجم الليمونة_ حوالى كوب و نصف زيت نباتى اى نوع _ و حبة ملح _ وحبة فلفل و رشة جنزبيل مبشورة_ و 3 بيضات و ملعقة سكر
والحشو
ذى ما تحبى انا عملتة بالسبانخ(طبعا بيضحكوا علينا فى السوق و بيعطونا السلق على انة سبانخ و احنا بنعملة و نطنش ) ما علينا
و عملتة ايضا بالجبنة البيضة
الطريقة
الاول بجيب الدقيق ( الطحين) و نتبلة بالملح و الفلفل و الجنزبيل و قليل من مرقة ماجى الفورية
و بعدين ابس الدقيق بالزيت
ثم اضيف البيض ثم اضيف الخميرة بعد ما اكون وضعاها على جنب فى طبق مع قليل من اللبن الدافئ و ملعقة السكر و عندما ترتفع قليلا اضيفها على الدقيق و الزيت و البيض
و اتركها حوالى ساعتين لتخمر و بعد ذلك و دى اهم شئ سخنى الفرن على اعلى درجة
ثم كورى العجين كور صغيرة و احشية و اتركية فى الصوانى لمدة 10 دقائق ثم ضعية فى الفرن الى ان يحمر لونة
و بالهنا و الشفا

كتبت : white rose