من خبرتي بالرجيم .... أسهل و أسرع طريقة لنزول الوزن برمضان ...كل سنة أطبقها و أستفيد

مجتمع رجيم / الحمية و الرشاقة و الرجيم
كتبت : منى دايت
-
هاي بنوتات
بأذن الله ع العيد تصيرون أحلى رشيقات

نصيحتي لكم من خبرة سنوات بالدايت

الأكل الصحي + الرياضة = أسهل و أظمن طريق للرشاقة

يعني لا أحد يكذب عليك و يقول آيس كريم دايت !!
مكرونة بالجبن دايت !!

الله يستر لا يقولون لقيمات دايت !!
شوفي ..القضية مو النوعية و بس ...القضية نوعية الأكل و كميته

يعني عادي لو تاخذين صحن صغير مكرونة أي نوع تحبينه ---بس صحن صغير مع سلطة
انتي كذا تحكمتي بالكمية ..و النوعية حسنتيها بالسلطة لأن المكرونة بالبشاميل نشويات و بروتينات و كالسيوم و اضفتي كل اللي ناقص بالسلطة .. و قيسي عليها أو طبخة تشوفينها قدامك
-كمية + نوعية - راحة ضمير لأنك أكلتي من الشي اللي تحبين بس ما خربتيها و كثرتي

و بما أننا برمضان ... الله يتقبل منا و منكم خواتي الغاليات

بعد التمر و الماء ..و الصلاة .
1 حبة سمبوسة بالفرن + 1 حبة فطاير بحشوة صحية بدون زيوت +صحن صغير شوربة أي نوع + سلطة
يعتبر افطار صحي جداً و مستحيل يسمنك ..

بعد التراويح اشربي ماء أو شاي أخضر و سوي رياضة مشي ساعة - هرولة -جهاز اذا عندك

بعدها بساعة أو نصف ساعة خوذي لك حبتين فواكة اللي يعجبك -يكفي انها مليانة فيتامينات و معادن و جسمك و بشرتك محتاجها و بقوه ..
غير ان الفواكة أفيد و اسهل للهضم اذا أكلتيها على معده فاضية ..

ليش الناس ينسونهم برمضان ؟؟
.... ...كل ohmy.gif
و كأن هالشهر الفضيل حرام تاكلين فيه شي خفيف و صحي بساعدك على العبادة بدل هالدسم اللي راح يجيب لك تخمة و ثقل و راح يجرك و يغريك تاكلين أكثر و أكثر

فيه مثل عندنا يقول ( النوم يجر النوم)

يعني النوم الكثير غالباً يغريك دايماً تنامي أكثر و أكثر ..و تصيرين خاملة أكثر ..

و أنا أقول ( الJunk Food يجر الجنك فوود و الأكل الصحي يجر الأكل الصحي )

اذا جعتي بأمكانك تبكرين السحور ..
أو تاخذين شي ع السريع ,,,زبادي مع 3 تمرات
أو
حبة بسكوت صغيرة
أو
حبة معمول مع قهوة
أو
حبة فطاير مع شاي

السحور نفس الطريقة اي شي صحي خفيف مع سلطة عشان تملا بطنك و تزودك بالحديد و تنحاشين عن فقر الدم
(-:

سحوري غالباً بما أني فاشلة بالمطبخ ( و لا فخر )
(-:
آخذ 2 توست بر أو شريحة تورتيلا بر مع أي شي بالثلاجة (بيضة _ملعقتين فول_ بقايا حشوة السمبوسة _ صوص البيتزا ....الخ ) + سلطة و أكرر سلطة خليها صديقتك بعد الوجبات برمضان و غيره ...

الرجيم أكل صحي متنوع ملون لذيذ غني بالفوائد عشان يساعدك على الرياضة و يطرد من جسمك المواد السامة اللي تحببك بال Junk Food و الأكلات اللي ضررها أكثر من نفعها ..
الا اذا استهبلتي و مديتي ايدك على الحلويات ...
و مصختيها بزيادة ...و أكلتي 3 او 5 قطع !!

انا اللي دايماً اللي اقنع فيه نفسي اذا اشتهيت شي حالي أو دسم أقول طوووول عمري أزط بهالأكل و ما فادني
)-:
شحوم و مغثة و جسم بايخ و شهور يالله نزلتها ... بعدين رمضان أسهل فرصة للرجيم و أسرع لأنك طووول اليوم صايمة و لو اضفتي شوية تمارين تنزلين كيلوات محترمة بآخر الشهر ...

لا أوصيكم ...قبل الفطوب بساعة أقل شي تمارين لمدة نصف ساعة الى 45 دقيقة و اذا ودك خليها ساعة ,,,وش خسرانه ؟
شوية شحوم ؟ خليها تروووح

احنا بنات و رانا عيد و كشخة و حياة بنعيشها بثقة و ملابس حلوة
(-:
بالنسبة لي..

نظامي من العام و اللي قبله نوعين تمارين
قبل الفطور دراجة 20 دقيقة + 10 دقايق أوربترك
+
تمارين شد لجميع مناطق الجسم

بعد التراويح مشي ساااااااعة

تمنياتي للجميع بأوقات عامرة بذكر الله و عبادته و شكر نعمته و من ظمنها الجسم السليم و الأكل الخفيف

و لا تنسوا قول الرسول صلى الله عليه و سلم ( نحن قوم لا نأكل حتى نجوع ...و اذا أكلنا ...( لا نشبع )

لو نطبق معادلة عدم الشبع بكل أكله تدخل أفواهنا كان مستحيل نسمن ...بس مشكلتنا ال over -eating
الأكل فوق الحاجة و كأن الأكل بينقرض ...

وفقكم الله ..و حقق أمنياتكم ..
كتبت : cool lady
-
تسلمي يا عمري على هذا كلام الجميل

والأسلوب الراقي جدا


..... بصراحة نصائحك



ذهبية ولو عملنا بها رح اكيد ننحف


تحياتي لك و موفقة ....







كتبت : بنت سقطرى
-
شـكــ وبارك الله فيك ـــرا لك ... لك مني أجمل تحية .
كتبت : فارسة التحدي
-
ماشاء الله عليك فعلا كلامك صحيح ميه بالميه

وبالنسبه للفواكه مشكلتي تعودت من صغري ما آكلها هي والسلطة

عشان كذا فيه صعوبه اني آكلها الحين,,احس اني مجبورة عليها وتلقيني لازم اضيف لها محسنات (صوص)بس بعد الريجيم احاول اخلي الصوص دايت


نظامك رووعه برمضان

والرياضه صعب اعملها مثلك قبل الفطور لاني بهالوقت في المطبخ,,

فاضطر اعملها بعد الفطور بساعتين وتعالي شوفي انواع الكسل

بس اجبر نفسي

وبدل ما اجلس ع التلفزيون واتفرج ساعتين وآكل فيهم مالذ وطاب من السناك ,,

غيرت هالعاده في اني اتحرك واتفرج بنفس الوقت ,,

ربي يعين

يعطيك العافيه
كتبت : %nano%
-
رائع يا منى انا باحب اشوف ارائك قوى كل سنة وانتى طيبة
كتبت : احلام وزردية
-
موضوع اكثر من رائع جزاك الله كل خير بس ما قلتلي اختي انتي عندك تجربة مع الرجيم يعني نحفت ؟؟ والله يوفقك يارب ويزيدك يارب
الصفحات 1 2  3  4  5  ... الأخيرة