اتركيها على الله

السلام عليكم

انا اختكم امه الرحمن بقالى مدة كبيرة جدا مدخلتش هنا

انا عيزة اجيلكم قصتى علشان محدش يزعل من تاخر الحمل

انا بقالى 3 سنين كنت متزوجة ومحصلش حمل وكانت المشكلة عند الزوج ومكنش ليها حل غير اطفال الانابيب وكان كل الناس لازم تقولى لازم تحسبى ايام التبويض ولازم متقوميش بعد العلاقة غير بعد ساعتين ولازم ترفعى رجلك وكل الحاجات الى انتو حفظينها وكنت بعملها كلها برغم انى عرفة انه مفيش فيدة
وكانت العلاقة الزوجية طبعا غلسة جدا بالنسبة ليا ولزوجى لانها زى متكون مترتبة واداء واجب وليها قواعد حاجة كنا بنتحنق منها جدا
وقررنا اننا نعمل العميلة اخيرا برغم انها مش دايما بتنجح من اول مرة ولانها غلية جدا قررنا ناجلها شوية لحد منحوش فلوسها
ونزلت انا وزوجى اجازتنا فى مصر ورميت الحمل ورايا كنت نزله استمتع بوقتى وعشنا حياتنا وكل الحسابات الى فاتت كنا بنعملها عكسها تماما يعنى بعد العلاقة مباشرة كنت بقوم اخد شاور علشان اخرج اصل الاجازة صغيرة ورحت اسكندرية وكنا فى الشتا وكانت فضية تماما وكنت بجرى على الشاطئ وكنت بقع كتير جدا وسافرت وتاخرت عندى البيريود وبرده مهتمتش لانى عرفة انه مفيش فيدة
وسبحان الله اكتشفت انى حامل بعد ضغط من سلفتى انى اعمل اختبار الحمل لانى كنت تقريبا بعملها كل شهر وكنت خلاص اتعقدت منها وقررت انى عمرى معملها تانى
وفضلت فترة كبيرة معتقدة انه هينزل بعد كل التنطيط والسفر وركوب الطيارة ومواصلات مصر وانتو عرفين الطرق عندنا كويس
والحمد لله رب العالمين اشكره واحمد فضلهرزقنا باجل بنوته فى الدنيا حلا ومحدش كان مصدق وحتى الان بقول سبحان الله لانه كان مستحيل
يوم الخميس القادم 25 هتم شهرين هى صحيح مطلعة عينى ومش بتخلينى انام بس ربنا يرزقكم كلكم يا رب
انا طولت عليكم بس ان قصدى اقول ان مهما تعملى الى ومهما يكون مفيش امل فان كل شيئ بيدى الله سيبى الامور على ربنا ومارسى حياتك عادى عالجى المشكلة الى موجودة بس سيبيها على ربنا.

ارجو تثبيت الموضوع ليكون امل لكل من لم يرزقهم الله بعد

ماشاءالله يحفظ بنوتتك

بسم الله ما شاء الله تبارك الرحمن

الله يحفظلك اياها اختي ويجعلها من الذرية الصالحة

جزاك الله خيرا على التشجيع