طريقتى لشعر مفرود وكثيف
مجتمع رجيم / العناية بالشعر و قصات الشعر تسريحات جديدة
كتبت :
كريستاله
-
كيفكم يا وردات المنتدى الجميلات
عندى ليكم طريقه حلوة اوى وان شاء الله سهله لفرد الشعر وهى مفعولها مستمر فى الشعر لمده اسبوع
وهى اولا بتاخدى الدش عادى جدا وطبعا الشامبو والبلسم كالمعتادوبعد تسريح الشعر مع ملاحظه عدم دهنه باى نوع كريم او زيت
تقسمى شعرك لانك هتلفيه بالرولز وهو لسه مبلول اوعى تسيبيه ينشف ولاحظى وانتى ما سكه الخصله اللى هتلفيها على الرولز تسرحيها وتفرديها كويس وانتى بتلفى وتقفلى عليه البنسه كويس
ونستنى لحد اما الشعر ينشف تماما ونفك الرولز كلها هتلاقى شعرك لانه مش مدهون مبروم اوى عادى هو ده المطلوب المهم تبتدى تدهنى شعرك وتسرحى الشعر كله وترجعى تااااااااااااانى تلفيه
بس مش رولز لا طقيه وتفرديها كويس وياريت تعملى الطريقه اللى الشعر بيتلف بيها من غير بنس خالص وبعد نص ساعه بالكتير فكى شعرك وشوفى النتيجه
شعر مفرود وكثيف فى نفس الوقت
الطريقه دى بعملها لنفسى ولبنتى ودى تجربتى الشخصيه ومش منقوله ومستنيه منكوا تقولولى النتائج
