الحرب القادمة في شهر رمضان علي المسلمين

مجتمع رجيم / أرشيف رجيم
كتبت : فطومة محمد
-
السلام عليكم

كيف حالكم اخواتي في الله

كان الصحابة قبل رمضان بستة اشهر يقولون اللهم بلغنا رمضان ويستعدون لهذا الشهر الفضيل

وللاسف حال المسلمين اليوم تبدل من حال الي حال ولا حول ولا قوة الا بالله

وحال افعالهم انهم يستعدون للمسلسلات والرقص

واسمحولي اقول الزنا العلني اقسم بالله لا اري وصف اقل من ذلك

بجد حسبي الله ونعم الوكيل

وبالذات القناة اللي من اول لحظة في اليوم لاخر لحظة مسلسلات مش بتفصل الاعشان الفواصل اللي

هتجبلهم فلوس طبعا انا اقصد انها بتجيب مسلسلات في رمضان ال24ساعة

واللي يخنقني في هذه القناة انها في الايام العادية بتجيب برنامج يخص الدين والحياة وطبعا فيه

الدكتورة الفاضلة عبلة الكحلاوي وياعيني الدكتورة ماتقولش كلمتين الا لما تقولها مقدمة البرنامج

ماما عبلة طب معانا فاصل وطبعا الفاصل عبارة عن ايه اعلانات عارية ويعلنو عن المسلسلات

القادمة بالشهر الفضيل وحسبي الله ونعم الوكيل يعني ياسلام الواحد يبقي صايم وقدامه قمصان النوم

معلش انا اسفة بس والله فعلا هو ده اللي هما بيلبسوه انا والله مكسوفة وانا بكتب الكلمة ولكنهم

ناس تجردو من كل مبادئ الحياء والاحتشام لكي يظهرو لنا بها

ومما يغيظني ايضا برنامج ديني ع القناة شغال وحاطين علي جنب المسلسلات الرمضانية يعني انا

عايزة اسال هو ده استعدادهم لرمضان

وكله كوم وبرنامج البنك اللي بيجي علي نفس القناة كوم تاني وطبعا مقدمة البرنامج لبسها

كتييييييييير مستفز يعني يوم حمالة وحمالة يوم من غير حمالات خالص وده بجد مش كلام مجازي

علي فكرة انا مش اقصد اتكلم ع القناة نفسها لانها اصلا لاتعنيني لكن مايعنيني انها ليل نهار تقولك

في رمضان اقوي المسلسلات طيب ده حتي مش بيسيبو الناس تتنفس لوقت الصلاة

وحسبي الله ونعم الوكيل

واخيرا اللهم بلغنا رمضان علي خير وبركة

وابعد يارب عنا الفتن ماظهر منها ومابطن واهلك يارب اعداء الدين ان لم يهتدوا

اللهم اهدينا جميعا

اللهم خذ بناصيتنا الي البر والتقوي ومن العمل ماترضي برحمتك ياارحم الراحمين يارب العالمين

بقلم اختكم الحزينة علي احوال المسلمين فطومة
كتبت : كلمة صدق
-
يا سلاااام يا فطومة .. والله كلامك جميل جدا ..
ومش القناة دي بس .. فيه قنوات كتير كده
بداية من art والى اخر قناة ممكن تفتح في اي وقت ..
انا فاكرة زمااااااااان وانا صغيرة كانوا هما مسلسلين بس اللي بنشوفهم في رمضان .. رأفت الهجان وليالي الحلمية .. والفوازير بتاعة نللي او شريهان وبتكون بعد الفطار
طبعا الكلام ده من اكتر من 15 سنة ..
دلوقت بقى .. مافيش وقت لاي حاجة غير المسلسلات وبلاوي التليفزيون .. قبل الفطار وبعد الفطار
السنة اللي فاتت كان فيه برنامج على mbc بتقدمه مذيعة والله العظيم اقل ما يقال عن بلوزاتها انها بيبي دول مش قمصان نوم ههههههههه والبناطيل الجينز الضيقة والمكياج الصارخ والدلع والمياصة والسهوكة ..
بجد انا مش عارفة الناس اللي زي كده بيصموا رمضان اصلا .. ولا حتى يعرفوا ان المفروض انهم يصوموه .. اعتقد انهم فاهمين ان رمضان ده للمسلسلات والفوازير .. وعروض الازياء واللانجيري ..

ربنا يعينا على ما نراه هذه الايام من الفتن

شكرا لك فطومة على موضوعك
وتم التقييم
كتبت : Romantic Princess
-
والله العظيم معاكى مليون حق والمصيبة إن القنوات بتتنافس بين بعضها فى كمية المسلسلات اللى هتعرضها واللى حصري واللى مش هتلاقيه على قناة تانية والاسوأ ان الممثلات بيلبسو اللى على مزاجهم ناسيين انه شهر كريم ...نخلص من المسلسلات ندخل ع البرامج والمسابقات وملابس المذيعات وحتى لو المذيعة لابسة كويس تلاقيها بتتكلم بطريقة مدلعة .....من الآخر الواحد أحسن مايفتحش التليفزيون فى شهر رمضان عشان صيامه يبقى سليم
كتبت : %nano%
-
هههههههههههههه

على فكرة يا فطومة

انا مش با تفرج خالص على القناة دى

والحمد لله
بطلت اتا بع المسلسلا ت فى رمضان

من سنتين او تلا تة

وربنا يثبتنى

تسلم ايديكى على الموضوع
كتبت : فرفوووشه
-
تسلم الايادي
عزيزتي
صحيح كلامك للأسف هذا الحال موجود بجميع القنوات الا من رحم الله
لان غرضهم تجاري ولكن اهم شئ الانسان يفكر بعقله
ويستغل وقته برمضان بما يرضي الله
الله يكتب لنا الاجر ويعيننا على عبادته
كتبت : رقة زمان
-
فطومة موضوعك كعادتك رائع فعلا حبيبتى دى بيحصل و بيضيقنى جدا انا لسة و الله قايلة للولاد من كام يوم هو دى بقى الاستعداد لرمضان و الله مش القناة دى بس يا بطوط دى كتير بس انا عارفة قصدك انها بتكون طول السنة بتعرض بعض البرامج المفيدة بس بتخيب فى رمضان صح فعلا معاكى حق
بس انا و الحمد لله مش بشوف اى مسلسل و لا اصلا بقيت احب التليفزيون
بس ساعات كدة بتفرج مع الولاد على كريمة كريمة ههههههه اصلها مضحكة اوى
عارفة يا فطومة احنا كلنا ممكن نامن بعض على عدم مشاهدة الا النافع فى رمضان ماشى
احبك فى الله
الصفحات 1 2 

التالي

خطوه بخطوه لحصول على جسم سمباتيكي

السابق

جبتلكم اليوم أقنعة طبيعية للبنات اللى تبغى بشرة حيوية ونضرة بالوزماري

كلمات ذات علاقة
المسلمين , الدرة , القادمة , رمضان , شهر , على