مين حابه تسوي نيو لووك بالعيد والكل ينصدم فيها واول كلمه يقولونها وااااااو؟؟ شاركوني بيومياتي لمده شهرين : )
مجتمع رجيم / أرشيف رجيم
كتبت :
miss No0oNe
-
بناااااات انا قررت اغير نفسي 180 درجه
ابغى اسوي نيو لووك واسوي مفاجأه لكل قريباتي يوم العيد وما يعلقون غير وااااااااو شلووون سويتي كذا ؟؟!!
فيا بنات انا حابه تشاركوني بيومياتكم لمده شهرين وكل وحده تحط نظامها اللي راح تمشي عليه ونشوف مين راح تفاجئ كل الناس بيوم العيد وتلبس اللي عمرها ما حلمت تلبسه (ياااااي تحمست) .. تروحين للسوق وانتي واااثقه انك راح تلقين مقاسك بكل المحلات مو بس محلات معينه وفوق كذا يطلع اللبس مرتب وحلو وثقتك بنفسك تزيد واهم شي اذا انتي طالبه مثلي تروحين بداية الدوام وتشوفين نظرات الاعجاب هذا اذا عرفوك اصلا هههههههه
واذا انتي مو مخطوبه اضمن لك من اول زواج تحظرينه من بكرا الخطاب طابور عند باب بيتك هههههههه
8
8
هاذي مقدمه بسيطة عشان تتحمسون معي
وهالحين شوفوا نظامي اللي راح امشي عليه ..ممكن يعجبكم او امشوا على النظام اللي في بالكم ..
6 أيام >>> رجيم طالب الشمري
يوم رجيم التفاح
6 أيام >>> رجيم طالب الشمري
3 أيام >>> رجيم السوائل
وهالنظام عشان ما يثبت الوزن
وتتكرر .. وطبعا رمضان له رجيم خاص راح انزله بوقته
رجيم طالب الشمري :
الفطور :- شاي+ حليب + سكر عادي
او:- كباتشينو اي نوع
الغدا :- توست من 1- 3 - + (همبرجر / مورتديلا / تركي) ( تختارين واحد منهم حبه وحده بس ) + جبن سلايز (شرائح )قليل الدسم او خالي الدسم + خس و طماطم و خيار + بيبسي دايت
او :- همبرجر مشوي 2 او كباب مشوي 2 + خس و طماطم و خيار و جزر و جرجير
او :- سندويش اي نوع + بيبسي دايت
العشا : - توست من 1-3 + جبن سلايز ( شرائح ) من 1-2 + خس و طماطم و خيار + بيبسي دايت
او :- 1 كرواسون ساده حجم وسط ( مثل لوزين أو هرفي ) + بيبسي دايت كرواسون
التوست اسمر ,, يمكن الاستغناء عن البيبسي دايت ويمنع استبداله بالعصير
الفواكه ممنوعه ,,يمكن تبديل الغداء مع العشاء
هالرجيم انا جربته نزلت 3 كيلو ونص باسبوع مع العلم ان الدكتور يقول انه ينزل 8 كيلو باسبوعين
وطبعا رجيم السوائل الكل عارفه
وبالنسبه للرياضه انا راح امشي لمده ساعه 5 أيام بالاسبوع على الاقل
و يوميا 10 دقايق على جهاز الستيبر
وطبعا ما راح انسى آخذ فيتامينات وحديد وفوليك اسيد << يقولون ممتاز للشعر ,, يفضل تروحين للطبيه تصرفها لك .. بس ضروري تآخذينها عشان ما يجي العيد وانتي مصلعه والا وجهك شاحب وارهاق تحت عيونك
وبس هذا نظامي ..
واليوم اول يوم لي .. طولي 162
وزني 80،3
ويالله بناااات عشان نتحمس وما يجي العيد الا وحنا رشيقات و حلواااات
