موضوع محير صح ؟؟

ازيكم يا احلى بنات
انا حبيت اخد رأيكوا فى موضوع محير


اكيد عاوزين تعرفوا ايه هو الموضوع


طيب خلاص هقول اهه

الموضوع هو كتب الكتاب

ناس كتير يقولوا كتب الكتاب هو خطوبه لحد ما ربنا يسهل وتتم الدخله وده كان رايى ان اقصى حاجه يشوفها انها تقعد ادامه بشعرها

بس سمعت شيخ من الازهر فى برنامج كانوا بيتكلموا عن كتب الكتاب
فقال هى مراته شرعا وقانونا يعنى تقعد حتى بقميص النوم
لكن الحاجه الوحيده المرفوضه هى الجماع
لكن اى شىء تانى بينهم مباح
انا استغربت لما سمعت كده وقلت لا بردو يبقى ايه الفرق بين كتب الكتاب والخطوبه
بس بردو محتاره ايه الصح
هو الشيخ قال انها مراته وده حقه عليها

انتوا ايه رايكوا بقى يابنات؟؟

يشرفني اكون اول وحده ترد عليكي .
فعلا الموضوع محير يعني لو أخدناه من الجانب القانوني حتكون مراتو وليه كل حقوق الزوج على زوجتو حتى يقدر يطلبها في المحكمه. لكن من الجانب الديني مكنش فيه حاجه اسمها خطوبه او كتب كتاب كانت نظره شرعيه يعني يشوفها عند اهلها ومن حقو يشوف شعرها كمان وبعدين اشهار يعني فرح بشرط وجود الولي يعني ولي الامر ومفيش اوراق او توثيق دي حجات القانون اضفها عشان يحفظ حق المرأه. انما دلوقتي من وجهة نظري الي بيحكمنا لا الشرع ولاالقانون انما العادات وبس وفي عاداتنا المكتوب كتابها زي المخطوبه المفروض تكون في حدود للعلاقه وانا شخصيا اعرف بنات كتير اطلقت بعد كتب الكتاب لأنها سمحت لخطبها او يبأه جوزها معرفش بالتمادي معاها شويه بس وفي المقابل نزلت من نظرو وسبها لأن عاداتنابس بتقول كده والراجل الشرقي هو كده.
اسفه على الاطاله بس موضوعك شيق جدا وبالتوفيق

حبيبتي جنة الايمان (( كتب الكتاب )) هو زواج شرعا امام الله عز وجل واذا صار اي شي بين المخطوبين خلال هذي الفترة لا يعتبر حراما لانها زوجته شرعا حتى اذا زارها او بينت مفاتنها امامه يكون حلال او حتى طلعو مع بعض اما الدخلة والعرس هي عبارة عن اشهار للزواج امام الناس اما من الناحية الشرعية انتي زوجته وهو زوجك شرعا من الحضة الي كتبته فيها كتابكم ..... بس عشان العادات والتقاليد انه مش لازم يصير شي لغاية العرس ......

الدب الكسلان
تسلمى حبيبتى على ردك
بس انا اعرف ناس كتبت كتابها ومش عملت فرح كمان وعلطول سافرت لجوزها فى الخارج وعلى كده
يعنى الفرح ماهو الا اشهار وروتين بنعمله عشان نفرح
بس على فكره انا فعلا اهم حاجه عندى الفرح لانه حلم كل بنت
وفعلا الواحد مش عارف النصيب فين البنت لازم تحافظ على نفسها لحد ما تدخل بيت جوزها ومش تفرط فى حاجه الا بعد الفرح ان شاء الله
ميرسى يا جميل على ردك تسلميلى

اسيرة الاحزان

تسلمى حبيبة قلبى على ردك
كلامك صح
بس فعلا العادات والتقاليد اللى فى مجتمعنا بتحكمنا كتير
بس فعلا كتب الكتاب هو زواج قانونا وشرعا لكن مش معنى كده ان هو مساوى للدخله لا طبعا اكيد فيه اختلافات بينهم
بس اللى بسال عليه البس يكون حدوده ازاى مثلا فى الفتره دى ؟؟
ميرسى يا قمر على ردك

ايه يا بنات 16 مشاهدة فين الاراء