انا خلاص فاض بية والله

مجتمع رجيم / فضفضة
كتبت : ام رؤى وجنى
-
حبيباتى فى الله انا عاوزة اخد رايكم فى امر يخصنى بس بالله عليكم تجاوبونى بمنتهى الصراحة
انا لية اخت واحدة بس على خمس صبيان وهى تكبرنى ب7 سنين وانا والله كنت بحبها جدا بس هى كانت بتتعامل معايا بطريقة غريبة جدا هى عندها كل الناس بيكرهوها وبيكراهولها الخير وبيحقدوا عليها
حتى امى وابى مش عارفة لية مع انها بسيطة جدا بس هى زوجها يقال انة ثرى هى بس اللى بتقول كدة مع ان الظاهر غير كدة والله اعلم كانت دائما تقول علية انى انا بكرهها وبحقد عليها وكنت بقول يابت طنشى اكيد حد بيفتن بينى وبينها هو اللى فهمها كدة لحد ما سمعت بنفسى وهى بتكلم ماما وانا برفع بالصدفة لقيت الكلام نازل علية زى الصاعقة والله انا دوخت من كلامها ورميت السماعة ودخلت عند ماما وانا منهارة وكل اللى كان على لسانى كلمة واحدة( لية انا عمرى ماكرهتها ) ووقعت على الرض من البكاء وقررت انى مكلمهاش تانى بس امى تدخلت وانا كنت خايفة على امى انها يرتفع عندها الضغط وكان كمان داخل العيد فجات عندى وبكت ندمانة جدا على ما قالت وحلفت انها مش هتقول الكلام دة تانى بس هى حلفت كتير وانا بصراحة مش قادرة المرة دى قلبى اسى عليها من كتر ما كانت تقولى انى بكرهها وانا بحبها انا فعلا حاسة دلواتى انى مش بحبها من كتر ظلمها لية بجا والله كل ما احاول انسى اسمع صوتها وهى بتكلم ماما عنى كدة مقدرش انسى والله انا كرهت وجودى معاها فى اى حتة بس بقول حرام علشان صلة الرحم وعلى فكرة هى بتعمل كدة بالظبط مع ماما وللاسف بتسيب كل اللى بيحبوها وتقرب من اللى بيكراهوها
انا اسفة طولت عليكم بس للاسف انا معنديش اصحاب احكيلهم مليش غير امى وكفاية عليها اللى هى فية من مرضها وشوية من اختى ربنا يصلح حالها وحال كل المسلمين
كتبت : رقة زمان
-
حبيبتى لا تغضبى بالشكل دى هدى نفسك و انا ارى ان العلاقة بنكم لاذم تخف خالص خالص و تكون فى المناسبات بس يعنى كل سنة و انتى طيبة او الف مبروك فى الفرح و ربنا ميجبش حزن طبعا تكون فى اطار الواجب بس و صلة الرحم يعنى متقطعوش ولا تتخصموا بس على فكرة اكيد انتى كان ليكى معاها تصرفات خلتها قالت كدة يعنى مفيش حد بيعمل كدة من الباب للطاق على طول متزعليش من صراحتى و بعدين اختى انتى كل مواضيعك شكوى من اختك لية كدة خلاص تعبانة من افعالها ابعدى عنها ذى ما قولتلك
تقبلى مرورى
كتبت : رقة زمان
-
اختى الفاضلة على ما اظن ان دى يمكن تال او رابع موضوع ليكى تشتكى فية من اختك ربنا يصلح حالها حبيبتى اذا كنتى متضيقها من علاقتكم ببعض خلاص خلى العلاقة سطحية جدا و فى اطار صلة الرحم بس بلاش التداخلات الجامدة دى مع بعض و بعدين اختى اكيد انتى تصرفتى تصرف خلاها اخدت عنك الفكرة دى مش معقولة هتتهمك من الباب للطاق كدة على طول
و بعدين لو هى كانت ظلماكى كدة و انتى بتتهميها بالمرض النفسى طيب مهتمة اوى بكلامها لية مدام هى مريضة
عموما حبيبتى ربنا يصلح حالها و حالك و انهى الموضوع و متضيقيش نفسك كدة و خلى علاقتك بيها فى اضيق الحدود
معذرة على صراحتى بس دى لمصلحتك
كتبت : ام رؤى وجنى
-
والله يا حبيبتى العزيزة انا كنت ناوية اعمل كدة بس هى اللى بتندم على ما قالت وبتيجى لحد عندى وتخبط بابى وتبكى علشان اسامحها ولو ماكنتش غلطانة مكانتش اتاسفت والله انا حاولت احبها زى الاول بس للاسف من كتر الظلم اللى شوفتو منها كرهتها جدا ونفسى اموت علشان اخلص منها ومن شر كلامها علية بجد هى اكتر حاجة سيئة فى حياتى انا نفسى انساها
كتبت : habibat zaujaha
-
ام رؤى وجنى
حفظ الله لك رؤى وجنى
مااقول لك الا انه بامكانك ان تجعلى اختك باب يوصلك الى الجنة
كيف ؟ساخبرك
ربنا خلق لنا اذنين عشان نسمع كتير ونتكلم قيل
ارمى وراء ضهرك ...طنشى...الحياة تصبح جحيم لو كل كلمة وموقف بقينا نحلل فيه ونجلد انفسنا باجترار احزاننا ومافعل الاخرون لنا
لدلك
اتركى امر اختك ولاتزعلى منها ان الشيطان هو الدى نزغ بينكم وكبر فى عقولكم كل مايصدر منك فى نضرها وضخم لها كل مايصدر منك تجاهها
لدلك دعى من قالت وعملت وسوت
اشغلى نفسك باشياء مفيدة وبهوايات تحبيها عشان ماتلاقى وقت لموضوع اختك الا بالخير
مش حااقولك انك اكيد غير معصومة وربما اشركتى معها فى الخطاء انتى ادرى بهدا اكيد ولكن رغم دلك يجب ان تكونى قدوة طيبة خاصتا لبناتك
صدقينى التاريخ راح يعيد نفسه مع البنتين لو استمرت هده البغضاء والمشاحنات
المشكلة انك تنضرى للموضوع بزاوية من هو المخطى
لايهم من اخطاء فى التانى كانا نخطى المهم ان دمكم يبقى رابط اقوى من هده المشاحنات بالصبر والتفهم والقلب الكبير
ونصيحة لاتكررى كلمة باكرها الكره لو دخل القلب او من سيتضرر انتى لااختك ولاغيرها
قولى زعلانة منها ..متضايقة بس لاتستعملى كلمة الكره مهما حدت
والاهم
ادعى ربنا وتوجهى اليه راح يساعدك اكيد
كتبت : عبير ورد
-
السلام عليكم ورحمة الله وبركاته
غاليتي عيدك مبارك وكل عام وانت بخير صدقيني في نماذج كثيرة في البيوت مثل تصرفات أختك وأكثر من ذلك وما علينا سوى الصبر ومعاملتهم بالحسنى لأنهم رحم والرحم امرنا الله جل جلاله في كتابه العزيز بالوصل وكذلك الاحاديث الشريفة تحث على ذلك ما عليك إلا أن تكون علاقتك معها سطحية جدا سلام وكلام وضحك ومزح ولكن بحذر لكي لا يحدث بينكم تصادم وبذلك تتعبين أنت ووالدتك وعلى قولتهم { المصارين في البطن تتخانق } جت علينا نحن البشر

غاليتي لماذا لا تجلسين أنت وأختك ومن تثقين في رجاحة عقله ليكون بينكم حكم جلسة صفاء عسى الله أن يصلح الأمور بينكم والدنيا لا تسوى وبني آدم ليس فيه سوى لسانه يطلقه على البشر سواء بالخير أو الشر لو حصل له مكروه أصبح أضعف كائن في الوجود

عليك بالدعاء والأستغفار عسى الله ان يغير من حال إلى حال بعفوه وكرمه وجوده علينا

ىسفة على الإطالة ودمت بخير
الصفحات 1 2 

التالي

تكفون بنات ساعدوني

السابق

اكبر صدمه بحياتك ؟

كلمات ذات علاقة
انا , تحت , جلاش , فاض , والله