السيدات الفضلوات تعالوا كدة دقيقة
مجتمع رجيم / أرشيف رجيم
كتبت :
رقة زمان
-
طبعا اخواتى الفضلوات كلنا و اولكم انا نفسنا تكون حياتنا منظمة جدا و نستفيد من كل دقيقة فيها و نمحوا مشكلة الكسل اللى كتير منا بيعانى منها علشان كدة حبيت اطرح الموضوع دى و هو ان كل واحدة فينا تكتب احلامها ايوة احلامها فى تنظيم حياتها و تنظيم وقتها و مع بعض ان شاء الله هنحول الاحلام دى لحقيقة
ماشى
انا هبدء بذكر احلامى
انا بحلم انى
1\ اقلل عدد ساعات نومى لخمس ساعات بس
2\ استيقظ كل يوم مع اذان الفجر اتوضى و اصلى الفجر و اقرء قران لمدة حوالى نص ساعة
3\ بعد القران ادخل المطبخ اجهز السندوتشات للولاد و اجهزلهم فطار و دى بيكون طبعا لمدة ساعة بس وهى الساعة اللى اللى قبل ما الولاد ما يستيقظوا للمدرسة
4\ اوصل الولاد للمدرسة و ارجع بسرعة ادخل فورا على شغل البيت و احاول انى مكسلش و انا بشتغل و احاول اخلصة فى 3 ساعات و مع التنظيف اجهز الغداء للولاد و ممكن
5\ لو مفيش شغل كتير فى البيت يعنى مثلا لو خلصت شغل البيت فى ساعتين بس يعنة من 8 الى 10 ممكن اعمل اهتمام بنفسى يعنى مثلا اعمل حمام مغربى او انى اعمل اذالة شعر او انى اعمل حمام زيت و مسكات يعنى اهتم بنفسى شوية بس دى ميتعداش ساعة و احاول انى اخصص لكدة يوم فى الاسبوع يكون يوم مفيهوش شغل كتير و انا ماكونش تعبانة
6\ اخصص ساعة لنفسى كل يوم ذى نهلة ما قالت 15 دقيقة لاخذ حمام و لبس افضل ثياب و 15 دقيقة لتدليك الجسم و 15 للاسترخاء على ضوء هادئ و 15 دقيقة للحديث مع من احب امى طبعا 7\ ممكن لو نعست بعد شغل البيت انام ساعة قبل ما اجيب الولاد من المدرسة علشان اقدر اواصل المذاكرة معاهم
7\ بعد ما الولاد يجوا من المدرسة يتغدوا و اغسل الاطباق بتاعة الغدا و اخلى المطبخ نظيف جدا و اعمل نسكافية و ندخل فى المذاكرة من الساعة 4 الى 9 مساء
و الولاد يتعشوا و يخلدوا للنوم و انا اعيش حياتى معاكم فى المنتدى لمدة ساعة و استنى زوجى و اقدم لة العشا و ننام و طبعا يوم الخميس يوم راحة من المذاكرة و نص الجمعة كمان
و على فكرة انا بنفذ منة كتير الحلم دى
يلوا بقى قولولنا على احلامكم
هتواصل معاكم علشان اقولكم على ما تم تحقيقة من الحلم