صينية بطاطس (دايت)

مجتمع رجيم / أطباقنا الخاصة للرجيم

كتبت : ولا احلى

صينية بطاطس (دايت)

صينية بطاطس
دايت من عند ولا احلى

صباحكو

معطر بالفل والياسمين يا احلى اعضاء/ زوار

لمنتدى رجيم

رجيم موفق للجميع وان شاء الله الكل يوصل للهدف

مع شعارنا الدائم

(بالعزيمة والإصرار.الوزن هاينهار)

واكيد كل البنات اللى بتعمل رجيم محرومين من اكلات معينة

بس بعد دخولهم قسم(مأكولات رجيم) مش هاتتحرموا من حاجة

(ان شاء الله)

واكيد من الحجات اللى كنتوا محرومين منها

البطاطس

بس مع ولا احلى هاتكلوا بطاطس

اه بجد انا عملتلكوا

صينية بطاطس دايت تحفه

بس مش مسموح ليكوا اكتر من قطعة واحدة

صينية بطاطس

لاتحتوى على زيوت مليئة بالبروتين

صحية ولذيذة وخفيفة

المكونات والمقادير

4 حبة بطاطس

علبةتونة ومشروم حسب الرغبة

حبة طماطم كبيرة وحبتين فلفلاخضر وزيتون اسود

ربع كوب لبناومايونيزدايت او قليل من البشاميل(لهرس البطاطس)

ملعقة كبيرة بصل مقلى ونصف ملعقة ثوم

خل وملح وكمون

الطريقة

نسلق

البطاطس ونقشرهاوسها باللبن اوالمايونيزاوالبشاميل

(انا هرستها بالبشاميل وطلعت حلوة)

ونحط عليها ملح وكمون

نقطع

الفلفل والطماطم والزيتون

نصفى التونة من الزيت تماما

نجيب طاسة تيفال ونحط فيها ملعقة زيت واحدة

ونحط الفلفل والطماطم والزيتون والمشروم والثوم ونشوحهم فى الزيت شوية

وبعدين نضيف فى الآخر البصل المقلى والتونةوالخل ونتركهم على النار لحد مالتونة تتشوح

بس مش كتير عشان التونة (بتزفر)على النار

وبعدين نجيب صينية وندهنها بقليل من الزيت

ونحط نصف البطاطس المهروسة

ونحط عليها الحشو

وبعدين نضيف نصف البطاطس التانى

وندهن وشها بيض مخفوق وممكن نرش بقسماط (قليل)

وندخلها الفرن على درجة حرارة 160 لمدة ثلث ساعة

ومن فوق خمس دقائق تقريبا

ونطلعها بالشكل دا وطعمها جميل جدا

بالهنا والشفا

ايه رأيكوا؟؟
اتمنى تكون عجبتكوا واكون ماحرمتكوش من حاجة هههه

انا فى انتظار رأيكوا

وردوتكوا الحلوة المشجعة

كتبت : Coeur de Rjeem

ههههههههه ملوكتي
و لا اقول احلى شيف

ماشاء الله عليك يا قمر
و الله شكلها بيشهي

و بما اني اول رد من غير كلام راخ اهد الصينيه و الي عايزه تذوق لازم تجرب

كتبت : ولا احلى

class="quote">اقتباس : المشاركة التي أضيفت بواسطة nehla:
ههههههههه ملوكتي
و لا اقول احلى شيف
ماشاء الله عليك يا قمر
و الله شكلها بيشهي

و بما اني اول رد من غير كلام راخ اهد الصينيه و الي عايزه تذوق لازم تجرب