الشكل جنان والطعم بدنجان دا حقيقى مش عنوان الشكل جنان والطعم بدنجااااااااان ودا اكيد لأن مكونات الأكلة دى بتحتوى على باذنجاااااااااااااااااان مش عارفة ماللى رايقة النهاردة كدةبس اكيد عشان الحملة ابتادأت يعنى هافجر مواهبى يلا ندخل فى الموضوع صينيه مسقعة بالبشامييييييييييييييييييييل المكونات
باذنجان كوسة لحم معصج بشاميل صلصة الطريقة
نقشر الباذنجان ونقطعه ونحطه مصفاه ونرش عليه شوية ملح ابيض نقشر الكوسة ونقطعها ونحطها فى مصفاه ونرش عليها ملح ابيض نشطف البذنجان والكوسة جيدا ونصفيهم تماما ونرش عليهم شوية زيت زيتون من الناحيتين وندخلهم الفرن بالشكل دا ونفتح الفرن على درجة حرارة 160 ونسيبها حوالى نصف ساعة وبعدين نفتح من فوق حوالى عشر دقائق ودا شكلهم بعد ما شويتهم بصو شكلهم مشاء الله صحية جدا ومش شاربين زيت خالص وبعدين نجيب اللحمة المتعصجة ونحط عليها ملعقتين صوص ونعمل البشاميل او نشتريه جاهز انا اشتريته بودرة وضفتله لبن وبيض وملح ودى شكل المكونات كلها حطيت الكوسة على الباذنجان على اللحمة وقلبتهم
وجبت صينية ودهنتها زيت وبعدين حطيت نصف كمية البشاميل
وبعدين حطيت الكوسة بالباذنجان باللحمة
وبعدين حطيت نصف البشاميل الباقى
وحطيت على وشها بقسماط
ودخلتها الفرن على درجة 160 ومن فوق على نار هادية
ودا شكلها لما خرجت من الفرن
وبكدة انتهت الصينية وكلوها بالهنا والشفا
ايه رأيكوا على فكرة انا اول مرة اعملها وطلعت جميلة جداااااااا انصح الجميع بتجربتها
يسلام على الجمال جربوها وادعولى
بجد يا جماعة مش عشان انا اللى عملاها طلعت بجد جميلة اوى
واتمنى تعجبكوا يا غاليين انا فى انتظار ردوتكوا المشجعة الحلوة
(لو عجبك موضوعى لا تنسى التقييم لأنه بيشجعنى وبيضفلى كتير)
كتبت :
زهره الاسلام
-
ههههههههههههه من قبل ما اشوف الموضوع العنوان ضحكنى جدا :)
ينفع اسم فيلم :)
تسلم الايادى حبيبه قلبى الاكله شكلها شهى ويجنن
بارك الله فيك وفى انتظار المزيد من اكلاتك الرااائعه