بنات سلة للموبايل و اغراض صغيرة اخرى حملة سماء الابداع
مجتمع رجيم / الموضوعات المميزة فى التجارب والحلول المنزلية
كتبت :
اميرة حلوة
-
[/CENTER]
بنات راح تعجبكم سلتي و تتهوسو بيها و تجيكم في المنام شوفو ما احلاها هههههههههه شفتها قبل مدة في النت و عجبتني و عملتها احط فيها جهازي المحمول لما يروح معايا للمطبخ و ممكن تعمليها و حطي فيها اي حاجة
بنات قولولي وش رايكم ردو انا تعبت في تنزيل الموضوع لانو النت ضعيييييييييييييف
هذه السلة معمولة من اشياء بسيطة و متوفرة عندنا كلنا راح نحتاج نوعين من القماش اذا حبيتي واحد مزركش و الاخر مافيهش زركشة يناسب لون القماش الاول او تحبي الاثنين مزركشين لكن متناسبين
نحتاج كرتون للبترون عشكل دائرة وانت اللي تحددي حجمها و مقص و قلم لتحديد الخطوط وسيدي قديم وخيط و ابرة و صوف او قطن او بولستر او اسفنج مفتت
اولا راح نرسم الدائرة على القماشين و نقصهم يعني نحصل على دائرتين بنفس حجم الباترون مزركشة و اخرى بلون واحد
اما الدائرة الثالثة فتكون من القماش المزركش لكن تكون اصغر منن الاثنتين لانو راح نغطي بيها السيدي
الان راح نغطي السيدي بالقماش...على اطراف الدائرة نخيطو بالابرة بش بعد نشدو الخيط بش ينكمش حول السيدي
وهكذا غطينا السيدي و هو قاعدة السلة الجميلة
نروحو الان للقطعتين المتساويتين...نحطوهم فوق بعض و بالقلم نرسم فوق القماش غير المزركش لانو بعد راح يتغطى بالخياطة نرسمو اولا مستقيمين متعامدين وبعد نزيدو نشكلو 8قطع كانك تقطعي بيتزا هههههه
وبعد حطي السيدي في وسط قطعة البيتزا هههههه وارسمي بش تحددي محيطه وراح تتحصلي على دائرة صغيرة في الوسط
ابدئي الان بالخياطة,,,فقط تبعي الدائرة الصغيرة....لاحظي انك راح تخيطي القطعتين فوق بعض
و الان تبعي الخطوط الثمانية لكن ابدئي من الدائرة و توقفي قبل ماتوصلي الى طرف القماش شوفي الصورة
والان تحصلنا على 8جيوب صغار راح نحشوهم بالقطن
والان راح نخيطو بحيث انو نسد الفتحات لكن نستعملو خيط طويل بش بعد نشدو الخيط و تنكمش سلتنا شوية شوفي الصور
وبعد زينيها بشريط ساتان و اثنيه بش تغطي اثار الخياطة
حطيتلكم موبايل كان عندي بش تشوفو الفكرة
وهذه عملتها لزوجي للموبايل بصح لقيتو يحط فيها المفاتيح كي يدخل و القطع النقدية
ان شاء الله تعجبكم سلتي استنى ردودكم وتقييمكم
[/CENTER] 
