مجنونة يا طماطم...(حملة سماء الابداع)
مجتمع رجيم / التجارب والحلول المنزلية
كتبت :
منار28
-
الطماطم
واللى عملته فينا الطماطم السنة دى...
هى فعلا مجنونة..ساعات بتبقى ب 50 قرش وساعات بتبقى ب9 جنيه
علشان كده لازم نضحك عليها ونستغل ارخص اسعارها ونخزنها او نشرها او نحلى بيها..... وممكن كمان نعملها ماسك ...
وبصراحة هى تستاهل
مش هى اللى عملت فينا وفنفسها كده....؟؟!!
واول فكرة ليك يا طماطم
مربى الطماطم
المقادير
1كيلو طماطم
اكيلو سكر
ملعقة صغيرة قرفة
ملعقة صغيرة قرنفل
الطريقة:
هنقشر الطماطم ونقطعها قطع كبيرة ويضاف اليها ممقدار السكر والقرفة والقرنفل وتوضع على نار هادية
نقلب المكونات مرة كل 5 دقائق من غير تغطية الحلة لمدة 25 او 30 دقيقة حتى تنضج وتحصلى على قوام متماسك لشراب السكر الموجود بالحلة
ترفع المربى من على النار وتترك حتى تبرد
وتحفظ فى الثلاجة
تانى فكرة للطماطم
شوربة الطماطم
ودى سهلة خالص
وتنفع للدايت
المقادير:
ا كيلو طماطم
2 جزرة كبيرة الحجم
4 اكوب شوربة ( لحم او فراخ )
ملح وفلفل اسود
الطريقة:
تقشر الطماطم والجزر
هنحطهم فى حلة متوسطة مع شوية ماء حوالى كوب ويتبل الماء بالملح والفلفل على نار متوسطة لمدة 30 دقيقة حتى تمام النضج
يرفع من على النار ويترك حتى يبرد تماما...
توضع المكونات فى الخلاط وتضرب على سرعة عالية جداا حتى يصبح الخليط متجانس
يعاد الخليط الى حلة اخرى ونضيف الشوربة وتترك لتغلى خمس دقائق
وبالهنا والشفا
