class="quote">اقتباس : المشاركة التي أضيفت بواسطة كلمة صدق:
فعلا موضوع مهم جدا ..
وانا برضه كان ليا تجربة ..
اول ما انجوزت وجيت هنا - السعودية - كنت في عمارة كل اللي فيها باكستان وهنود ..
طبعا كنت حاسة اني مقطوعة لو احتجت حاجة مش هقدر اطلبها .. ولو حصل لي اي حاجة مش هلاقي اللي يساعدني ..
المهم قعدت ازن على جوزي عشان ندور على شقة تانية واهم حاجة انها تكون في عمارة فيها عرب .. على الاقل الاقي حد اكلمه بدل مانا طول النهار قاعدة لوحدي .. ومن حوالي سنةو نص او اكتر شوية نقلنا للعمارة اللي انا فيها دلوقت .. ودي كلها مصريين ..
بعد ما نقلنا بكام شهر لقيت واحدة جارتي في نفس الدور باعتة بنتها بعلبة تمر وبتقولي ماما عايزة تيجي تتعرف على حضرتك .. طبعا انا ما قصدت ههههههههه
وفعلا اتعرفنا على بعض .. وكانت البداية
تيجي في اي وقت .. مرة جت لي الساعة 9 الصبح .. يادوب جوزي نزل الشغل لقيتها بتخبط ..
ومرة تانية جت لي ومعاها خلطة محشي وقعدت تحشي عندي ههههههههه .. وطبعا كانت على طول تبعت تستلف اي حاجة
وبرضه من يوم ما دخلت بيتي وانا كانت بتحصل لي حاجات غريبة جدا ..
مرة منهم وقعت على رجلي كوباية شاي سخنة واتحرقت ..
ولما دخلت مرة المطبخ قالت لي دي فلانة سقف المطبخ عندها ناشع ميه .. مافيش اسبوع لقيت سقف المطبخ عندي نفس الحكاية هههههههههه
ومرة تانية دي فلانة شقتها مليانة صراصير ... مافيش برضه شوية والاقي البيت بقى حديقة عامة للصراصير ههههههههه
والمرة اللي جابت اخرها معايا
كانت عندي الصبح ومعاها بنتها في عمر رقية بنتي سنتين وشوية .. والبنت قاعدة على الكرسي بتاع رقية وبتلعب ورقية واقفة جنبها فصباعها اتزنق بين الكرسي والحيطة قامت شدت رقية بطريقة غبية جدا على اساس ان رقية بتضرب بنتها ..طبعا انا اتضايقت جدا جدا .. وقلت خلااااااااااااااااااااااص كده خلصت..
ولما جت بعدها بكام يوم الصبح برضه كعادتها مفتحتش الباب وعملت اننا مش موجودين ...
ولما كانت تبعت تستلف او تسأل عن اي حاجة اقول مش عندي او يااااه دي لسه خلصانة ههههههههه
بس الحمد لله هي فهمت بسرعة ومش اضطريت اني اكون قليلة الذوق معاها
بس يا قمر
انت ممكن تتصرفي مع جارتك بنفس الطريقة برضه ..
اعملي انك مش موجودة .. او لما تيجي تسيب ولادها عندك قولي لها معلش اصل احنا كمان خارجين كمان شوية
وكده
وهي مع الوقت هتلاقي بديل ههههههههه
تسلمي يا قمر على الموضوع الرائع ده واسفة اني طولت في الكلام
دمت بود
حبيبتى كلمة والله كأنك بتحكى على اللى بيحصل لى بس المصيبة بقى أن أنا عملت كل اللى أنتى بتقولى عليه وما فيش فايدة لو خبطت على الباب ومافتحتش أو كنت نايمة تيجى تانى بعد شوية تفضل تخبط كتييييييييير لحد ما أضطر أفتح ودا طبعا لانها بتبقى عايزة حاجة تستلفها منى ولما أفتح بدل مثلا ما تقولى معلش صحيتك من النوم لا دى بتقولى أيه هو أنتى نايمة فى بير كنتى بتعملى أيه دا كله وما فتحتيش على طول ليه ووووووووووو لما أتخنقت كأنى شغالة عندها مثلا دا طبعا غير أن كل حاجة بتستلفها منى مش ناقص بس غير أسلفها جوزى وولادى ههههههههه وبتطلب حاجات ماحدش بيستلفها من حد ولو قلت ما فيش تيجى بعد شوية تطلب حاجة غيرها دا غير انها كل حاجة تيجى تقولى شوفى هاتعملى أيه عشان أعمل زيك حتى مدرسة أبنى أستنيت لما قدمت لابنى وبعدين رحت قدمت لابنها فيها وكل ماتروح تسأل على ابنها تعرف مستوى أبنى لما الولد مستواه ما بقاش زى الاول ربنا يستر وتسبنى فى حالى بقى لحسن بجد زهقت لدرجة انى بفكر أعزل من هنا بسببها نورتى الموضوع يا قمر ربنا يكرمك واكلمى براحتك زى ما أنتى عايزة ما أحنا داخلين عشان ندردش يمكن نلاقى حل