هو انا المفروض ابدأه من امتى ؟؟

مجتمع رجيم / أسئلة و استفسارات الرجيم

كتبت : جنة الايمان

ازيكم كلكم
وحشتونى اوى

انا ان شاء الله فرحى 5/7
عقبال كل البنات اللى لسه مش اتجوزوا ان شاء الله

بس حبيت اسالكوا بقى المفروض ابدأ رجيم من امتى
انا حالا وزنى 85
فمش عارفه بقى قبلها بشويه ولا المفروض من دلوقتى
نفسى يبقى شكلى حلو ان شاء الله فى الفستان

ياريت تساعدونى بارائكم

كتبت : غدور

ازيك ياجنتي
وحشتيني جدا
انا مبسوطه اني اول رد
وطبعا الف مليووووووون مبروك
ربنا يتمم لك بخير ويسعدك دنيا واخره ويقر عينيك يارب
بصي ياجنه اول نصيحه حابه اقولها لك ان من دلوقت وحالا روحي سجلي في اي نادي رياضي والتزمي به حتي ميعاد فرحك
الرياضه هتشدلك جسمك وهتفرده وهتخليك مليكان في الفستان ان شاء الله
بس مهم من دلوقت عشان تبقي لعبت علي الاقل 6شهور وكمان هتحسن الدوره الدمويه وتديك اشراقه وحيويه لبشرتك ده غير انها هتخفف التوتر والقلق وشده الاعصاب بتاعت الجهاز اللي بتحصل قبل اي فرح
وممكن تشتركي مع التمارين في الاجهزه الكهربائيه زي المشايه او الاوربتراك
بس روحي نادي لانكم في البيت مش هتنتظمي
مع شويه تخفيف للاكل هتلاقي نفسك خسيتي وبطنك وجسمك اتشد
وممكن لو حسيتي انك عايزه تخسي اكتر اعملي رجيم سريع قبل الفرح بشهر مع اني منصحكيش بيه لانه هيهبطك وممكن يعمل لك لاقدر الله انيميا وهيخلي وشك شاحب وبعدين رجيم سريع بدون رياضه هيساوي جسم مترهل
لو عايزه تعملي رجيم مع الرياضه ابدئي من دلوقت واتبعي رجيم صحي وياريت يكون رجيم السعرات وانزلي عليه ببطء مش مشكله لكن عشان تحافظي علي صحتك وعلي جمال بشرتك وحيويه شعرك وطبعا متنسيش تاخدي معاه فيتامينات
واظبي بس علي الرياضه والتخفيف وامنعي اي اكل بعد الساعه 8 وممكن تشربي اعشاب تخسيس
ومبروك مره تانيه يا احلي جنه

كتبت : جنة الايمان

غدورتى حبيبتى
وحشتينى اوى والله
يارب تكونى بخير
الله يبارك فيكى ياحبيبتى عقبال ماتفرحى باولادك يارب
واكيد انتى معزومه على الفرح ان شاء الله ماهو مش هيبقى بعيد بقى ما احنا جنب بعض ياقمر

بصى بقى بالنسبه للنادى الرياضى وكده انا مش هقدر لانى فى فتره امتحانات ومشغوله اووووووى والكليه بتضيعلى كل وقتى
وكمان امتحانات الترم التانى ان شاء الله هيكون بعدها الفرح بايام لان بخلض اخر 6 او اول 7

انا فعلا نفسى امشى على رجيم من حالا بس بضعف والله ونفسى التزم برجيم بس مش عارفه ابدأ منين ودى المشكلة
بس هحاول اعمل توبيك فى اليوميات واشتركى معايا فيه وشجعينى زى زمان
تسلميلى ياحبيبتى ع ردك

كتبت : غدور

ربنا يكرمك ويخليك ياجنه علي الدعوات الحلوه دي ويرزقك يارب كل اللي تتمنيه
هي الامتحانات فعلا مشكله كبيره
عموما هقول لك علي حاجه سهله التزمي بيها في فتره الامتحانات وبعد الامتحانات ابدئي بنظام رجيم صحي وبركز علي كلمه صحي علشان تحافظي علي نضاره بشرتك لانك عروسه
طبعا وقت الامتحانات مفيش داعي تشغلي بالك برجيم كفايه عليك ضغط المذاكره
انت بس حاولي تستبدلي الخبز الابيض بتوست الرجيم
وخلي الرز والمكرونه مرتين بس في الاسبوع
وقللي كميه السكر اللي بتشربيها في اي مشروب
وطبعا ممنوع مياه غازيه ومقالي
وخلي عشاك بدري قبل ماتنامي ب4 ساعات
وقبل ماتنامي لوجعتي من المذاكره مسموح لك بزبادي بس او خيار او خس
ولو تقدري تتمشي ساعه يبقي خير وبركه او حتي ارقصي واهو يبقي تدريب للفرح
هههههههههه
وكان في خلطه للدكتور عبد الباسط ولااحلي نزلتها بالمنتدي وقالت ان والدتها خست عليها
كانت عباره عن كميات متساويه من بذره الرجله والشمر والبردقوش والكابلي بيطحنوا ويؤخذ منها ملعقه صغيره قبل كل وجبه بربع ساعه
انا مش متأكده قوي من المكونات بس ممكن ادور لك علي راب الموضوع بس برضه اتاكدي من ان الاعشاب دي ملهاش تأثير علي الجسم لانك طبعا لسه صغيره وعروسه فلازم تكوني حريصه شويه قبل ماتاخدي اي حاجه
واليوميات متقلقيش انا طبعا هكون فيها معاك وعلي فكره انا مشتركه حاليا بيوميات 10 كيلو في شهرين بنحاول فيها نغير نظام عادتنا الخطأ ونلعب رياضه بس ابدئي من دلوقت بأي حاجه ياجنه
وصدقيني افضل شئ نزول الوزن بالتدريج لان النزول السريع ده هتزيديه تاني بعد الزواج بفتره قصيره
اما النزول البطئ صعب تكتسبيه تاني ان شاء الله
وربنا معاك

كتبت : جنة الايمان

ميرسى يا غدورتى على نصايحك الحوة دى ياحبيبتى
ربنا يخليكى يارب
وهحاول فعلا ابدأ من حالا ان شاء الله وربنا يسهل يارب
ولما اعمل اليوميات هقولك ان شاء الله

كتبت : Coeur de Rjeem

حبايب قلبي هنا
وحشتووووووووني
طب يا جنه عزمتي غدورتي و انا

نسيتيني
الف مبروووووووكة حبيبتي مقدما و يا رب تتهني
بصي يعني غدورتي وفت
لو مش قادره تعملي رياضه حاولي تمشي ساعه كل يوم
و كمان التدليك يا قمر عشان شد الجسم قبل النوم دلكي كل جسمك منيح بكريمات خاصه و كمان التدليك يكون حتى تحسي بحراره بكفك
ده راح يرطب البشره ويشدها نوعا ما

وكمان يا قمر رطبي جسمك انا نصحك بحاجات جونسون المخصصه للاطفال فعلا رائعه
و ربنا يسعدك حبيبتي

الصفحات 1 2 3

مواضيع مميزة قد تهمك

ابليز اللى تعرف شئى اتقولى

سؤال حل النسكافيه ضروري وبسرعه

من , المفروض , التي , ابدأه , انا , هو , ؟؟