اطباق منوعه مع صور

دايت و رشاقة دايت و رشاقة

العودة   منتدى رجيم > ازياء موضه جمال ديكور طبخ > الاطباق المتنوعة

اطباق منوعه مع صور

إضافة رد اضغطي هنا لاضافة الموضوع الى مفضلتك!
LinkBack أدوات الموضوع انواع عرض الموضوع
<!-- google_ad_section_start -->اطباق منوعه مع صور<!-- google_ad_section_end -->
رقم العضوية: 47553
تاريخ التسجيل: Jul 2009
المشاركات: 731
الإعجابات المتلقاه: 76
نقاط الخبررة:100
هيليدا هيليدا
قديم 01-14-2011, 01:48 AM
[ 1 ]

اطباق منوعه مع صور image_1.jpg

الطريقة:

اكبــــس هنـــــا


0

سلطة المعكرونة والخضار



اطباق منوعه مع صور image_1.jpg

المقادير :

معكرونة
ملفوف أحمر
خس
بندورة
خيار
ملح

مايونيز مخفف بالماء

اطباق منوعه مع صور image_2.jpg

اطباق منوعه مع صور image_3.jpg


التتبيلة :
ليمون
فلفل حار
سن توم صغير مهروس ناعم
زيت زيتون


اطباق منوعه مع صور image_4.jpg

تخلط جميع المقادير ثم يضاف المايونيز المخفف بالماء على وجه السلطة

اطباق منوعه مع صور image_5.jpg











اطباق منوعه مع صور image_1.jpg

المقادير :

1.5 كوب أرز بسمتي منقوع
2 حبة جزر مبشرو
ذرة
حمص حب
حبة بطاطا متوسطة مقطعة مكعبات
كاري
بهارات كبسة
ملح وبهار مشكل
مكسرات و زبيب للزينة
دجاج مسلوق مع مي وبصل وهال وورق غار وبهارات وملح وبس يستوي بنقليه أو بنشويه

الطريقة :
أول شي بنقلي البطاطا بشوية زيت و بنحط كاري تقريبا ملعقة كبيرة و بنتركهم شوي ع النار
في مقلاية تانية بنحط الجزر مع شوية زيت وبتقلبهم ليتدبلو شوي بعدين بنضيف الدرة والحمص والملح وبهار الكبسة تقريبا ملعقة الى ملعقتين كبار بعدين بنضيف البطاطا و بنحركهم منيح مع بعض

في طنجرة الطبخ بنحط الرز بعد ما ننقعه ونغسله وبنضيف الخلطة عليه و بنضيف شوية ملح وشوية كاري وبهار كبسة مو كتيير بنحط يا دوب نص ملعقة كاري ونص ملعقة بهار كبسة و بنضيف مية سلق الجاج بعد ما نصفيها وملعقة سمنة و بنتركها على نار عالية بالأول وبس تغلي و يبلش ينقص المي عليها بنوطي الغار لحد ما تستوي منيح
بعدين بنضيف الجاج المشوي أو المقلي و المكسرات والزبيب بعد ما نقليهم وصحتين وهنا








الهريسة



اطباق منوعه مع صور image_1 (1).jpg

المقادير :

2.5 كوب سميد
كوب سكر
2 ملعقة كبيرة زبدة أو سمنه
علبة كبيرة (نص كيلو) لبن
نص ملعقة صغيرة كربونة
علبة قشطة أو 3 ملاعق حليب ناشف

الطريقة:

يوضع اللبن في وعاء ويوضع عليه الكربونة ... تترك حتى تفور
توضع المقادير جميعها ويخلط معها اللبن مع الكربونة وتعجن جيدا حتى تتجانس ثم توضع بالفرن وتحمر من أسفل وأعلى

واول ما تطلع من الفرن بنكون مجهزين القطر و بنسكبه عليها وهو سخن و بنتركها لحدما تبرد

مقدار القطر :
4 كاسات سكر
2 كاس ماء
يحرك السكر و الكاء جيدا الي أن يذوب ع النار و عند الغليان نقوم بعصر ليمون تقريبا نص ليمونة صغيرة و يترك على النار يغلي الي أن يعقد القطر ثم يصب و هو ساخن على الهريسة :))

و صحة وهنا








سندويشات الدجاج السريعة



اطباق منوعه مع صور image_1 (2).jpg

سفينة دجاج مسلوقة بعدين بنفتفتها ناعم و حطيب معها فليفلة ألوان و درة و مخلل خيار كله مقطع صغير و خلطهم ببعض مع شوية ملح و مايونيز

بعدين التوست قسمته مثلثات و حطيت قطعتين فوق بعض و بالتوستر ليتحمروا بعدين بحشيهم بالنص و بضغط عليها شوي و بحطها بالطبق :))

وصحتين و عافية :))‬








فتة الحمص



اطباق منوعه مع صور image_1 (3).jpg


المكونات :

حمص حب
خبز مقلي
لبن
طحينية
ملح
سن توم مهروس
سماق للزينة
ليمون

أول شي بنقلي الخبز و بنسلق الحمص
بنخلط شوي من مية الحمص مع الخبز وشوية حمص حب و بنحطه في طبق التقديم

بعدين بنجهز صلصة اللبن والطحينية
بنحط 3-4 ملاعق طحينية مع 1-2 ملعقة كبيرة عصير ليمون وسن توم مهروس و ملح وبنخلطهم و بنضيف عليهم كاسة لبن بكاسات الشراب وبنحركها منيح لتصير متجانسة

بعدين بنضيف الصلصة فوق الخبز المقلي و بنزينه بالحمص الحب والسماق وصحتين وهنااا :))










سناك بالخبز الفرنسي



اطباق منوعه مع صور image_1 (4).jpg


الطريقة:

اكبـــس هنـــا









الدونت



اطباق منوعه مع صور image_1.jpg

المكونات:

2كوب طحين
4ملاعق حليب
ملعقة كبيرة زبدة (وانا زودتهم شوي )
نص ملعقة كبيرة خميرة
بيضة كبيرة مخفوقة (أنا استعملت بيضتين صغار)
رشة ملح
2 ملعقة كبيرة سكر
ماء دافئ للعجن


الطريقة:

أول شي بنحط المكونات كلها مع بض وبنعجنها ليتكون عنا عجينة متماسكة وطرية

اطباق منوعه مع صور image_2.jpg

اطباق منوعه مع صور image_3.jpg

بنترك العجينة في مكان دافئ لترتاح ويتضاعف حجمها

اطباق منوعه مع صور image_4.jpg

بعدين على سطح مرشووش بنحط جزء من العجينة وبالشوبك بنفردها وبتكون خميلة شوي

بعد ما نفردها بقطاعة الدونات بنقطع العجينة

اطباق منوعه مع صور image_5.jpg

وطريقة تانية بنفرد العجينة وبتكون رقيقة شوي وبنكون عاملين سكر مع قرفة ... أول شي بندهن العجينة بشوية زبدة وبنرش السكر والقرفة عليها وبنلفها رول وبنقطعها

اطباق منوعه مع صور image_6.jpg

اطباق منوعه مع صور image_7.jpg

وطريقة تالتة بنعملها متل الحلزون
بنترك الدونات بعد ما قطعناهم وجهزناهم على سطح مرشوش ليرتاحو شوي

اطباق منوعه مع صور image_8.jpg

بعدين بنقليهم بزيت حامي وغزير

اطباق منوعه مع صور image_9.jpg

هلأ بنزين الدونات
رول الدونات بالقرفة .... بنحطة في قطر بارد وبنصفه في طبق التقديم
حلقات الدونات ..... حطيب عليهم سكر مطحون وممكن نحط كمان شوكولاتة مدوبة
الدوائر الي نتجت من لما عملت الحلقات ..... حطيتهم بقطر بارد بعدين كنت محمصة جوز هند وغمست الدوائر فيها
أما الحلزون فعملت كراميل وحطيته على حبات الدونات وحطيت فوقه فستق محمص وطحنته شوي

اطباق منوعه مع صور image_10.jpg







الرقاق والعدس (الحراء اصبعو)



اطباق منوعه مع صور image_1.jpg


العجينة:

طحين وملح ومي وانا بحط كمان شوية حليب بودرة وشوية زيت وبعجنها ليصير في عندي عجينة طرية ومتماسكة وبفردها وبتكون رقيقة على سطح مرشوش طحين بعدين برش طحين فوق العجينة اللي فردتها و بطويها متل الرول و كل ما أطوي شوي برش طحين لحتى ما تلزق العجينة مع بعضها وبعدين بقطعها وبفكفكها عن بعض و برش عليها برضو طحين وبكون شكلها متل الحبال

بننقع العدس لحد ما يستوي ... بعدين بنحط العجين بحذر لحتى ما يعجن مع بعضه و شوية توم مهروس وبنتركهم ع النار يغلو بعدين بنقلي تووم بزيت زيتون و بنطشه فوق العجينة والعدس وبنتركه ع النار الى ان يمتزج مع بعضه منييح

طبعا ما ننسى الملح واناكمان بحط سماق وفي ناس بتعصر شوية ليمون كمان اثناء الطبخ

بنحط الرقاق والعدس في صحن التقديم وبنزينه بالسماق والليمون والخبز المقلي

اطباق منوعه مع صور image_2.jpg

وصحتيين والف هنااا :))







فريكة مفلفلة



اطباق منوعه مع صور image_1 (1).jpg


الطريقة:

اول شي بتنقعي فريكة ... بعدين بتقطعي مكعبات بطاطا و بتقليهم شوي وبتملحيهم وبتبهريهم

بعدين بس تنفش الفريكة و تصير طرية بتحطيها على البطاطا و شوية زيت أو سمنة زي ما بدك و بتحطي عليهم بهارات شوي و ماجي و مي و حمص حب للي بحب و اتركيهم ع النار لتستوي الفريكة منيح :))

وصحة وهنا








سلطة الدجاج



اطباق منوعه مع صور image_1 (2).jpg


المكونات :

خس مقطع
بندورة مقطعة كبير
خيار مقطع دوائر
دجاج مقطع مكعبات متبل ومقلي
انا للسرعة استخدمت برغر الدجاج ويمكن استخدام سكالوب الدجاج او قطع الدجاج المتبلة والجاهزة للقلي بنقطعم مكعبات
مايونيز مخفف بمي
ملح

نضع الخس ثم البندورة ثم الخيار فالدجاج المقلي نضع القليل من الملح عليهم ... ثم نضع المايونيز المخفف بالماء على الوجه

جربوا شيبس التورتيلا او اي نوع شيبس مبهر كتيير طيب معه بنحطه على وجه الطبق

وصحتين وعافية








كرات البطاطا بالكاري



اطباق منوعه مع صور image_1 (1).jpg

اطباق منوعه مع صور image_2 (1).jpg


3 حبة بطاطا مسلوقة ومهروسة
نصف كوب بازيلاء مسلوقة
2-3 ملاعق طحين
ملعقة حليب بودرة
كاري حسب الرغبة
ملح

تعجن كل المقادير جيداً وتكور كرات و تغمس بالقرشلة و تقلى بزيت حامي وغزير
يمكن تقديمها مع صلصة المايونيز و اللبنة أو اي صلصة ترغبونها

وصحتين و عافية








بيتزا المشروم بالخبز الفرنسي



اطباق منوعه مع صور image_1 (2).jpg

اطباق منوعه مع صور image_2 (2).jpg


المقادير:
خبز فرنسي
فطر مقطع ومفروم
بصل أخضر مفروم
مايونيز
ملح
فليفلة حلوة مفرومة ناعم
جبنة موزوريلا

تخلط جميع المقادير السابقة ما عد ا الجبنة و نضعها فوق قطعة الخبز ثم نرش الجبنة فوق ونضعها في الفرن الي أن تتحمر

وصحتيـــــــــن و ألف عافيـــــة








طبقات جوز الهند والسمسم والفستق



اطباق منوعه مع صور 2.jpg


طبقة جوز الهند :


8 ملاعق كبيرة سكر
5 ملاعق كبيرة حليب بودرة
3/4 كوب ماء
15-18 ملعقة جوز الهند


الطريقة:
توضع المقادير كلها على النار الي يصبح المزيج كثيفا ... وبنحرك الخليط كل شوي


بس يصير كثيف ... بنحطه في طبق وبنضيفله جوز الهند لحد ما يتكون عنا عجينة متماسكة


وبنفرد أول طبقة من جوز الهند في طبق مغلف بالقصدير أو النايلون

اطباق منوعه مع صور 3.jpg

اطباق منوعه مع صور 4.jpg

اطباق منوعه مع صور 5.jpg

اطباق منوعه مع صور 6.jpg

اطباق منوعه مع صور 7.jpg


طريقة عمل الكراميل :


20 ملعقة سكر
كوب حليب (بكاسة الشراب) سائل


يوضع السكر على النار الى أن يذوب ويصبح لونه بنياً ثم نضيف الحليب دفعة واحدة ونتركه على النار حتى يذوب كل السكر وبنحركه كل شوي الى أن يصبح القوام كثيفاً


بنكون محمصين كاسة سمسم (بكاسة الشراب برضو ) وما بنحمصها كتيير بس شوي وبنحط جزء من الكراميل على السمسم حتى يصبح متماسك وبنفرده فوق طبقة جوز الهند


وبنحمص تقريبا كاسة فستق وبنسكب الجزء التاني من الكراميل على الفستق حتى يصير برضو متماسك وبنحطه فوق السمسم اخر طبقة

بنحطه بالتلاجة لحتى يتماسك منيييح


وبس يبرد ويتماسك بنطلعه من التلاجة وبنقطعه ... وبنحفظه بالتلاجة لحين الاستخدام


وصحتيين وألف هنااا

اطباق منوعه مع صور 8.jpg
اطباق منوعه مع صور 9.jpg
اطباق منوعه مع صور 10.jpg
اطباق منوعه مع صور 11.jpg
اطباق منوعه مع صور 12.jpg
اطباق منوعه مع صور 13.jpg
اطباق منوعه مع صور 1.jpg
اطباق منوعه مع صور 14.jpg







أرز مع كرات اللحم



اطباق منوعه مع صور image_6.jpg



أرز بسمتي بنقعه و بعد ما أنقعه بطبخه عادي مع هيل و شوية بهارات وورق غار و مستكة مطحونة شوي و بنطبخ الرز عادي ... ولما يستوي بنحط فحمة مولعة في كاسة فيها زيت زيتون و بنغطي الطنجرة لتاخد ريحة الفحم
بعدين بنعمل كفتة دوائر و بنقليهم و بنكون حاطين بالفرامة بصل و توم و فلفل حار ازا بتحبو بعدين بنحطهم في طنجرة مع شوية زيت و بنقلبهم شوي و بنحط بندورة بالفرامة برضووو و بنفرمها ناعم شوي و بنضيفها ع البصل و بنتركها تغلي شوي و بنضيف ملح وبهار وكرات اللحمة أو الكفتة و بنتركها شوي تتطبخ ع النار و بنحطها على وجع الرز .. الصوص على الكفته ما بكون رخوو كتيير و صحتين وهنا :))








ليزي كيك



اطباق منوعه مع صور image_1.jpg


الطريــقة:

اكبـــس هنـــا







البيتزا السريعة بالخبز الفرنسي




اطباق منوعه مع صور image_1.jpg

كاتشب
بهارات مشكلة
ملح
زيت زيتون
بندورة مقطعة دوائر رفيعة
بصل مقطع حلقات
فطر
فليفلة حلوة مقطعة مكعبات او حلقات
جبنة موزوريلا أو قشقوان
خبز فرنسي

يخلط الكاتشب و البهارات المشكلة والملح وزيت الزيتون ويدهن على قطعة الخبز الفرنسي ثم نضع قطع البندورة و الفطر و الفليفلة و البصل ثم الجبنة ونضعها في الفرن قليلا الى أن تحمر قليلاً


يمكن اضافة قطع من الدجاج المتبل و المقلي أو المشوي أو قطع اللحم أو قطع البرغر المقطعة والمشوية أو المقلية وذلك حسب الرغبة


اطباق منوعه مع صور image_3.jpg

وصحة وعافية :))









حلوى الكاسترد



اطباق منوعه مع صور image_1 (1).jpg


المكونات :
كاسترد
علبة قشطة
كريما
حليب
سكر
كيكة اسفنجية سادة
نسكافيه
كاكاو للزينه

الطريقة:
اول شي بنعمل الكيكة وبس تجهز بنقطعها شرائح وبنصفها في طبق وبنشربها بنسكافيه محلول بمي
بعدين على النار بنحط الحليب والسكر والكاسترد البودرة و بنتركهم ع النار لحد ما يجمد شوي الكاسترد بنكون مجهزين الكريما و حاطين عليها علبة القشطة و بنخلطها مع الكاسترد اول ما يترك النار و بنحرك بسرعة لحتى يتجانس منيح وبسرعة بنسكبها فوق الكيك
بعدين بنغطي الوجه بالكاكاو الباودر وبنحطها في التلاجة وبنتركها تبرد كتييييييييير منيح
مرة كمان جربتها بأني حطيت طبقة من البسكويت مشربة بالنسكافيه المحلول بالمي وحطيتها بالنص يعني طبقة الكيك بعدين الكاسترد بعدين بسكويت بعدين كاسترد بعدين رشة الكاكاو في النهاية
ممكن في النهاية نزينها بشوية من الكريما وصحتييين والف هنا :))








خبز بالزعتر و خبز بالسمسم وحبة البركة



اطباق منوعه مع صور image_1 (1).jpg


العجينة عبارة عن
4 كاسات طحين
5 ملاعق حليب بودرة
1/2 كاسة زيت مازولا
1 ملعقة صغيرة ملح
2 ملعقة صغيرة سكر
1.5 ملعقة كبيرة خميرة
ماء دافئ للعجن

نأخذ نصف المقدار و تعجن جيدا وتوضع في مكان دافئ حتى يتضاعف حجمها

خلطت معها سمسم وحبة البركة (الحبة السودا

والنص التاني من المكونات نفسه بس ما حطيت زيت مازولا
والي عملته كالآتي :
حطيت نص كاسة زيت زيتون ع النار وقليت فيهم بصلة كبييرة مفرومة ناعم كتيير مع فصين توم برضو مفرومين ناعم وتركتهم يتدبلو ع النار مع شوية ملح وبهارات
بعدين جبت زعتر ورق .. طازة او منشف مو مشكلة وخلطته بالبصل ودرته على الطحين والمكونات التانية وعجنته عادي بمي دافيه وحطيته بمكان دافي ليتضاعف حجمه

بعد ما خمرت العجينة و أصبحت جاهزة .. فردتهم و عملتهم على سمك قليل وقطعتهم شي مثلثات وشي نص دائرة ... وفيكم تقطعوا بالشكل الي بتحبووه

وصحتين وألف هناا :))








البوظة



اطباق منوعه مع صور image_1.jpg
اطباق منوعه مع صور image_2.jpg




بوظة الفراولة :

كيس كريما

3-4 ملاعق كبيرة حليب بودرة

مي باردة لعمل الكريما ... تقريبا 3\4 كاسة

2 بملعقة كريم كراميل باودر

2 ملعقة جلو فراولة

4 حبات جبن كريمة متل كيري او اي نووع تاني وممكن بدالها نص علبة قشطة

فراولة منقوعة بالسكر

ماء بارد


الطريقة بنحط الكريما والحليب والمي وبنخفقهم منييح ليصير في عنا كريما كثيفة ومتجانسة

بعدين بنضيف الكريم كراميل والجبنة والجلو وبنخلط منييح وبنضيف الفراولة بعد ما نهرسها وبنخلط كتيير منييح

هلأ الوصفة حتكوون كثيفة .. حنضيف تقريبا كاسة مي وبنحرك او حتى ليتكون عندي مزييج كثيف شوي مو خفيف ومو تقييل بكون

وبنحطها بالفريزر لتجمد

اطباق منوعه مع صور image_3.jpg

اطباق منوعه مع صور image_4.jpg

اطباق منوعه مع صور image_5.jpg

اطباق منوعه مع صور image_6.jpg

اطباق منوعه مع صور image_7.jpg

اطباق منوعه مع صور image_8.jpg

اطباق منوعه مع صور image_9.jpg

اطباق منوعه مع صور image_10.jpg

بوظة الشوكولاتة :

انا زودت العيار شوي لأنه الشوكلاتة كتيير بنحبها :))

2 كيس كريما

4 ملاعق حليب بودرة

كاسة مي باردة

2-3 ملعقة كريم كراميل

1-2 ملعقة جلو اي نووع بس ما بنكتر كتيير منه

علبة صغيرة من الشوكلاتة الكريما متل نوتيلا وممكن ما نضيف الشوكلاتة ممكن نضيف بدالها كاكاو وسكر

6 قطع جبن كريمة او ممكن نحط بدالها علبة قشطة
2-3 ملاعق كاكاو بودرة


بالخلاط بنعمل الكريما مع الحليب والمي وبنخلط منيح ليتكون خليط كثيف ومتجانس

بعدين بنضيف الشوكلاتة والكريم كراميل والجلو والجبنة وبنخلط منييح بعدين بنضيف الكاكاوليعطيني طعم ولون اضافي وبحرك منيييح كتيير

المزيج حيكون كثيف ... ضفت تقريبا كاسة ونص كاستين مي باردة او حتى يتكون عندي خليط مو كثيف ومو خفيف

وبنحطه بالفريزر

اطباق منوعه مع صور image_11.jpg

اطباق منوعه مع صور image_12.jpg

البوظة العربية :

1\2 كاسة سكر

1\2 ملعقة مستكة ناعمة

1\3 ملعقة سحلب .... انا السحلب كان خالص عندي فحطيت 1\2 ملعقة نشاا

1\2 ملعقة فانيلا

1 1\2 كوب ماء

كوب حليب ناشف

فستق حلبي



توضع جميع المقادير بالخلاط وتخفق جيدا بعدين بضيف الفستق الحلبي المطحون وبحط الخليط بالفريزر

كل ساعة بحرك الخليط عشاان الفستق كله يتخلط ببعضه لمدة 3 ساعات بعدين بتركه بالفريزر ليجمد



وصحتيين والف هنااا



طبعا على هدوول الطرق ممكن ينعمل نكهااات كتيييييييييييرة من البوووظة

اطباق منوعه مع صور image_13.jpg


قد يهمك أيضاً:
انقاص الوزن رجيم

هيليدا غير متواجده حالياً  
Sponsored Links
<!-- google_ad_section_start -->رد: اطباق منوعه مع صور<!-- google_ad_section_end -->
um rawan
رحيق الوردات مشرفة سابقة لها عبير الورد
رقم العضوية: 57774
تاريخ التسجيل: Feb 2010
المشاركات: 18,766
الإعجابات المتلقاه: 698
الإعجابات المضافة: 828
نقاط الخبررة:100
um rawan um rawan
قديم 01-14-2011, 01:58 AM
[ 2 ]

السلام عليكم
ماشاء الله تبارك الله حبيبتي هيلدا
مجهود جبار منك
تسلم الايادي حبيبه
ياريت لو فصلتي الموضوع
جزء مخصص لي قسم الجلويات واخر للمعجنات
شكرا حبيبه
ماتحرمينا من جديدك
قد يهمك أيضاً:

um rawan غير متواجده حالياً  
<!-- google_ad_section_start -->رد: اطباق منوعه مع صور<!-- google_ad_section_end -->
رقم العضوية: 76884
تاريخ التسجيل: Dec 2010
المشاركات: 165
الإعجابات المتلقاه: 6
نقاط الخبررة:100
الزهره الدمشقيه الزهره الدمشقيه
قديم 01-14-2011, 02:07 PM
[ 5 ]

تسلم ايدك
قد يهمك أيضاً:

الزهره الدمشقيه غير متواجده حالياً  
منتدى رجيم منتدى مستقل تابع لمؤسسة المصابيح التقنية
Powered by vBulletin® Version 3.8.7, Copyright ©2000 - 2014, Jelsoft Enterprises Ltd.
Content Relevant URLs by vBSEO 3.6.0